Brief des Sultans; Istanbul, 11. February

Eflāḳ ve Boġdān voyvodalarına At the time, the voivode of Wallachia was Nicholas Mavrocordato and the voivode of Moldavia was Grigore II Ghica. yazılan mektūbların ṣūretidür: Eflāḳ memleketinde potāz dimekle maʿrūf bir nevʿ-i mīşe aġacı küli olub çuḳa işliyenler istiʿmāl iderler imiş. Muḳaddemā İngiltere ve Nederlānd tüccārı ẕikr olunan külden iştirā içün gelüb Eflāḳ voyvodalarından akçeleriyle alub diyārlarına götürürler imiş. Ancaḳ bir ḳac seneden berü olmaḳla tüccārın āmed-şüdi münḳaṭiʿ olmaġla el-ḥaletü ḥaẕihī Devlet-i ʿAliyye-i ebed-peyvend ile ḥaşmetlü ḥürmetlü Nemçe çāsārı ḥażretleri beyninde vuḳūʿ bulan muṣālaḥa ve muvādaʿa muḳteżāsınca fīmā-baʿd ol-maḳūle mīşe küli Nemçe diyārından gelen tüccāra bahāları ile beyʿ olunub iştirāsına mümānaʿat olunmamaḳ ve ẕikr olunan kül Nemçelüden ġayriye virilmeyüb Nemçe tüccārına maḫṣūṣ olmaḳ üzere ḥālā der-i devlet-medārda meks̱ üzere olan Nemçe ilçisü dostumuz bir ḳıtʿa fermān-ı ʿālīşān iḥsān olunmasın iltimās itmegin ḫuṣus-ı mezbūrun bir dürlü maḥẕūru var mıdur yoḳ mıdur maʿlūm olmaḳ lāzıme-i ḥālden olmaġın istiʿlām-ı aḥvāl içün mektūb taḥrīr ve irsāl olunmışdur. Lede’l-vuṣūl tüccārın āmed-şüdi münḳaṭiʿ olmasına baʿis̱ nedir, bir maḥẕūrı ẓuhūrundan nāşī ṭaraf-ı Devlet-i ʿAliyyeden menʿ olunduġı var mıdur? Ẕirā ḫuṣūṣ-ı mezbūr baʿżı vuḳūfı olanlardan tefaḥḥuṣ olunduḳda ẕikri mürūr eden kül vilāyet-i merkūme reʿāyāsınuñ ḥavāyīc-i żarūriyyeleri içün ḳatʿ ve daʾima yaḳdıkları odundan cemʿ ve ḥāṣıl olan kül degildür; voyvodalar maḫṣūṣ ḳorılar ḳaṭʿ ve ḥarḳ itmekle ḥāṣıl idüb tüccār-ı merḳūme ol küli fürūḫt iderler idi. Ol daḫī otuz sene ḳadar vardır ki tüccārı münḳaṭiʿ olub ḳaṭʿ ve ḥarḳ olduġı yoḳdur diyü ḫaber virmişlerdür. Bu taḳdirce baʿżı maḥẕūr ḫāṭıra gelüb cümleden biri nice aḫyānda olmaḳla ḳorılarda ḥāṣıl olan aġaçlardan köprüler bināsına ve ḳalʿa taʿmīrine ve sefāin inşāsına ve sāʾir umūr-ı mühimmeye ṣarf içün kerāste ḳaṭʿı fermān buyuruldıḳda ḳorılar kül içün iḥrāḳ olundıġından kerāste tedārikinde ʿusret ile ḥīn-i iḳtiżāda bir emr-i mühimmenüñ ʿadem-i ḥuṣūlüne müʾeddī olur mı yoḫsa kül ḥāṣıl olacaḳ ḳorılar başḳa olub ve kerāste ḳatʿ olunacak ḳorılar başḳa olmaġla bir dürlü müżāyaḳaya bāʿis olmaz mı ve bundan ġayrı hücneti var mıdur ve bir maḥẕūr żımnında menʿi içün muḳaddemā emr-i şerīf virilmiş midür ve bu misillü maḥẕūrātı olmadıġı ṣuretde ahālī-i memleketde bir dürlü żarara mūceb olur ḥālet var mıdur? Ḥāṣılı bu ḫuṣūṣı ziyāde teʿemmül ve mülāḥaẓa ve müzākeresi iḳtiżā iden erbāb-ı vuḳūf bu maddenün ḥüsn ve ḳabaḥati beyān iderek ʿale’l-tafṣīl ḳaleme alub ṣıḥḥati ve ḥaḳīḳati üzere iʿlām eyleyesün. A month after this inquiry was dispatched to the Voivode of Wallachia, the Ottoman court issued an edict addressed to the voivode and gave the Habsburg merchants a monopoly on pot ash trade in the principality. fī evāil-i Rebīʿi’l-āḫir 1132