Die Großbotschaften Damian Hugo von Virmonts und Ibrahim Paschas (1719/20)Der Bericht von Receb Agha, einem Agenten des rumelischen Gouverneurs Abdullah Pasha, über sein Treffen mit Graf Oduyer, um die Einzelheiten der Austauschzeremonie für die Rückreise der beiden Botschafter zu besprechen, Ausstellungsort unbekannt, 28. Mai 1720The report of Receb Agha, an agent of the Rumelian Governor Abdullah Pasha, about his meeting with Graf Oduyer to discuss the details of the embassy exchange ceremony that will take place during the return journeys of the ambassadors, location unknown, May 28, 1720Rumili Valisi Abdullah Paşa tarafından elçilerin geri dönüşleri esnasında sınırda gerçekleşecek elçi değişim töreninin organizasyonu için murahhas tayin edilen Receb Ağa’nın, Graf Oduyer ile görüşmesi hakkındaki raporu, yazıldığı yer bilinmiyor, 28 Mayıs 1720Receb Aghaota1720-05-28MiscellaneamiscellaneaHüveBiñ yüz otuz bir senesinde ilçileri mürūrları ve ikrāmları ḥ ḫ uṣūṣı-çün şevketlü ʿaẓametlü ʿadāletlü kerāmetlü pādişāh-ı ʿālem-penāh ḥażretleri ḥālā Rūmili vilāyeti ve Nīşde Ser-ʿasker Vezīr-i mükerrem ʿAbdullāh Paşa ḥażretlerin vekīl idüb ol daḫı vekālet ḥasebiyle ṭarafından beni vekīl idüb Belġrāda göndermiş idi ki Devlet-i Romāniyye Çāsārı ve İspanya Ḳrālı Karoluş ṭarafından ilçileri mürūrlarına ve ikrāmları ḫuṣūṣlarına vekīl olan Belġrād Cenerāli ve Ṣırb memleketinde Ser-ʿasker Yosef Ġrūf Odūyer ile vech-i lāyıḳı üzere söyleşüb ve sözi ḳaṭʿ idüb birbirlerimize ol şurūṭ üzerine temessük virüb ve temessük almaḳ içün Nīşden Belġrāda gelüb iki devlet ilçileri mürūrlarını ve ikrāmlarını söyleşüb Belġrād cenerāli ḥażretlerine temessük virüb ve temessük alub ol temessükler şurūṭı üzere iki devletüñ ilçileri mürūr itmişler idi. İşbu biñ yüz otuz iki senesinüñ māh-ı Receb-i şerīfinde iki devletüñ ilçilerinüñ ʿavdetleri ẓuhūr itmegin yine mürūrları ve iḳtiżā iden ikrāmları ḥ ḫ uṣūṣı-çün yine şevketlü ʿaẓametlü ʿadāletlü kerāmetlü pādişāh-ı ʿālem-penāh ḥażretleri ḥālā Rūmili vilāyeti ve Nīşde Ser-ʿasker Vezīr-i mükerrem ʿAbdullāh Paşa ḥażretlerini vekīl idüb ol daḫı vekāleti ḥasebiyle beni vekīl idüb Devlet-i Romāniyye Çāsārı ve İspanya ḳrālı ṭarafından ilçileri mürūrlarına ve iḳtiżā iden ikrāmlarına vekīl olan Belġrad cenerali ve Ṣırb memleketinde Ser-ʿasker Yosef Ġrūf Odūyer ile ve tercümān Ādam Menāyīr ile bir yere gelüb ilçilerin mürūrların ve ikrāmları ḫuṣūṣlarına şöyle ʿahd-i mīs̱āḳ eyledügi iki devletüñ ilçileri Nīşe ve Belġrāda dāḫıl olduḳları ve ḳalḳduḳları zemān geçen sene gendülerine ne miḳdār ʿasker ile alay olub ve ne miḳdār ṭob şenlikleri olmış ise yine öylece olub noḳṣān olmaya. Ve ḳonaḳlara ḳonmaḳ murād iderler ise de ḳonaḳlara ḳonub ḳonaḳlarda ve yollarda ve sāʾīr yerlerde geçen sene yanlarına ne miḳdār ʿasker taʿyīn olunub ne vechle ikrām olunmış ise bu sene daḫı öylece ikrām oluna. Māḥāṣıl-ı kelām geçen sene ne yüzden şenlik ve ikrāmlar olunmış ise bu sene daḫı öylece olub noḳṣān olmaya. Ve iki devletüñ ilçileri Nīşe ve Belġrāda dāḫil olacaḳları gün maʿlūm olmadıġından oturub mübādele güni ve sāʿati ḳaṭʿ olunmamışdur. İn-şāa’llāhu teʿalā iki devletüñ ilçileri Nīşe ve Belġrāda dāḫil olduḳları sāʿat iki ṭaraf ser-ʿaskerleri birbirlerine menzil ile ādem gönderüb mübādele ne gün ve ne sāʿat olacaḳdur ḳaṭʿ ideler ve bu sene çayır olmaduġından reʿāyāya zaḫmet olmamaḳ içün geçen sene dördünci māddede yazılan biñ beşer yüz süvārī ile ikişer yüz nefer piyādeden bu sene yalñız sekiz yüz süvārī ile yüzer nefer piyāde olub ziyāde ve noḳṣān olmaya. Ve geçen sene mevcūd olan altı ʿaded yarımşar vuḳiyye şāhī ṭobları bu sene daḫı mevcūd olub noḳṣān olmaya. Ve bu temessük istiḥkāmı içün şevketlü aẓametlü ʿādāletlü kerāmetlü pādişāh-ı ʿālem-penāh ḥażretleri ṭarafından ḥālā Rūmili vilāyeti ve Nīşde Ser-ʿasker Vezīr-i mükerrem ʿAbdullāh Paşa ḥażretleri vekīl olub ol daḫı vekāleti ḥasebiyle beni vekīl idüb göndürmekle ben daḫı vekāletüm ḥasebiyle ḳayd-ı