Steck - 1 ° Bastean Doldter der kupfferschmidt burger inn mindren Basell

Demnach er und Hanns Üle der waffenschmidt, von Lorentzen dem scherer am vischmerckt hundert pfundt entlehnet und imme zwey hüser ingsetzt, hat er uff dem einen huss hundert pfundt verschwygen, als man im auch desshalben für recht gebotten, hatt er den amptlüthen zuo antwort geben, wann man im schon piete so wölle er nit kommen, dorumb er inn gfenckniss gleyt und uff sontag den dritten tag jenners ditz 63 jors, mit gmeyner urphet gnediglichen wider usglossen, hatt dorby auch geschworen das er inn monats frist nechtkünfftig den bemelten scherer anclagbar machen, und wann man im hinfürt für gericht oder rhat bütet, das er gehörig und gehorsam sin solle.

Niclaus Im Hoff Notarius subscripsit

° Simon Fröwler uss mindren Basell

Demnach und er zwüschen Riechen und Basell Cunrat Jäckli den metzger umbbrocht dorumb er dann für ein onredlicher todtschleger verrüfft worden diewyl er aber mit den durchläuchtigen hochgepornen fürsten und herren hern Christoff hertzogen zu Wirtemberg und hertzog Wolffgang von Zweybrucken harin kommen und domalen wider verwissen Ouch yetzt mit Romischer keyserlicher majestät abermolen har kommen ist er wider hinweg gewyssen, hatt ouch unden inn sines schwehers huss inn beysin meister Heinrichen Brucker des obersten knechts uff mentag den 11. jenners ditz 63 jors einen eydt mit uffgehepten fingeren geschworen das er sich morgens frü am thor von statt und landt Basell hinweg thun und unerloupt darin nit kommen noch sich finden lassen solle ouch hinfürt weder keyser, könig noch ander fürsten oder herren umb fürpitt ansuchen, sonder unser gnedig herren ongeirrt lassen und desshalben ein statt Basell und dis inen zeversprechen stondt, weder vechten, hassen noch beleydigenn durch sich noch andere, weder mit noch one recht, inn kein wys noch weg. Sonder ein ewigen friden und gleyt gegen einer loblichen statt Basell und den iren halten solle, mitt denen heyteren fürworten, wo er über disen eydt ergriffen, das man im sin recht werde ergon lassen

Niclaus Im Hoff Notarius subscripsit

Thoubhüslj - 1 ° Heinrich Peter von Zürich ein taglöner

Diewyl er ein eefrouwen zu Bottmingen sitzen hatt, die doselbsten spynnt, hatt er sich dermassen mit wyn überladen, das er am kornmerkt wie ein ploch nider gfallen, deshalben er inns thoubhüsslin gleyt und uff zinstag den 19. jenners ditz 63 jors, mit gmeyner urphet gnediglichen wider usglossen und im dorby anzeigt das er unser gnedig herren ongeirrt lassen und sich hinweg thun solle.

Niclaus Im Hoff Notarius subscripsit

Steck - 1 ° Gertrudt Karstin, Vyt Stehelj des Messerschmidts eefrouw

Demnoch und sy einem von Tüllicken vier soum wyns abkoufft, denselben nit bezalt, sonder in, unsren gnedigen herren nochlouffen lossen, diewyl sy auch Heinrichen Luterburger für nün gulden tuoch abgnommen, dasselb den juden zuo Wyl procht, von dem ers hatt lösen müssen, und bemeltem juden iren und ander lüthen hussrath hinuss tragen, ist sy inn gfenkniss gleyt und uff mittwoch den 20. januarii ditz 63. jors, mit gmeiner urphet gnediglichen wider ussglossen, hatt dorby ouch geschworen, das sy by morndriger tagzyt, sich dry myl wegs schyben wyss von statt und landt Basell hinweg thuon, so lang und vyl biss sy den von Tüllicken bezalt hatt.

Niclaus Im Hoff Notarius subscripsit

Steck - 1 ° Jocob Bütikhofer von Mossiedorff uss Bern bieth, der rebman burger, Cuoni von Löwenhusen tochtermannJocob Bütikhofer kommt in einem anderen Urfehdeverfahren vor, siehe Urfehdeeintrag Jocob Büttickhofer der rebmann (fol. 59 verso) für anderes Urfehdeverfahren

Ist von sines liederlichen üblen husshaltens wegen, das er den spylen nochzücht, siner hussfrowen und den kinden mangel losst, mit gfenckniss gstrofft, und uff donstag den 21. jenners ditz 63. jars mit gmeiner urphet gnediglichen wider ussglossenn, hatt dorby auch geschworen, das er alle zünfft und gsellschaften würtz, wyn und kochshüser myden und aller winckell zerungen sich gentzlichen abthun, nienen anders wo essen noch trincken, dann allein doheymen, by wyb und kind und uff siner zunfft zu jars malen, dessglichen weder inn noch usserthalb der statt, gar kein spyl thun, das er auch von Bastean Karrer von Obren Michelbach, dem er sines schwehers huss umb vierdthalbhundert pfundt zekouffen geben, kein gelt wyther entpfachen sonder dasselb an wechsell erlegen solle, und hinfürter sich anderst dann bisshar halten, oder man werde in verwyssen.

Niclaus Im Hoff Notarius subscripsit

Uolj - 1 ° Elsbeth Buwmani von Benwyl

Die herren eerichter haben sy vier tag und necht inn gfenckniss legen lossen und umb zwen gulden gestrofft, von wegen das sy Abraham Moser von Brattelen die ee zugseyt, und aber von Hannsen Dornacher von Muttenz noch nit ledig gsin, ist uff fritag den 22. jenners ditz 63. jors, mit gmeiner urphet, die sy geschworen, gnediglich wider ussglossen, und iren anzeigt, das sy mit Abraham Moser zu kilchen und strossen gon solle.

Niclaus Im Hoff Notarius

Uolj – 1 ° Hans Wacker von Costentz ein brotbeckken knecht by Rümelins Müli dienende

Die herren eerichter haben in lossen inlegen, dorumb das er sich beriempt hatt, er habe mit Anna Greber von Hiltispach, die Ueli Wegelin von Diessenhofen, den brotbecken, der ee angesprochen, unküsch + heit getrieben und zwüschen denselben ein grossen onwylen gmacht ist uff fritag den 22. jenners ditz 63. jors mit gmeyner urphet gnediglich wider ussglossen, und inn mit allem ernst anzeigt das er hinfürter sines mundts behutsamer sin solle.

Niclaus Im Hoff Notarius subscripsit

Steck - 1 ° Hans Byrloff genant Hëfelin von Hegenheim

Demnach und er Cuonraten Ritter den vogt zuo Hüningen, siner Eeren anzogen und geschmëcht, das er aber nit uff in darthun können, sonder über das bemelter vogt von im zu Hüningen und Buobendorff ledig erkannt, hatt er yetzt die kuntschafft wider horus begert und wythers onruow understanden anzerichten, ouch vor einem Ersamen Rhat geredt, Hans Bischoff und Jocob Walther, haben nit die worheit anzeigt. Desshalben er inn gfenckniss gleyt und umb 20 lb gestrofft, diewyl er aber dieselben nit erleyt ist er uff Mentag den ersten Hornungs ditz 63ten jars mit gmeyner urphet gnediglichen wider ledig glossen hatt darby ouch geschworen das er statt und landt Basell so lang und vyl myden solle, biss er die bemelte stroff bezalt, und hiemit sich bekannt das er von Cuonraten Ritter nützit ander dann alls eer, liebs und guts wüsse, und das er denselben handell by der urtell und dem rechtspruch, so zuo Hüningen und Buobendorff ergangen, plyben solle lassenn.

Niclaus Im Hoff Notarius subscripsit

Uolj - 1 Brucker - 1 ° Anthengj Wyss von Batj uss Wallis, by Sant Martina, ein taglöner und Hans Buoss ° von Thono uss Bern pieth ein pflaster knecht

Diewyl bemelter Anthengj ein frouwen by im hatt, die er nit zekilchen gfürt umb ein andren zogen und einem murer so zuo Buobendorff, ein tegen und ein zschopen gstolen, er ouch entlouffen umb dry dick pfennig abkoufft, do bemelter Hanss Buoss disem ein dicken pfennig uff gelychen, den andren diser selbs ghept, den dritten, der dieb im beytet. Sindt sy sollicher argwenischer sachenhalb inn gfenckniss gleyt und uff Mentag den ersten Hornungs ditz 63ten jars mit gmeyner urphet gnediglichen wider ussglossen, habent dorby ouch sampt und sonders geschworen, das sy sich von statt und landt Basell hinweg thuon und darin onerloupt niemer mer kommen sollen by peen des schwerts.

