Die Großbotschaften Damian Hugo von Virmonts und Ibrahim Paschas (1719/20)Befehl an die osmanischen Beamten, die auf der Straße von Ruse nach Istanbul stationiert sind, Istanbul, 28. Juni 1719Command to the Ottoman officials that are stationed on the road from Ruse to Istanbul, Istanbul, June 28, 1719Ruscuk’tan İstanbul’a kadar yol üzerindeki Osmanlı memurlarına hüküm, İstanbul, 28 Haziran 1719Unknownota1719-06-28mühimmeMühimmeRūscuḳdan āsitāne-i saʿadetüme gelince yol üzerinde vāḳiʿ olan ḳāżīlara ve ketḫüdā yerleri ve yeñiçeri serdārları ve voyvodalar ve subaşılar ve aʿyān-ı vilāyet iş erlerine ḥüküm ki: Ḥālā Nemçe çāsārı ṭarafından ʿatebe-i ʿaliyye-ī ḫüsrevāneye baʿs̱ ve irsāl olunan büyükilçisinüñ nehr-i Ṭūnadan baʿżı eşyāsı ile sefīneler ile gelen ādemler içün iḳtiżā iden taʿyīnātları tedārük muḳteżā olmaġın lāzım gelen bahāları eger ḳażā ahālīsinüñ tekāliflerine taḳāṣṣ olmaḳ şarṭıyla Rūscūḳdan āsitāne-i saʿādetüme gelince yol üzerinde eger ḳanġıñizüñ taḥt-ı ḳażāñuza dāḫıl olursa be-her menzilde iḳtiżā iden taʿyīnātları tedārük ve mübāşir taʿyīn olunan zīde mecduhūya teslīm ve teslīm olunduġına mübāşir-i mūmā ileyh yediyle temessük aldurub ve lāzım gelen behāları tekāliflerinden taḳaṣṣ olunması içün her ḳażā ahālīsi yedine ḥıfż itdürüb bir dürlü żarūret ve muẓāyaḳa çekdürmemeñüz bābında māliye ṭarafından emr-i şerīfüm ṣādır olmaġla imdi siz ki mūmā ileyhimsiz mālīye ṭarafından ṣādır olan emr-i şerīfüm mūcebince ʿamel ve ḥareket ve vecḥ-i meşrūḥ üzere ilçi-yi mūmā ileyhüñ ādemleri eger ḳanġiñüzüñ taḥt-ı ḳażāsına dāḫıl olurlar ise ḳaṭʿan żarūret çekdürmeyüb ve lāzım gelen behāları tekālüflerine ṭaḳāṣṣ olunmaḳ şarṭıyla iḳtiżā iden zaḫīreleriñ tedārük ve teslīmine ziyāde taḳayyüd ve ihtimām eyleyüb bir vech ile żarūret ve müżāyaḳa çekdürmekden ve diḳḳat ile teslīmi ihmāl ve müsāmahadan ziyāde iḫtirāz eyleyesiz. Şöyle ki eger ḳanġiñüzüñ taḥt-ı ḳażāñuzdan emr-i şerīfe muġāyir ilçi-yi mūmā ileyhüñ iḳtiżā iden ẕaḫīrelerinüñ vaḳti ile teslīmine taḳṣīriñüz ẓuhūr idüb żarūret ve müżāyȧkalarına bāʿis̱ olacaḳ olursañuz ʿazl ve nefyiñüz ile iktifā olunmayub cezāñuz tertīb olunacaġını muḳarrer ve muḥaḳḳaḳ bilüb aña göre her biriñüz bu emr-i mühimmde ziyāde taḳayyüd ve ihtimām ve mezbūrlaruñ żarūretleriyle şān-ı devlet-i ʿaliyyeme şeyn īrās̱ından bi-ġāyet teḥāşī ve tevaḳḳī eylemeñüz bābında yazılmışdur. Fī evāyil-i Şaban 1131Ruscukdan asitane-i sa adetüme gelince yol üzerinde vaki olan kazilara ve kethüda yerleri ve yeñiçeri serdarları ve voyvodalar ve subaşılar ve a yan-ı vilayet iş erlerine hüküm ki: Hala Nemçe çasarı tarafından atebe-i aliyye-ī hüsrevaneye ba s̱ ve irsal olunan büyükilçisinüñ nehr-i Tunadan ba zı eşyası ile sefineler ile gelen ademler içün iktiza iden ta yinatları tedarük mukteża olmaġın lazım gelen bahaları eger kaza ahalisinüñ tekaliflerine takass olmak şartıyla Ruscukdan asitane-i sa adetüme gelince yol üzerinde eger kanġıñizüñ taht-ı kazañuza dahıl olursa be-her menzilde iktiza iden ta yinatları tedarük ve mübaşir ta yin olunan zide mecduhuya teslim ve teslim olunduġına mübaşir-i muma ileyh yediyle temessük aldurub ve lazım gelen behaları tekaliflerinden takass olunması içün her kaza ahalisi yedine hıfz itdürüb bir dürlü zaruret ve muzayaka çekdürmemeñüz babında maliye tarafından emr-i şerifüm sadır olmaġla imdi siz ki muma ileyhimsiz maliye tarafından sadır olan emr-i şerifüm mucebince amel ve hareket ve vech-i meşruh üzere ilçi-yi muma ileyhüñ ademleri eger kanġiñüzüñ taht-ı kazasına dahıl olurlar ise kat an zaruret çekdürmeyüb ve lazım gelen behaları tekalüflerine takass olunmak şartıyla iktiza iden zahireleriñ tedarük ve teslimine ziyade takayyüd ve ihtimam eyleyüb bir vech ile zaruret ve müzayaka çekdürmekden ve dikkat ile teslimi ihmal ve müsamahadan ziyade ihtiraz eyleyesiz. Şöyle ki eger kanġiñüzüñ taht-ı kazañuzdan emr-i şerife muġayir ilçi-yi muma ileyhüñ iktiza iden zahirelerinüñ vakti ile teslimine taksiriñüz zuhur idüb zaruret ve müzayȧkalarına ba is̱ olacak olursañuz azl ve nefyiñüz ile iktifa olunmayub cezañuz tertib olunacaġını mukarrer ve muhakkak bilüb aña göre her biriñüz bu emr-i mühimmde ziyade takayyüd ve ihtimam ve mezburlaruñ zaruretleriyle şan-ı devlet-i aliyyeme şeyn iras̱ından bi-ġayet tehaşi ve tevakki eylemeñüz babında yazılmışdur. Fi evayil-i Şaban 1131