temessükde olan māddelere istiḥkām içün kendi ḫaṭṭum ile yazub ve kendi mührüm ile bu temessüki mühürleyüb cenerāl ḥażretlerine virdüm ve cenerāl ḥażretleri daḫı vekāleti ḥasebiyle bālāda taḥrīr olunan māddeleri Nemçe lisānı üzere temessük yazub ve kendi mühri ile mühürleyüb baña teslīm eyledi. Ṭarafeyne verilen temessükler şurūṭı üzere cümle māddeler ṭuṭulub noḳṣān olmaya. Fī 20 Receb sene 1132 Receb Aġa Muraḫḫaṣ-ı vālī-yi Rumili ve Nīş Ser-ʿasker ʿufiye ʿanhuBiñ yüz otuz bir senesinde ilçileri mürurları ve ikramları h h ususı-çün şevketlü azametlü adaletlü kerametlü padişah-ı alem-penah hazretleri hala Rumili vilayeti ve Nişde Ser- asker Vezir-i mükerrem Abdullah Paşa hazretlerin vekil idüb ol dahı vekalet hasebiyle tarafından beni vekil idüb Belġrada göndermiş idi ki Devlet-i Romaniyye Çasarı ve İspanya Kralı Karoluş tarafından ilçileri mürurlarına ve ikramları hususlarına vekil olan Belġrad Cenerali ve Sırb memleketinde Ser- asker Yosef Ġruf Oduyer ile vech-i layıkı üzere söyleşüb ve sözi kat idüb birbirlerimize ol şurut üzerine temessük virüb ve temessük almak içün Nişden Belġrada gelüb iki devlet ilçileri mürurlarını ve ikramlarını söyleşüb Belġrad cenerali hazretlerine temessük virüb ve temessük alub ol temessükler şurutı üzere iki devletüñ ilçileri mürur itmişler idi. İşbu biñ yüz otuz iki senesinüñ mah-ı Receb-i şerifinde iki devletüñ ilçilerinüñ avdetleri zuhur itmegin yine mürurları ve iktiza iden ikramları h h ususı-çün yine şevketlü azametlü adaletlü kerametlü padişah-ı alem-penah hazretleri hala Rumili vilayeti ve Nişde Ser- asker Vezir-i mükerrem Abdullah Paşa hazretlerini vekil idüb ol dahı vekaleti hasebiyle beni vekil idüb Devlet-i Romaniyye Çasarı ve İspanya kralı tarafından ilçileri mürurlarına ve iktiza iden ikramlarına vekil olan Belġrad cenerali ve Sırb memleketinde Ser- asker Yosef Ġruf Oduyer ile ve tercüman Adam Menayir ile bir yere gelüb ilçilerin mürurların ve ikramları hususlarına şöyle ahd-i mis̱ak eyledügi iki devletüñ ilçileri Nişe ve Belġrada dahıl oldukları ve kalkdukları zeman geçen sene gendülerine ne mikdar asker ile alay olub ve ne mikdar tob şenlikleri olmış ise yine öylece olub noksan olmaya. Ve konaklara konmak murad iderler ise de konaklara konub konaklarda ve yollarda ve sa ir yerlerde geçen sene yanlarına ne mikdar asker ta yin olunub ne vechle ikram olunmış ise bu sene dahı öylece ikram oluna. Mahasıl-ı kelam geçen sene ne yüzden şenlik ve ikramlar olunmış ise bu sene dahı öylece olub noksan olmaya. Ve iki devletüñ ilçileri Nişe ve Belġrada dahil olacakları gün ma lum olmadıġından oturub mübadele güni ve sa ati kat olunmamışdur. İn-şaa’llahu te ala iki devletüñ ilçileri Nişe ve Belġrada dahil oldukları sa at iki taraf ser- askerleri birbirlerine menzil ile adem gönderüb mübadele ne gün ve ne sa at olacakdur kat ideler ve bu sene çayır olmaduġından re ayaya zahmet olmamak içün geçen sene dördünci maddede yazılan biñ beşer yüz süvari ile ikişer yüz nefer piyadeden bu sene yalñız sekiz yüz süvari ile yüzer nefer piyade olub ziyade ve noksan olmaya. Ve geçen sene mevcud olan altı aded yarımşar vukiyye şahi tobları bu sene dahı mevcud olub noksan olmaya. Ve bu temessük istihkamı içün şevketlü azametlü adaletlü kerametlü padişah-ı alem-penah hazretleri tarafından hala Rumili vilayeti ve Nişde Ser- asker Vezir-i mükerrem Abdullah Paşa hazretleri vekil olub ol dahı vekaleti hasebiyle beni vekil idüb göndürmekle ben dahı vekaletüm hasebiyle kayd-ı temessükde olan maddelere istihkam içün kendi hattum ile yazub ve kendi mührüm ile bu temessüki mühürleyüb ceneral hazretlerine virdüm ve ceneral hazretleri dahı vekaleti hasebiyle balada tahrir olunan maddeleri Nemçe lisanı üzere temessük yazub ve kendi mühri ile mühürleyüb baña teslim eyledi. Tarafeyne verilen temessükler şurutı üzere cümle maddeler tutulub noksan olmaya. Fi 20 Receb sene 1132 Receb Aġa Murahhas-ı vali-yi Rumili ve Niş Ser- asker ufiye anhu