Niclaus Im Hoff Notarius subscripsit

Steck - 1 ° Thiebolt Hüglj von Brattelen

Als dann er syder Wienachten nechstverschynen by her Hanssen dem Kilchherren zuo Regessheim under Ensissheim glegenn gedient, und er mit vier viertell weyssen gon Gebwyler geschickt, dorus er zwölff pfundt glösst, hatt er nochmalen ross und karren heym gfürt und sich am morgen frü, mit dem erlössten gellt hinweg thon, und also das gellt dem Kilchherren entwent, darus sich hie becleydet, desshalben er gfencklichen angnommen, und uff Mittwochen den dritten MertzenEnde des Wortes wegen Bindung nicht lesbar ditz 63ten jars, umb siner jugent willen, gnediglichen wider ussglossen, hatt den innhalt gmeyner urphet dorby ouch geschworen, das er sich von statt und land Basell hinweg thuon, und darin onerloupt nit wider kommenEnde des Wortes wegen Bindung nicht lesbar noch sich finden lassen solle, dann wo er über disen eydt ergryffenn, werde es im an sinem lyb und leben zeschwerEnde des Wortes wegen Bindung nicht lesbar sin.

Niclaus Im Hoff Notarius subscripsit

° Lienhart Wyss von Lasserra by Yverdon glegen, ein pflaster knechtAussage gehört zu Urfehdeeintrag Lienhart Wyss von Lasserra by Iverdon, ein pflaster knecht (fol. 69 recto)

Hatt dissen bescheidt, den Sybenherren geben, er habe vor Johanniss ein guote zyt hie gewerckt es sigent zwen gsellen die er nit kennt, am merkt zu im kommen, und ein bur so tuoch ghept, die haben in uff den Kolenberg gfürt, und gsagt sy wolten spylen, doselbst sy mit einem gürtell gewettet, sy habent dem buren das tuoch nit gnommen, sonder der bur habe selbs gelt gesetzt zespylen. Ein welscher buob sige am Kornmerkt zuo im kommen, der habe im den seckell geben, und ettlich zalpfenning, den seckell habe er inn buosen gestossen, und nochmalen verloren sy haben dem buoren ein guldinen taler und zwen dick pfenning abgwonnen. Er habe sechs dick pfennig inn der erndt und im herpst verdient.

° Caspar Bolch von Würtzburg ein vierzechen jeriger knab

zeigt an er habe hie wollen inn einer herbergumb dienst luogen, dann er vormalen zuo Wien drü jor by einem würt gedient.Wie er im würtzhuss nachts inn die cammerenwollen gon, habe er uff ein seckell, so am herdt glegen, tretten, den habe er uffghept, und nochmalen den seckell uff ein wagen ins strow gestossen.

° Josue Mör von Byel, ein rotgerberAussage gehört zu Urfehdeeintrag Hanss Goückis von Beringen by Schaffhusen, ein taglöner (fol. 3 verso)

Gibt disen bericht, er habe zuo Zurtzach einem von Zug 20 cronen mit spylen abgewonnen, darzuo habe er by 70 cronen uss dem krieg procht. Er habe uff dem Kohlenberg gar nit gspillt, sonder er habs inen gewert. Sinem gsellen habe er sin seckell geben, das er siner frowen cleyder solle kouffen, Sin frowen so er umb Verene nechstverschynen zuor ee genommen, sige dess rothschribers zuo Zürich tochter, er sige mit iren bym vatter gsin und wiewol er sy noch nit zu kilchen gefürt, so wolle ers doch erstatten.

° Hanss Goückis von Beringen by Schaffhusen, ein taglönerAussage gehört zu Urfehdeeintrag Josue Mör von Byel, ein rotgerber (fol. 3 verso)

Zeigt an das er mit obgemelltem Josue, von Byel har kommen, der hab im sin seckell geben, und in heyssen spylen ein bur sige uff dem Barfüsser platz zuo im kommen, do sige er voranhin mit dem buren uff den Kolenberg gangen, do habe er mit dem buren gespylt und im uff ein dicken pfennig und ettliche müntz, ein cronen gesetzt und habe dem buren das gellt abgwonnen.

° Maria Heideckerj von ZürichAussage gehört zu Urfehdeeintrag Josue Mör von Byel, ein rotgerber (fol. 3 verso)

Sagt es habe Josue von Byel umb Verene sy zuo Baden zur ee gnommen. Sy wüsse von dem spylen uff dem Kolenberg nützit

Barbel Gygery von Ober Gössgen hat iber ir vordrigen bericht, den Sybenherren anzeigt./.Aussage gehört zu Urfehdeeintrag Hans Meiger von Colm, sonst pürtig von Birmistorff uss Bern pieth, hatt uber sin vorgethone bekantnus veriehen (fol. 13 recto)

Das sy Hansen Geiger irem man, nie kein gellt entlehnet noch geben, dann allein was sy selbs verdient habe sy im etwan gellt geben. Sy habe von dem mordt gar kein wissens ghept, biss iren anderleüth sollichs anzeigt. Er sige ein tag oder zween von iren hinweg gangen, und nochmalen umb bätt zitt, heim khomen vyl cronen und gellt brocht, und iren anzeigt sin bruoder habs imme gelichen, sy solle es behallten biss er etwan ein huss kouffe, sollich gellt, habe sy by 14 tagen im seckel tragen, bald darnach habe er Penthelin Löffler von Stüsslingen ein huss abkoufft und an einem Sontag habe Thurs Zur Matten, der vogt den weybel uss der kilchen berüfft, inn befrogt, was er für gellt ussgeben, und wie ire fründt dasselb inen worden und si befrogt, wannen har ime das Gellt komen, er gange mit letzen sachen umb, desglychen habe Joachim Kretz zuo Nider Endtfelden iro anzeigt, die hundert gulden, die er heim procht, die khommen im von dem, den er gemördet, und wie sy irem man sollichs furgehallten, das sage man von im, habe er geschworen, sy wolle daruff sterben, das sy vorhin nützit darumb gewusst. Vom sack mit korn habe sy gwüsst, noch dem ers heimprocht und iren dasselbig anzeigt, wo ers genomen, sy habe dz mël bachen, und wan sy im verwissen, womit er umbgang, worumb er nit bättle, habe er gseit loss mich sorgen, Ich wil wol zemülen überkhommen, du witt mich geschenden, syge böss über si gsin erhabe sy im kolgarten, mit einer schufflen übel geschlagen Wythers zeigt sy an, das er zu Kolliken, inn des zechenders huss, zwen erin häffen, gnomen, die habe er under die kripffen verborgen. Item so habe er ettlichen anckhen, und ein gerbte hutt heym procht, die habe er zu Ollten verkoufft Wann er heim khommen habe sy inn gepetten, er solle hinweg gon. Er habe vor einem jor zu Arow, alls sy nit mitt im wöllen gon, zuo iren gseit, würstu mir an einer Einödy ich will dir din suhleLesung unsicher machen, Sy habe nüt anderst gewüsst, dann er sige todt.

° Klaus Diettler der stattknecht.

Ist von wegen sines onfridsamen lebens, so er mit siner eefrowen, mit schlachen, stossen und bolderen trybt, im Wasserthurn gelegen und uff den letsten Julij ditz 63ten jars, gnediglichen wider usglossenn, hatt den innhallt gmeiner urphet, dorby auch geschworen, das er hinfürt sin eefrowen, für lieb und wert halten, mit iren fridsam leben, sy weder schlachen, stossen oder übelhalten, dessglychen all zünnft und gsellschafften, würtz, wyn und kochshüser myden und sich allein siner zunfft zu jorssmalen gepruchen, mitt dem anhang wo er diesen eydt übersechen, werde man in nit allein von statt und landt verwyssen, sonder im ein schwere stroff darzuo ufflegen.

Niclauss Im Hoff Notarius subscripsit

° Klaus Diettler der stattknecht.

Demnoch und er sin vorgeschworne urphet, nye kein stundt gehalten sonder mit sinem unfridesamen leben gegen siner eefrowen fürgfaren, dieselb ubellgehalten, geschlagen, gestossen und by nacht ussgejagt ist er abermolen inn gfenckniss gleyt und uff Mentag den 6ten Decembris ditz 63ten jars mit gmeiner urphet gnediglichen wider usgelossen, hatt dorby auch geschworen, das er all zünfft und gsellschaften, würtz wyn und kochshüser myden und sich allein siner zunfft gepruchen Ouch hinfürter, mit siner eefrowen fridsam und tugentlich leben solle. Dann im hiemit ernstlichen anzeigt, wo er disen eydt übersechen, werde man ab im mit dem schwert richten.

Niclaus Im Hoff Notarius subscripsit

° Claus Diettler der stattknecht

Demnach und er sich vor einem jar von unserer gnedigen Herren dienst hinderrucks und onerlaupt der oberkeit hinweg zuor statt uss thon, sich geüssert und uff dem landt umb die statt harumb gewandlet zogen, und yetzt onerlaupt mit einer fürgeschrifft von den herren von Liechstall einem Ersamen Rhat zuo Liechstall, wider har in komen, ist er inn gfeckniss glegt und uff Mittwoch den letzten de Hornugs ditz 65 jors gnediglichen wider usglossen, hatt den innhalt gmeyner urphet dorby ouch geschworen, dz er sich by morndriger tag zyt, von statt und landt B. hin weg thuon und darin onerloupt nit kommen noch sich finden lassen solle, dann im mit allem ernst inn bysin dess obersten knechts und dess ratsknechts anzeigt, wo er so unthür an im selbs sin und disen eydt uberssechen also das er zuo statt oder L uff dem landt inn unserer Gnädigen Herren pieth, es sige an welchen ort es welle betretten, werde man in mit dem schwert vom leben zuo todt richten.

