Translation of this document will be made available soon…

[1] Hüve
.Şevketlü ḥürmetlü ʿaẓametlü […] Romā imparāṭorı pīşgāh-ı salṭanat-ı dest-gāhlarına
.biz ki şevketlü ʿaẓametlü Mekke ve Medīne ve Ḳudüs-i şerīf ḫādimi pādişāh-ı rūy-ı zemīn ḥażretleri
.ṭaraf-ı eşrefinden ʿālī-baḫtlu büyükilçiyim ki devleteyn beyninde Pūjerefçede× ʿaḳd
.ve ḳarār-dāde olan ṣulḥ ve ṣalāḥ-ı ḫayr-encām iḫtitām idüb mābeyn-i devleteyn-i ʿaliyyeteynde muṣāfāt
5 ve dostluġı daḫı ke-mā yenbaġī teʾyīd ve muḥkem ve ḳavī ve müstaḥkem eylemek ḫidmetiyle devlet-i imparāṭoriyye
.cānibine baʿs ve irsāl ve ḫidmet-i mezbūreyi edā ve ikmāl ile şeref-yāb-ı mübāhāt
.olmışdur. Ṭarafeynüñ emn ve rāḥatı ve bi-ʿavnihī teʿālā muʿaḳḳed ve müʾekked olan ve dād ve muṣālaḥatı
.edille-i ẓāhire ile maʿlūm ve meczūmımuz olub memnūn ve maḥẓūẓ olmışuzdur. İn-şāa’llāhu teʿālā
.ẕikr olunan ṣulḥ ve ṣalāḥ ve muṣāfāt mūris̱u’l-necāḥ mürāʿāt-ı şürūṭ ve ḳuyūd ile merhūn-ı devām
10 ve ḫulūd olmasından ġāʾile-i iştibāhı merfūʿdur. Ve muʿtād-ı ḳadīm üzere ṭarafeyn-i devleteynüñ
.ulu pādişāhları baʿs̱ ve irsāl eyledükleri büyükilçileri itmām-ı ḫidmet ile kendi āsitānelerine
.ʿavdet ve ircāʿ itdürilmek iẕn-i ʿālīlerine mevḳūf olmaġla biz daḫı ruḫṣat-ı pādişāhāneleriyle
.ʿatebe-i ʿaliyye-i ḫüsrevānīye rūmāl-ı müsāraʿate müsāʿade ve işāretleri iltimās olunur.
.Ve lāzime-i devlet-i imparāṭoriyye olan ikrām-ı mihmāndārī ve riʿāyet-i salṭanat-şiʿārīlerinden
15 her vech ile memnūn ve mesrūr olub müstaġraḳ-ı niʿmet-i celīle olmışdur. Eġer ṭarafımuzdan
.ḫilāf-ı rıżā müsāhele ve taḳsīr ṣudūrı bi-ḥasebü’l-beşeriyye vāḳiʿ olmış ise iġmāż-ı
.mülūkāneleri ile tetmīm ve mesūr olunmaḳ recā ve istidʿā olunur. Ve ḥüsn-i muʿayyenimüz ile mā-beynde
.olan dostluḳlarıñ temşiyyet ve istiḥkāmına in-şāa’llāhu teʿālā beẕl-i maḳdūr ve saʿy-ı
.mevfūr olunmaḳ ẕimmet-i ẕimmet-i himmetümüze va-beste-i iltizāmdur.
20 [? El-faḳīr el-ḥaḳīr] İbrāhīm×