° Josue Peter der schürlitzweberJosue Peter kommt in anderen Urfehdeverfahren vor, siehe Urfehdeeinträge Peter Zweybrucker der wollweber (fol. 11 recto) und Josue Petrj der schürlitz weber (fol. 20 verso) für andere Urfehdeverfahren

Demnach und den bürgeren by nechtlicher wyl, das ir umbgestossen, der welsch Michlerj ein karren inn brunnen gworfen, ettlich züber uff dem obren Byrsich, darinnen hembder gsin umbgstossen, ouch ein gartenhüssli bym Margstal umbkert worden, ist disser derselben dingen merglichen verschreyt, innsonderheit diewyl er kurtzlichen, by zweyen lerman gsin inn Sant Johans Vorstat und Eschamer Vorstat zuckt, und inn die stein gehouwen, ist er mit gfenckniss des Wasserthurns gestrofft und nochdem er durch die Sybenherren verhort, hatt man in uff Sambstag den 13 Novembris ditz 63ten jors, mit gmeyner urphet, gnediglichen wider ussglossen, dorby er ouch geschworen hatt, das er all zünfft und gsellschaften, würtz, wyn und kochshüser myden und sich allein siner zunfft gepruchen, darzu kein gwer, weder tags noch nachts by noch an im tragen solle, dann allein ein abprochen brotmesser, dessglichen weder mit würfflen noch karten, spylen, sonder aller spylen sich genzlichen müssigen und abthuon solle.

Niclauss Im Hoff Notarius subscripsit

° Melchior Renner der setzerMelchior Renner kommt in anderen Urfehdeverfahren vor, siehe Urfehdeeinträge Melchior Renner der setzer (fol. 7 recto/ verso) und Melchior Reimer der setzer (fol. 58 verso) für andere Urfehdeverfahren

Demnach und er sine vordrigen urphet übersechen sin eefrowen übel haltet, und ein sollich unfur, mit schlachen und stossen anghept, das die nochburen siner eefrowen müssen ze hilfff kommen, und sonst gar liederlichen husshaltet, ouch mit siner dienst magt sich inn unküschheyt, begeben, ist er inn gfeckniss gleyt, durch die Sybenherren verhört und uff Sambstag den 4 Septembris ditz 63 jors, gnediglichen wider ussglossen, hatt den innhallt gmeyner urphet, dorby ouch geschworen, das er sine vordrigen urpheten, stet und vest halten, all zünft und gsellschaften myden, sin eefrowen weder schlachen noch stossen, sonder sy für lieb und wert halten solle, Mit dem anhang wo er inn einem oder mer articklen sine urpheten (die im vorgelessen worden) übertretten, werde man inn, in Wasserthurn legen, mit muoss wasser und brot spyssen, so lang und vyl, biss er zam wirt

Niclauss Im Hoff Notarius subscripsit

° Melchior Renner der setzerMelchior Renner kommt in anderen Urfehdeverfahren vor, siehe Urfehdeeinträge Melchior Renner der setzer (fol. 7 recto) und Melchior Reimer der setzer (fol. 58 verso) für andere Urfehdeverfahren

Wiewol er erst kurtzlichen gfangen glegen, so ist doch er über denselben eydt, mit sinem liederlichen husshalten fürgfaren, ettlichen hussrath verkouffen wellen, und der metzen, so er am im ghept, ire cleyder gon Michelfelden geschickt, ouch nochmalen selbs zuo iren gon Michelfelden gangen, mit iren ein anschlag gmacht und nochdemselben iren gon Crentzach noch zogen, dosselbst mit iren geessen und truncken, desshalben er wider ingleyt worden, und uff Mentag den 27 Septembris ditz 63 jors, gnediglichen wider ussglossen, hatt den innhalt gmeyner urpfet, dorby ouch geschworen, das er sich den nechsten vom Thurn von statt und landt Basell fünff myl wegs, schyben wyss hinweg thun, und darzu onerloupt, nit wider kommen solle, by peen des meyneydtsAnno 1564, den 30 Augusti ist dieser Melcher mitt offnung statt unnd landes begnadet, doch das er sich hinfure in allem redlich unnd wol halte soLesung unsicherwie er sich zechnnd erpetenLesung unsicher.

Niclauss Im Hoff Notarius subscripsit

° Barthlin Bolanus von Vivis den man den pfaffen nempt.

Diser junger, (so vor vier jaren, inn Mindern Basell inn die schul gangen), ist zu Rynenberg gfencklichen angnommen, und harin geschickt, diewil er sich an bösj gsellschaft gehenkt, und geredt soll haben, wo er gfangen werde, so welle er denselben flecken anzünden, und das er ein lusch wyss par hosen zuo Rickenbach entwert soll han, das er im Kilchzymmer umb 12 ß versetzt, desglychen ein wambest darinnen 12 ß, ein gyppen, unnd ein wambest darinnen zwen schilling gstolen, wie dann Hanns Karrer von Neusinen Hanns Karrer kommt in einem anderen Urfehdeverfahren vor, siehe Urfehdeeintrag Hans Karrer von Neusinen hinder Jenff glegen, und Jacob More von Bentzingen, Bieler herschafft etc. (fol. 8 recto) für anderes Urfehdeverfahrenan der marter anzeigt, so diser alles, wie er besybnet, nitt geston wöllen, allein das er ein par zwilch hosen zu Rickenbach entwert, daruss er syben rappen gelösst, hatt uff Montag den fünfften Meygens, diss 67ten jars den inhallt gmeiner urphet darby ouch geschworen, das er sich von statt und landt Basell hinweg thun, unnd darin onerloupt nit khommen solle, by peen des halsysens, unnd der ruoten.

° Hans Karrer von Neusinen hinder ° Jenff glegen Hanns Karrer kommt in einem anderen Urfehdeverfahren vor, siehe Urfehdeeintrag Barthlin Bolanus von Vivis den man den pfaffen nempt (fol. 8 recto) für anderes Urfehdeverfahren, und Jacob More von Bentzingen, Bieler herschafft etc.

Die zwen, sindt inn Varspurger Vogty, gfenklichen angenomen, von wegen das sy spycher uffbrochen, röckh, ancken, und käss gestolen, und wiewol sy mitt dem strangen sollten gericht worden sin, wie dann die amptlüth die urtell geben, so haben doch unser Gnedig Herren, inen gnad bewysen, sindt uff Sambstag den zechenden Meigens dizt 67ten. jars inn dass halsysen gestellt und mitt ruten uss + gehouwen, haben den innhallt gemeiner urphet darby ouch geschworen, das sy sich beid demnechsten zechen myl wegs, schyben wyss von statt und landt Basell hinweg thun, und dorin onerloupt niemer mehr khomen, noch sich finden lossen sollen, dann inen luter angezeigt, wo sy uber disen eydt er griffen, werde man sy, on einiche wythere berechtigung, mit dem schwert richten.

° Anthengj Löw von Sitten uss Walliss, ein crämer, und Anna Budrj, von Gobistall, ° sin erfrow

Ist zuo Kenerkingen gfencklichen angnommen, und harin geschickt, mitt siner eefrowen, von wegen das sy ettlichen lüthen argwenige ding, alls honig, ancken dry lynlachen, ein growen frowenrockh, ein par zwilch hosen, ein roßysen abkhoufft. da sy wol mögen abnemmen, das es gestolne waar gsin, deshalben gemellter Anthengj umb 10 lb gestrofft, die sin bruoder für inn erleyt Habent uff Zinstag den 6ten May ditz 67ten jars, den inhallt gemeiner urphet, darby auch geschworen, das sy sich beyde von statt, und landt Basell hinweg thuon, und darin unerloupt niemer mehr khomen, noch sich finden lossen sollen. Oder inen werde etwas uff den halls wachsen, das inen zeschwer sin werde.

° Peter Clein Jocky von welschenn Nüwenburg, zu Riechen wohnhafft.

Demnach und er Jergen Meygers zuo Riechen tochter tochter verschreyt, und sy irer eeren solle anzogen haben, das er sy, so offt er gwelt an im gehept, unnd deshalben mitt Samuel Meyger alls er ein gellten wins tragen uneins worden im nachgangen, und gsagt, er solle sich sinen erweren alls man ouch im für die Bannherren gepotten, ist er nit erschinen, dorumb er in gfengknus gleyt und noch dem er durch die Sybenherren verhört, und sollcher reden nit geston wellen, sonder anzeigt, er wüsse von der tochter nützit anders, dann alle eehr, hatt man in uff Mittwoch den 21 Meigens diss 67 jars, mitt gmeiner urphet gnediglichen wider ußglassen, darby er auch geschworen hatt, wan im Jerg Meyer und sin tochterman mitt recht anlangen werden das er innen eins rechten sin wölle und hinfürter, denn Bannherren gehörig und gehorsam sin solle.

Steck - 1 ° Hans Brunner der Jünger crämer

Ist uff sines vatters begeren, inn gfenckniss glegt worden, von sines liederlichen üblen husshaltens wann er uff die märckt gfaren, und ander lüth heym komen, ist er ein tag acht noch den märckten usserthalben, plyben, zert, tämpfft und prasst sich dermossen dem wyn ergeben, das in sin vatter, usserthalben wider heym hatt müssen fertigen lossen, ist uff Sambstag den 27 Novembris, ditz 63 jors, mit gmeyner urphet gnediglichen wider ussglossen, hatt darby auch geschworen, das er hinfürt alle zünfft und gsellschafften, würtz, würtz wyn und kochshüser, ouch ander winckell zerungen myden, und nienen anderswo essen noch trincken solle, dann doheymen inn sinem huss, und uff siner eeren zunfft, zuo jars malen, desgleichen das er sich aller märckten gentzlichen abthun, und sich doheymen sines ladens behelffen solle, dann wo er mit siner nütsollenden wyss, wie bissshar fürfaren, werde im ettwas uff den hals wachsen, das im zeschwer sin werde.

Niclauss Im Hoff Notarius subscripsit

° Peter Zweybrucker der wollweber ° und Steffan Stäckinger von Saltzburg der setzer

Diewyl sy by nechtlicher wyl, by dem lerman inn Sant Johans Vorstat gsin, als Josue Peter, der schürlitzweberJosue Peter kommt in anderen Urfehdeverfahren vor, siehe Urfehdeeinträge Josue Peter der schürlitzweber (fol. 6 recto) und Josue Petrj der schürlitz weber (fol. 20 verso) für andere Urfehdeverfahren, mit einem scherer und bemelltem Steffan, oneins worden und zuckt. Sindt sy beydt inn gfenckniss gleyt und uff Mittwoch den 10 des Novembris ditz 63ten jors, mit gmeyner urphet gnediglichen wider ledig glossen, und inen dorby anzeigt, das sy sich hinfürter vor solcher onruow hüten, dann wo sy mer der gstalten ergriffen werde man sy, dermassen stroffen, das sy welten sy weren ruewig gsin.

Niclauss Im Hoff Notarius subscripsit

° Hans Meiger von Colm, sonst pürtig von Birmistorff uss Bern pieth, hatt uber sin vorgethone bekantnus veriehenAussage gehört zu Urfehdeeintrag Barbel Gygery von Ober Gössgen hat iber ir vordrigen bericht, den Sybenherren anzeigt (fol. 4 recto)

Das er vor vier Jaren, uff Heinj Sigristen, von Dieticken zum dritten mol gangen, und gwartet, der meinung denselben zeermürden, das erstmol, alls er uff in gwartet sige er nit khomen, das ander mol, wie bemellter Heinj Sigrist durch sin gutt inn Bernit genant gegen der nacht, wollen gon, habe er mitt einem Stein ein wurff nach im gethon, und in, inn die syten getroffen, das er geschruwen, im selben sige diser Hans Meiger geflochen, das dritt mol sige er aber uff inn gangen, und inn zwüschen Bremgarten und Gwinden by dem hoff zuo Gulenbach, alls er daselbst unden inn einem karren weg fürgon wollen, mitt einem Stein geworffen da er glych zuo boden gfallen, nochmolen habe er inn mit einer ax uff das hertz geschlagen und inn gar ermördet, und jemerlichen umbprocht, hiemit habe er in an einem reyn uber abhin zogen und bitz inn hundert gulden, oder ettlich mehr gulden goldt und münth by im befunden, die habe er gnommen und heim tragen siner frowen zubehallten geben. Und als er hievor sin eefrowen angeben, das sy den merteil daran schuldig unnd dar umb wissens ghept hatt er sie aller dingen unschuldig geben und anzeigt das er iren unrecht thon, er wolle sie entschlagen haben. So dann uber den diebstal, den er vormolen anzeigt hatt er wyther verjechen, das er inn Lentzburger Ampt zuo Muchen, mit einem nepper inn einen spyher unden uff ein loch boret, und doruss korn gestolen das es zwen sester kernen geben habe. Wyther hatt er bekhent, das er aber an das bemellt orth zuom spycher gangen, und daruss ein sackh vol korn entwert habe. Mehr hatt er veriechen, das er zuo Mysingen, inn der langen Ornen Lesung unsicher, do er das vordrig gstolen, ein wyss lindsch par hosen entwert, die habe er ein zytt lang antragen, und erst yetz inn früling in Elsass zuo Habsen, umb ein dickhen pfennig verkoufft. Item zu Nider Erlispach, habe er dem Grieblj Müller zwen kübel mit anckhen entwert, und ein gerbte kuohutt, den anckhen habe er heim tragen, aber die hutt, habe er zu Ollten Distel Jocklj dem schuomacher zekouffen geben, der habe im schuo und salz daran geben. Verner hatt er bekhent das er zuo Köllicken Hans Zechender by nacht ins hus gangen dem jungen ungevorlich vor vier jaren by nacht ins huss gangen und ime zwen eren heffen gestolen, den einenn habe er dem süwhürten zuo Ollten umb ein thaler versetzt, den andren haffen sampt einem tisch, so sin gsin, habe er dem nideren schindt Jacoben geben, daran er im gellt, howen, ax und kerst geben. Actum den 2 Juny anno domini 67

Etlicher gfangnen bekanndtnus

Toubhüsslj - 1 Wilhelm Harburg von Losanna ein taglöner

Diewyl er uff gestrigen Sontag vor dem richthuss mit Bastean EberljBastean Eberlj kommt in einem anderen Urfehdeverfahren vor, siehe Urfehdeeintrag Bastion Ëberlj von Erlach ein pflaster knecht, genant Schërtlj (fol. 14 recto) für anderes Urfehdeverfahren harnochgemelt , geschlagen einandren das antlyt zercretzt, ist er ins Toubhüslin gleyt und uff Mentag den 26 Brachmonats ditz 64 jars mit gmeyner urphet diewyl er hie inn reben werckt gnediglichen wider ussglossen.

Niclaus Im Hoff Notarius subscripsit

Toubhüsslj - 1 °Jerg Flach von Andelfingen, Züricher pieth, ein taglöner

hatt uff gestrigen Sontag mit einem frömbden, bym Boümli mit füsten geschlagen, desshalben er ins Toubhüsslin gleyt und uff Montag den 26 Brochmonats ditz 64 jars, mit gmeyner urphet, diewyl er hie inn reben werckt, gnediglichen wider ledig glossen.

Niclaus Im Hoff Notarius subscripsit

Toubhüsslj - 1 °Bastion Ëberlj von Erlach ein pflaster knecht, genant Schërtlj

Demnach und er uff gestrigen Sontag vor dem richthuss mit obgenantem WilhelmenWilhelm Harburg kommt in einem anderen Urfehdeverfahren vor, siehe Urfehdeeintrag Wilhelm Harburg von Losanna ein taglöner (fol. 14 recto) für anderes Urfehdeverfahren ein zanck angfangen, denselben gschlagen und cretzt, und sonst vyl onruowen anfacht, ist er ins Toubhüsslin gleyt und uff Mentag den 26 Brachmonats ditz 64 jars, gnediglichen wider ussglossen, hatt den innhalt gmeyner urphet darby ouch geschworen das er sich von statt und landt Basell hinweg thuon, an andere ort und endt ziechen, und unser Gnedig Herren ongeirrt lossen solle.

Niclauss Im Hoff Notarius subscripsit

Heinrich Brucker - 1 °Martin Schnyder der metzger von Basell

Lienhart Lützler der metzger zuo Plotzheim, sin meister hatt in zuo Michelfelden gfencklichen lossen annemmen, ettliches gelts halben so er im schuldig, und nochdem er sich erpotten, das er im ein kuo zuohanden stellen und in bezalen wolle, ist er uff Donstag den 29 Brochmonats ditz 64 jars, mit gmeyner urphet gnediglichen wider ledig glossen.

Niclauss Im Hoff Notarius subscripsit

Uolj - 1 °Balthassar Schmidt von Rotwyl ein taglöner.

Demnach und er uff verschynenen Sontag bym Boümlj ein onruow anghept, vollen wyns gsin, Gott übel gelestert und umb kein fridpieten nützit geben wellen, ist er inn gfenckniss + gleyt und uff Donstag den 29 Brachmonats ditz 64 jars gnediglichen wider ussglossenn, hatt den innhalt gmeyner urphet dorby ouch geschworen, das er sich von statt und landt Basell hinweg thuon, und nit wider harin kommen solle, es werde im dann erloupt.

Niclaus Im Hoff Notarius subscripsit

Uolj - 1 °Bernhart Höltzlj von Telsperg ein rüter.

Demnoch und er syder Wienachten by Junckher Hans Jerg Richen von Richenstein zuo Intzlingen gedient, und yetzt von im kommen, hatt er bemelten sinem junckheren by Meister Thurss Schweyer dem goldtschmidt, das bittschier wellen lossen abgraben, und als der goldtschmidt sellichs Thiebolten Thussman dess iunckheren schaffner anzeigt, und derselb unser Gnedig Herren umb hilff angerufft. Ist er gfencklichen angnommen und wiewol unser Gnedig Herren in an sinem leben zestroffen guot fuog ghept, haben sy doch im barmhertzigkeit mittheylt und in uff Mittwochen den fünfften Höwmonats ditz 64 jars gnedigklichen wider ussglossen, hatt den innhalt gmeyner urphet darby ouch geschworen, das er sich fünff myl wegs schyben wyss von statt und landt Basell hinweg thuon und darin niemermer onerloupt komen noch sich finden lossen solle, by peen des schwerts.

Niclauss Im Hoff Notarius subscripsit

Michel Köferlj - 1 °Jeronimuss Gürtler der vischkeuffer

Alsdann die von Louffenberg, hie nasen feyl ghept, und ouch gern wasser ghept, hatt er freffenlichen den känel nebentsich inn brunnen gestossen, dessen sy sich erclagt und diewyl er ouch sonst, frömbden und heymbschen, bösen bescheidt gibt, Ist er inn gfenckniss gleyt und uff Sambstag den achten Höwmonats ditz 64 jors mit gmeyner urphet die er geschworen, gnediglichen wider ussglossen, und darby ernstlichen gwarnet, das er hinfürt den lüthen, mit besserem bescheidt begegnen solle, wo nit, wurde er wider ingleyt, und im ein geltstroff uffgleyt werden.

Niclauss Im Hoff Notarius subscripsit

Uolj - 1 Brucker - 2 Wilhelm Mye von Scherma by Murten glegen °Jerg Müller von Jussileque by Coppet glegen ein pflaster knecht und Hanss Keller von °der Nüwenstatt

diewyl dise dry jung starck landtstrycher zuo Wensslingen inn Varnspurger Ampt gsessen, zefüllen und zetempffenn, Gott übell glestert, und doselbst einem ein wollen tuoch entwert und ein eeriner haffen ins höw verborgen worden, ist bemelter + Wilhelm, desselben diebstals gezygen und das sy den lüthen tröwt sollen haben, desshalben sy gfencklichen angnommen, und nochdem sy acht tag zuo Varnspurg, und hie achtzechen tag glegen, durch die Sybenherren verhört, und sy der sachen, nit gstendig sin wellen, wiewol Wilhelm im huss solle funden sin, sindt sy all dry uff Mittwochen den 12 Howmonats ditz 64 jors mit gmeyner urphet gnediglichen wider ussglossen, habent dorby ouch sampt und sonders geschworen, das sy sich von statt und landt Basell hinweg thuon, und darin onerloupt niemer mer kommen sollen, by peen des schwerts.

Niclauss Im Hoff Notarius subscripsit

Uolj - 1 °Verena Rosenplattin von Basell, genant die hinckechtige Fren

Demnoch und dise frouw sich zuo Hüningen und Blotzheim enthalten, ist sy durch ein unholdin so zuo Lanser inn gfenckniss ligt, angeben worden, das sy by iren uff Brattelen matten gsin sige. Desshalben sy gfencklichen angnommen und nochdem sy ettliche mal durch die Sibenherren verhört und sy beharret, das sy den todt lyden welle, das man iren unrecht thuge, ist sy uff Mittwochen den 12ten tag Höwmonats ditz 64 jors mit gmeyner urphet wider ledig glossenn, und iren anzeigt das sy sich frombklichen und wol halten solle.

Niclaus Im Hoff Notarius subscripsit

Köferlj - 1 °Peter vom Ryet der stattknecht

Demnach und er inn Claussen Koch des bruckknechts huss sin wonschafft ghept dorinn Anna Biebin genannt SchlachtriAnna Biebin genannt Schlachtri kommt in anderen Urfehdeverfahren vor, siehe Urfehdeeinträge Claus Koch von Wockerswyl ob Frowenfeldt uss dem Thurgouw und Susanna Sorgerj sin eefrouw (fol. 15 verso), Anna Biebin genant Schlacherin (fol. 15 verso) und Barbell Bart Clausen Schwertzig des huotmachers eefrow (fol. 16 recto) für andere Urfehdeverfahren ouch iren uffenthalt ghept, ir schnuory mit eemannen getryben, do er wol gwüsst, das es ein ful nest gsin, ist er by inen frü und spot gsessen zefüllen und zetempffen, und sollich ergerlich leben dem obersten knecht (wie er aber zthuondt schuldig) nie anzeigt, desshalben er inn gfenckniss gleyt und uff Mittwochen den 19 d. tag Höwmonats ditz 64 jors mit gmeyner urphet gnediglichen wider ussglossen, und damit sines diensts geurloupt worden dorby im ouch ernstlichen anzeigt, das er sich hinfürt, halten und tragen solle wie einem frommen gsellen zuostot.

Niclauss Im Hoff Notarius subscripsit

Köferlj - 1 °Blesin Fröwler der gerber.

Demnach und er über sins vorgeschwornen urpheten uff der gerber zunffthuss ein pfundt oder sechss verspylt, + und nochdemselben heym kommen, sin frouwen wellen nötigen, das sy im mehr gellt gebe, und ein sollich gotzlesteren, toub leben ghept, das wyb und kindt mordis geschruwen, und die nochburen zuohin muessen louffen. Ist er inn gfenckniss gleyt und uff Mittwochen den 19 des tag Höwmonats ditz 64 jars gnedigklichen wider ledig glossen, hatt den innhallt gmeyner urphet, dorby ouch geschworen, das er hinfurt alle zünfft und gsellschafften, würtz wyn und kochshüser, ouch die gassen würt, myden, nyenen andersswo, dann allein doheymen by wyb und kinden essen noch trincken solle, allein ist im sin eeren zunfft Zuon Gerberen vergonnt, das er dieselb gepürender wys mit essen und trincken besuochen möge, dessglichen das er kein spyl, weder inn noch usserthalb der statt nit thuon sonder aller spylen sich gentzlichen müssigen. Ouch kein gwer dann allein ein abbrochen brotmesser, weder tags noch nachts by noch an im tragen solle, so lang und vyl, biss im sollichs wider erloupt wirt. Mit dem anhang wo er disen eydt übersechen, werde er von statt und landt Basell verwyssen werden.

Niclaus Im Hoff Notarius subscripsit

Köferlj - 1 Toubhüslj - 1 °Claus Koch von Wockerswyl ob Frowenfeldt uss dem Thurgouw und Susanna Sorgerj °sin eefrouw.

Demnach und sy beyde inn irem huss Anna Biebin genant SchlacherinAnna Biebin genant Schlacherin kommt in anderen Urfehdeverfahren vor, siehe Urfehdeeinträge Peter vom Ryet der stattknecht (fol. 15 recto), Anna Biebin genant Schlacherin (fol. 15 verso) und Barbell Bart Clausen Schwertzig des huotmachers eefrow (fol. 16 recto) für andere Urfehdeverfahren, uffenthallt geben, frü und spot by inen zeren und prassen lossen, do bemelter Claus wyn zuoher tragenn, und sich füllen lossen, das er wie ein onvernünfftig thier do glegen, Gott geb, was darneben für bübery fürgangen, sindt sy beyde inn gfenckniss gleyt, und noch dem sy durch die Sybenherren verhört, hatt man sy uff Mittwochen den 19 des tag höwmonats ditz 64 jors gnediglichen wider ussglossen habent den innhalt gmeyner urphet dorby ouch geschworen das sy sich beyde mit iren kinden, uff das fürderlichst von statt und landt Basell hinweg thuon, und darin onerloupt nit wider kommen sollen.

Niclauss Im Hoff Notarius subscripsit

Brucker - 1 °Anna Biebin genant SchlacherinAnna Biebin genant Schlacherin kommt in anderen Urfehdeverfahren vor, siehe Urfehdeeinträge Peter vom Ryet der stattknecht (fol. 15 recto), Claus Koch von Wockerswyl ob Frowenfeldt uss dem Thurgouw und Susanna Sorgerj sin eefrouw (fol. 15 verso) und Barbell Bart Clausen Schwertzig des huotmachers eefrow (fol. 16 recto) für andere Urfehdeverfahren

Demnach und sy ein guote zyt jaren, ein schantlich, ergerlich leben, über alle warnung die iren oftermals beschechen, getriben mit eemannen und jungen gsellen, sich vermischet und unküschheit geübt, ouch andre junge wyber verkupplen und uffwyssen wellen solche schnuory zetryben, und innsonderheit diewyl sy mit einem eeman der undrem grundt ligt schnuory getryben, und so onverschampt gsin, das sy sinen sun ouch zuo iren glossen, und onküschheit mit demselben begangen, ist sy ins halsyssen gestellt und geschwemt worden uff Donstag + den 20ten Höwmonats, ditz 64 jors, gnediglichen wider ledig glossen, hatt den innhallt gmeyner urphet dorby ouch geschworen, das sy sich den nechsten von statt und landt Basell, fünff myl wegs schyben wyss hinweg thuon, und darin onerloupt niemer mer kommen noch sich finden lossen solle, by peen des halsysens und ertrenckens.

Niclauss Im Hoff Notarius subscripsit

Uolj - 1 °Barbell Bart Clausen Schwertzig des huotmachers eefrow.

Demnach und sy inn des hieensyt gemelten Claussen KochClauss Koch kommt in einem anderen Urfehdeverfahren vor, siehe Urfehdeeintrag Claus Koch von Wockerswyl ob Frowenfeldt uss dem Thurgouw und Susanna Sorgerj sin eefrouw (fol. 15 verso) für anderes Urfehdeverfahren, dess bruckknechts huss, ir wonung ghept, ist sy gfencklichen angnommen, als ob sy derselben argwenigen sachen ouch ein wüssens trüge, nochdem und aber sy durch die Syben Herren befrogt, und sy iren bericht geben, das Anna SchlacherinAnna Schlacherin kommt in anderen Urfehdeverfahren vor, siehe Urfehdeeinträge Peter vom Ryet der stattknecht (fol. 15 recto), Claus Koch von Wockerswyl ob Frowenfeldt uss dem Thurgouw und Susanna Sorgerj sin eefrouw (fol. 15 verso) und Anna Biebin genant Schlacherin (fol. 15 verso) für andere Urfehdeverfahren sy wol uffgewyssen, sy habe aber iren nie gefolgt noch ettwas böses gethon, hatt man sy uff Sambstag den 22ten Höwmonats ditz 64 jars mit gmeyner urphet gnediglichen wider ussglossen und iren darby anzeigt, das sy sich hinfürt dermossen halten und tragen solle, das man kein uneer von iren erfare.

Niclauss Im Hoff Notarius subscripsit

Thoubhüsslin - 1 °Dorothe von Thono uss Saphoy ein gemeyne mëtz

Diss gmeyne dyrn ist hinacht inn stall zuom Schnabell funden desshalben sy ins Thoubhüsslin gleyt, und uff Mentag den 24 Höwmonats ditz 64 jars mit gmeyner urphet, diewyl sy vor nie innglegen, gnediglichen wider ledig glossen, hatt darby ouch geschworen, das sy sich vonn statt und landt Basell hinweg thuon, und onerloupt, nit wider harin komen solle, by peen des schwemmens und halssysens.

Niclauss Im Hoff Notarius subscripsit

Heinrich Brucker - 1 °Anna Möschingerj von Hefelfingen

Die Herren Eerichter habe sy übernacht, inn gfenckniss lossen legen und umb ein gulden gstrofft, von wegen, als Joss Bürgin von Hefelfingen sy der ee angesprochen das sy in am narren seyl gefürt, und gseyt man solle im sagen, sy wölle in haben, und darnoch im nützit bekantlich sin wöllen, ist uff Mittwochen den 26 Höwmonats ditz 64 jors mit gmeyner urphet gnediglichen wider ledig glossen.

Niclauss Im Hoff Notarius subscripsit

Thoubhüsslin - 2 °Anna Brötlj von °Scheydich ob Lindouw, und Agnes Hafnerj von Solothurn

Diewyl bemelte Anna ein zymblich betagte frow, dem allmuossen noch zücht, und inn wynhüsern sich voll trinkt, die glesser vor den + lüthen hinweg nimpt, und inen den wyn usstrinckt, sodann ist Agness Hafnerj ein wyl zuom Nüwenhuss umbzogen, und als sy hie gwarnet sich hinweg zthuondt, sy aber dasselb nit thuon wöllen sindt sy beyde ins Thoubhüsslin gleyt und uff Mentag den letsten tag Höwmonats ditz 64 jors, gnedigklichen wider ussglassen, habent den innhallt gmeyner urphet, dorby ouch geschworen, das sy sich von statt und landt Basell hinweg thuon und darin onerloupt nit wider kommen sollen, by peen des halsysens und schwemmens.

Niclaus Im Hoff Notarius subscripsit

Köferlj - 1 Uolj - 1 °Mathis Dyel von Sant Wendell °uss Westerrich und Hans Weygolt uss der statt Mossbach, beydt wyssgerber

Demnach die Ladenherren innammen der Hochen und Obren Herlickeit vor herren vogt und den zechnen dess stattgerichts zu Basell zu ir beyder lyb und leben clagt, uss ursachenn das sy uff Sontag den nünten tag Julij disses 64 jars noch dem nachtessen inn ires meisters huss, als derselbig der zyt nit anheimsch gwessen, ein sollich gottloss, muotwillig und ungestümbs wessen gfürt, mit waffen zuosamen, und was im huss gsin zerschlagen, mit fürigen bränden, die sy von der herdtstatt gnommen, im huss hinundwider umbeinander gelouffen, dardurch die jungfrow oder dienstmagt die sy inen, über das sy sunst gnuogsam gsettiget gwessen, erst uff zetragen nötigen wöllen, uss dem hus entloufen müssen, die sy zuo dem fenster us, mit verletzung Irer Ehren, schmehlichen angezogen und über sy dise grusamen schwur, als namlich Gottes Hergott, Gottes touff, Gottes sacrament, Gottes element, und anders mer erschrockenliche schwür geflucht und gschworen haben alles unangesechen das sy von ettlichen erlichen lüthen und burgern, darüber mit fründtlichen worten abgwyssen, gestoubt und gwarnet worden sindt noch wellicher clag sy beydt lyb und guot unsseren Gnedigen Herren mit urtell und recht verfallen und wiewol unser Gnedigen Herren sy vermög ergangner urthell, hetten stroffen mögen, so haben sy doch inen gnad und barmhertzigkeit uff ir und ettlicher meistern von wyssgerbern, undertheniges pitten, mitgetheylt, und yedem 20 gulden zur stroff uffgeleyt, an wellicher stroff inen uff ir gnad begeren, das halb nochgelossen, die ouch irs meister biss Sambstag ans brett, sampt der atzung und dem costen, zeerlegen versprochen, sindt also beydt uff Zinstag den ersten Augstmonats ditz 64 jors, mit gmeyner urphet die sy gschworen, gnedigklichen wider ledig gelossenn.

Niclauss Im Hoff Notarius subscripsit

Köferlin - 1 °Steffan Hüpscher von Bern ein zymmer gsell

Dorumb das er sich uff Mentag verschynen gantz unverschampt ghalten, uss dem wynhuss Zuom Thor ins Rysen gesslin gangen, und doselbst gantz onverschampt das wasser abgschlagen und als im Theus der stattknecht gwert, hatt er im böss wort geben das messer gegen in zuckt, und im schmechlichen zuogeredt, er liege + wie ein schelm, ist er gfencklichen angnommen, und uff Donstag den dritten Augstmonats ditz 64 jors, mit gmeyner urphet gnediglichen wider ledig glossenn, dorby er ouch sich bekant hatt, das er von bemeltem Theussen nützit dann alle eer und guots wüsse.

Niclauss Im Hoff Notarius subscripsit

Thoubhüslin - 1 °Gladj Boden uss der Cluss Saphoyer pieth, ein taglöner

Alsdann er Zuom Engell zert, und der würt vier plappart für die ürten guordert, und sine gsellen wol zefriden gsin,hatt diser nit mer, dann dry schilling geben wellen, mit dem würt balget und bösen bescheidt geben, das man Michel Köferlin den rhatsknecht müssen reichen, und als derselb kommen, hatt er im tröwt, wann er in hette an ort und enden, er wölte wol mit im umbgon, ist er desshalben inns Thoubhüslin gleyt und uff Sambstag den fünffen Augstmonats ditz 64 jors, mit gmeyner urphet gnediglichen wider ussglossen, hatt dorby ouch geschworen, das er gegen Michel Köferlj noch andren nützit fürnemmen solle, er habe dann rechtlichen an sy ettwas zesprechen.

Niclauss Im Hoff Notarius subscripsit

Brucker - 1 °Clera von Sant Uban uss dem DelphinatClera von Sant Uban kommt in einem anderen Urfehdeverfahren vor, siehe Urfehdeeintrag Julius Cesar Pascalis uss Sicilien (fol. 17 recto) für anderes Urfehdeverfahren

Die Herren Eerichter haben sy lossen inlegen, von wegen das sy mit irem herren by dem sy gedient genant Julius Cesar Pascalis uss SicilienJulius Cesar Pascalis kommt in einem anderen Urfehdeverfahren vor, siehe UrfehdeeintragJulius Cesar Pascalis uss Sicilien (fol. 17 recto) für anderes Urfehdeverfahren, der unküscheit gepflegen und im ein kindt geben wellen, dessen er nit bekantlich sin wellen, nochdem und aber sy beharret, das das kindt sin und keins andren menschen sige, ouch ort und endt wo er by iren glegen anzeigt, hatt man sy uff Fritag den vierdten Augstmonats ditz 64 jors mit gmeyner urphet, wider ledig glossen.

Niclaus Im Hoff Notarius subscripsit

Uolin - 1 °Julius Cesar Pascalis uss SicilienJulius Cesar Pascalis kommt in einem anderen Urfehdeverfahren vor, siehe Urfehdeeintrag Clera von Sant Uban uss dem Delphinat (fol. 17 recto) für anderes Urfehdeverfahren

Die Herren Eerichter haben in inn gfenckniss legen lossen von wegen das er alle ding geleügnet und keins wegs gestendig sin wellen, das er mit obgenanter Clera von Sant Uban uss dem Delphinat, siner dienstmagtClera von Sant Uban kommt in einem anderen Urfehdeverfahren vor, siehe Urfehdeeintrag Clera von Sant Uban uss dem Delphinat (fol. 17 recto) für anderes Urfehdeverfahren, ye zeschicken noch zeschaffen gehept, ouch Gott und sine engell zu zügniss genempt, das ers nie im synn ghept, mit iren unküscheit zetryben, nochdem und aber er der sachen vor herren Uolrichen Cony genant Essig und herren Hanss Brandtmüller den Predicanten, aller dingen gychtig und bekantlich haben sy in umb 20 gulden die er erleyt, gestrofft und uff Zinstag den achten Augstmonats ditz 64 jors mit gmeyner urphet gnedigklichen wider ussglossen, hatt dorby ouch geschworen, das er dass kindt zuo sinen handen nemmen, dasselb versechen und erziechen solle.

Niclauss Im Hoff Notarius subscripsit

Wasserthurn - 1 °Hans Oltinger der huofschmidt

Demnach und er sich bisshar, über das er ein fromme eefrowen und kinder hatt, üppiger gstallt, mit schnuory gehalten, und einem schuomacher genant Fantz, by nechtlicher wyl, als er nit anheimsch gsin, zuor frowen gestygen, do er von den nochburen, verzeücht worden, ist er vierzechen tag und necht, mit gfenckniss des Wasserthurns gestrofft, und uff Mittwochen den nündten tag Augstmonats ditz 64 jors, mit gmeyner urphet gnedigklichen wider usglossen, hatt darby ouch geschworen, das er alle zünfft und gsellschafften würtz, wyn und kochshüser myden, ouch inn und usserthalben der statt, nyenen andersswo essen noch trincken solle, dann allein doheymen inn sinem huss, und uff siner zunfft und gsellschafft möge er gepürender gstallt zuo eeren malen besuochen, dessglichen das er kein gwer, weder tags noch nachts, by noch an im tragen solle, dann allein ein abbrochen brotmesser, und hinfürt sich gegen siner eefrowen, fridsam und anderst dann bisshar, halten und tragen solle, dann wo er wyther mit siner ergerlichen wyss fürfaren, und nit abston, werde man in von statt und landt verwyssen, und sinem verdienen noch hertengklich stroffen.

Niclauss Im Hoff Notarius subscripsit

Brucker - 1 Uolin - 1 °Hans Hasler und Heinrich Finger beydt von Buss

Die Herren Eerichter haben sy inn gfenckniss legen lossen und yeden umb zwen gulden gstrofft, von wegen das sy sich berümpt, sy sigen by Bryda Melj von Buss, die Thoman Wyss den müller der ee angesprochen, ettliche mol gelegen, wie sy dann überzügt und inn der gfenckniss ouch bekennt habenn, sindt uff Mittwochen den 9 augstmonats ditz 64 jors, mit gmeyner urphet, die sy sampt und sonders geschworen, gnedigklichen wider ledig glossen.

Niclauss Im Hoff Notarius subscripsit

Uolin - 1 °Hans Bachmann von Keyserstuol, der scherer

Die Herren Eerichter haben in gfencklichen lossen inlegen, von wegen das er mit Verena Köchlin von ZürichVerena Köchlin kommt in einem anderen Urfehdeverfahren vor, siehe Urfehdeeintrag Hans Hackmesser von Stein ein baderknecht, Zuor Langen Dutten dienend (fol. 17 verso) für anderes Urfehdeverfahren, die in der ee angesprochen unküschheit getryben, ist umb zwen gulden gestrofft, und uff Mittwochen den 9ten Augstmonats ditz 64 jors, mit gmeyner urphet wider ledig glossen.

Niclauss Im Hoff Notarius subscripsit

Köferlj - 1 °Hans Hackmesser von Stein ein baderknecht, Zuor Langen Dutten dienendHans Hackmesser kommt in einem anderen Urfehdeverfahren vor, siehe Urfehdeeintrag Hans Hackmesser der bader bürger alhie (fol. 56 verso) für anderes Urfehdeverfahren

Die Herren Eerichter haben in übernacht inlegen lossen und umb zwen gulden gestrofft von wegen das er sich berümpt, er sige by Verena Köchlin von ZürichVerena Köchlin kommt in einem anderen Urfehdeverfahren vor, siehe Urfehdeeintrag Hans Bachmann von Keyserstuol der scherer (fol. 17 verso) für anderes Urfehdeverfahren glegen, und unküschheit, mit iren getryben wie er dann ouch desshalben kuntschafft über sich selbs geben hatt, ist uff Sambstag den 12ten Augstmonats ditz 64 jors, mit gmeyner urphet wider ledig glossen.

Niclauss Im Hoff Notarius subscripsit

Uolin - 2 °Thoman Wyss und Bryda Melj °von Buss

Die Herren Eerichter haben sy beyde inn gfenckniss legen lassen und den bemelten Thoman Wyss umb 5 lb gestrofft, von wegen das sy schnuory getryben, sindt uff Donstag den 17 Augstmonats, ditz 64 jars, mit gmeyner urphet gnediglichen wider ledig glossenn.

Niclaus Im Hoff Notarius subscripsit

Thoubhüsslin - 2 °Heinrich Grof °von Keyserstuol und Michel Mërckell von Pfortzheim, hatt nummen ein arm

Augustin Steck min her vogtAugustin Steck kommt in anderen Urfehdeverfahren vor, siehe Urfehdeeinträge Jerg Vollmer von Schaffhussen dess nochrichters knecht (fol. 46 verso), Peter Mayer von Orsny ein halb myl von Fryburg inn Üchtlandt glegen ein lackey (fol. 49 recto), Anthonj Jacote von Schërlin Fryburger und Berner herschafft, ein kessler (fol. 58 recto) und Jocob Keller der vollterer (fol. 59 recto) für andere Urfehdeverfahren, hatt dise zwen bettler über nacht inns Thoubhüsslin lossen legenund umb 1 lb gestrofft von wegen das sy sich zuom Schaltenbrandt mit wyn überladen, und darnach die frygen stross abzogen, ein wyldt geschrey und bëttlens ghept, und wann man sy fürgwyssen, haben sy bössen bescheidt geben, und anzeigt min Herr Bürgermeister und Zunfftmeister habe inen erloupt zehöuschen, doran sy aber die unworheit fürgeben. Sindt uff Sontag den 20 Augustj anno 64 mit gmeyner urphet gnediglichen wider ledig glossen, habent darby ouch geschworen das sy inn jar und tag nitt wider harin kommen noch höuschen sollen, by peen des halsysens und der ruoten.

Niclaus Im Hoff Notarius subscripsit

Köfferlj - 1 °Hans Henseler der bettellvogt.

Dorumb das er sich uff Mentag nechstverschynen, mit wyn überladen, uff dem Kornmarkt umb sich gschlagen, und sich nit wellen stillen lossen, ist er übernacht inn gfenckniss gleyt, und uff Donstag den 24 Augstmonats ditz 64 jors, mit gmeyner urphet gnediglichen wider ussglossen, samt ernstlicher warnung das er von solchem übertrinken abston, und sinem ampt trüwlichen nochkomen solle, oder man werde in verwyssen.

Niclaus Im Hoff Notarius subscripsit

Köferlj - 1 °Ulrich Stüdler der wasserknecht

Alsdann uff Fritag nechstverschynen einer von Rantzwyler, am Vischmerkt spytzling wellen kouffen, und allein ein halben vierling begert, hatt dieser, dem buren glych bösen bescheidt geben (do aber der vischkäufer wol zefriden gsin) und damit den buren mit der fust uff das oug gstossen, das er bluotet, und diewyl er ouch sonst, so baldt die frömbden mit albelen kommen den mërkt verthürt, und Inen anzeigt wie sys geben sollen, es sige kein fleisch vorhanden, und wo er ein grosse albelen sicht, + hatt ers nebent sich gleyt, und gsagt sy syge guot ze broten, und den burgeren vergönnt, wann inen ein guot pfennwert wirt, ist er zwen tag und necht inn gfenckniss gleyt, und uff Fritag den ersten Herbstmonats ditz 64 jars, mit gmeyner urphet, gnediglichen wider ussglossen, und im darby anzeigt das er sines ampts des wassertragens geurloupt sin solle.

Niclauss Im Hoff Notarius subscripsit

Uolj - 1 °Werlin Bënner von Blotzheim pfrunder im spittal.

Demnach und er vormalen im spittal sines übertrinckenshalb und das er wider des spittals ordnungen zuo Plotzhein güter verkoufft, gfangen glegen, so hat doch er umb dieselb warnung so im anzeigt, wenig geben, sich wider hinuss inn die dörffer thon, mit wyn sich überladen, heym inn spittal kommen, und vom oberschryber, das gellt so er zuom fürschutz an sin pfruondt geben, haben wellen, sich nit wellen lossen abwyssen, sonder dem oberschryber schmechlichen zuogredt, ouch ein arme pfrunderin, uss irem gemach, gezeucht. Desshalben er inn gfenckniss uff Sant Albans Thurn gleyt, und uff Sontag den dritten Herbstmonats, ditz 64 jors, mit gmeyner urphet, gnediglichen wider ussglossenn, hatt darby ouch geschworen das er hinfuert söllcher ongeschickten sachen, und ubertrinckenshalb sich abthuon, dess spittals ordnungen gleben, und sin pfruondtbrieff ansechen, dann wo er also, wie bisshar fürfaren, werde man in, sinem verdienen noch hertenglichen stroffen, im die pfruondt abstricken, und an das ort wider wyssen, dohar er komen ist, hatt hieby ouch sich bekennt, das er von oberschriber nützit anders dann alle eer wüsse, und habe im onrecht thon.

Niclaus Im Hoff Notarius subscripsit

Köfferlj - 1 °Els Kiefferj von Ramböbelj by Spinal

Die Bannwart haben diese froewen, uff Sambstag znacht verschynen vor Eschamer thor funden, und gon Sant Jocob gefürt, desshalben sy uff Mentag durch die stattknecht harin gfürt, diewyl aber sy, mt einem kindt godt, und vor joren ouch im spittal kindtbettet worden, darinnen yetzt ir mann dient, den sy vier wochen ghept, und ouch ein welscher ist, der sich Wilhelm nempt, hatt man sy uff Mittwochen den 6 Septembris ditz 64 jars, mit gmeyner urphet gnediglichen wider ussglossen, dorby sy ouch geschworen hatt, das sy sich an andere ort und endt hinweg thuon, und unser Gnedig Herren ongeirrt lossen solle.

Niclauss Im Hoff Notarius subscripsit

Spittal - 1 °Regula Meygerj von Rodloff ein halb myl ob Baden glegen.

Demnach und sy einen müller knecht, genant Niclaus Fry, zuor ee genommenNiclaus Fry kommt in einem anderen Urfehdeverfahren vor, siehe Urfehdeeintrag Claus Fry von Watt, der müller, Züricher pieth (fol. 19 verso) für anderes Urfehdeverfahren, by dem sy ein kindli ghept, so mit todt abgangen, als aber bemelter ir eeman, iren kein bywonung thuon wellen, sy im nochzogen und yetzt letstlichen by Eptingers schaffner inn der Nüwen Vorstatt dient, ist sy inn ein widermuot, und kleinmuetigkeit kommens, das sy ein messer iren selbs inn die brust gestochen. Desshalben sy inn spittal gefürt an ysen gleyt, und nochdem sy geheylt worden, hatt sy uff Sambstag den 16 Septembris ditz 64 jars, den innhalt gmeyner urphet darby ouch geschworen, das sy sich mit irem eeman von statt und landt Basell hinweg thuon, und onerloupt nit wider harin kommen solle.

Niclauss Im Hoff Notarius subscripsit

Uolj - 1 Heinrich Brucker - 1 °Michel Schnyder der spanner, inn Eschamer Vorstatt sesshafft ° und Hans Rosenburg der seyler

Demnach und sy, durch den sigristen, für die Bannherren im Münster, von wegen ires übertrinckens und gotzlesterens beschickt worden, haben sy bösen bescheidt geben, und gsagt, was sy mit den pfaffen zeschaffen haben, desshalben sy inn gfenckniss gleyt, diewyl sy aber bed, kranck worden, sindt sy uff Sontag den 24 Septembris, ditz 64 jors, mit gmeyner urphet gnedigklichen wider ussglossen, habent darby ouch sampt und sonders geschworen, das sy alle zünnft und gselschafften, würtz, wyn und kochhüser myden, nienen anderswo essen noch trincken sollen dann allein doheymen by wyb und kinden, und uff irer zunfft und gsellschafft, doch zymblicher gestallten, dessglichen keine gwer weder tags noch nachts, by noch an inen tragen, dann allein ein abbrochen brotmesser, und wann sy hinfürter, es sige für ein Ersamen Rhat, oder die Bannherren beschickt, das sy gehorsammlich erschynen sollen, darzuo sollen sy sich inn den ürtenen von einandren sönderen, und keiner bym andren essen noch trincken.

Niclauss Im Hoff Notarius subscripsit

Köferlj - 1 °Claus Tëgerfeldt der schlosser

Demnach und er vormalen von statt und landt Basell verwyssen, und uss fürpitt der Fürsten, so inn verruckten jaren hie durchgeryten, wider begnadet worden, so hatt doch er sich syderhar ongebürlicher gstalten gehalten und besonders diewyl hin und wider den lüthen, inn die hüser gebrochen wirt, ist ein dieterich so dry hocken hatt, by im funden desshalben er inn gfenckniss gleyt und uff Mentag den 25 Septembris, + ditz 64 jors, gnedigklichen wider ussglossen, hatt den innhalt gmeyner urphet dorby ouch geschworen, das er sich den nechsten vom Thurn dry myl wegs schyben wyss von statt und landt Basell hinweg thuon, und darin onerloupt niemer mer kommen noch sich finden lossen solle, mit dem anhang, wo er über disen eydt ergriffen, werde man ab im, noch vermög sinen vordrigen urpheten, mit dem schwert richten.

Niclauss Im Hoff Notarius subscripsit

Köferlj - 1 °Barthlin Byn der wagner

Demnach und er für die Bannherren im Münster, von wegen sines liederlichen husshaltens, übertrinckens und gotzlesterens, beschickt worden, hatt er bösen bescheidt geben, und gsagt, er habe nützit, mit den pfaffen zeschaffen, desshalben er inn gfenckniss gleyt, und uff Mentag den 25 Septembris ditz 64 iors, mit gmeyner urphet gnediglichen wider ussglossen, hatt dorby ouch geschworen, das er alle zünfft und gsellschafften, würtz wyn und kochshüser myden, nienen anderstwo essen noch trincken solle, dann allein doheymen by wyb und kinden, und uff sinen zunfft und gsellschafft, doch zymblicher gstalten, dessglichen kein gwer by noch an im tragen, dann allein ein abbrochen brotmesser, und wann er hinfürter für ein Ersamen Rhat, oder die Bannherren beschickt wirt, das er gehorsamlichen erschynen solle, dorzuo solle er sich von siner gsellschafft, die mit im gfangen glegen, sönderen, mit inen weder essen noch trinken.

Niclaus Im Hoff Notarius subscripsit

Köferlj - 1 °Claus Fry von Watt, der müller, Züricher piethClaus Fry kommt in einem anderen Urfehdeverfahren vor, siehe Urfehdeeintrag Regula Meygerj von Rodloff ein halb myl ob Baden glegen (fol 19 recto) für anderes Urfehdeverfahren,

Demnach und im mündtlichen durch den obersten knecht anzeigt, das er sich mit Regula MeygerjRegula Meygerj kommt in einem anderen Urfehdeverfahren vor, siehe Urfehdeeintrag Regula Meygerj von Rodloff ein halb myl ob Baden glegen (fol. 19 recto) für anderes Urfehdeverfahren (die er zuor ee gnommen, und aber iren kein bywonung thuon will, darum sy ouch sich selbs lyblos thun wellen, wie sollichs ir urphet, so hieensyt, geschriben stot, usswysst.) von statt und landt Basel hinweg thuon solle, hatt er demselben beuelch nit statt thuon wellen, desshalben er inn gfenckniss gleyt, und uff Sambstag den letsten Herpstmonats ditz 64 jars mit gmeyner urphet gnediglichen wider ledig glossen, hatt darby ouch geschworen, das er dem spittal vier pfundt und vier schilling für das man sin frowen sechs wochen im spittal erhalten und geartznet, ussrichten solle, und denmoch sich mit siner frowen, hinweg von statt und landt Basel thuon, und sy selbs oder durch yemants anders, es sige wybs oder mans person, + inn ir heymat oder zuo sinen fründen geleyten, doselbst möge er das recht mit iren pruchen, oder underlossen, wie es inn für guot ansechen wirt, dann diewyl sy beyde unsren Gnedigen Herren, mit eydtspflichten nit verbunden, werde man sich iren nützit beladen.

Niclauss Im Hoff Notarius subscripsit

Köferlj - 1 °Martin Rem der zymmerman.Martin Rem kommt in einem anderen Urfehdeverfahren vor, siehe Urfehdeeintrag Michell Tagsperger der tischmacher Martin Rëm der zymmermann Martin Pfaff der tischmacher und Daniel Hüss der glaser (fol. 86 recto) für anderes Urfehdeverfahren

Demnach und er hievor mermalen durch die Bannherren sines onordenlichen überfüllens und zerenshalb früntlichen gwarnet, hatt er umb dieselbe warnung nützit geben wollen, sondern ist sinem fadenrecht nochzogen, tag und nacht voll und toll worden, desshalben er inn gfenckniss gleyt und uff Sambstag den letsten Septembris ditz 64 jors, mit gmeiner urphet gnediglichen wider ussglossenn, hatt dorby ouch geschworen, das er alle zünfft und gsellschafften, würtz, wyn und kochshüser, ouch die gassen würt myden, ud nienen anderswo dann allein doheymen und uff siner eeren zunfft und gsellschafft der Schützenmatten, zuo jars malen, doch zymblicher gstalten, essen und trincken, und sich anderst dann bisshar halten, oder man werde in hertenglichen stroffen.

Niclaus Im Hoff Notarius subscripsit

Brucker - 1 °Jocob Vischer der wagner inn Eschamer Vorstatt

Alsdann im und andren sinen gsellen, für die Bannherren im Münster, von wegen sines üblen husshaltens, übertrinkens und gotzlesterens, gebotten worden, ist er nit erschynen, desshalben er inn gfenckniss gleyt und uff Mittwochen den vierdten Octobris ditz 64 jars mit gmeyner urphet, gnediglichen wider ledig glossen hatt darby ouch geschworen, das er all zünfft und gsellschafften würtz, wyn und kochshüser myden, nienen andersswo essen noch trincken solle, dann allein auff siner zunfft und gsellschafft, doch zymblicher gstallten, dessglichen kein gwer, by noch an im tragen, dann allein ein abbrochen brotmesser, und wann er hinfürter für ein ersamen rhat, oder die Bannherren beschickt wirt, das er gehorsamlich erschynen, darzu solle er sich von sinen gsellen thuon, sich nit zuo inen rotten, sonder inn den ürtenen, sich von einandren söndren.

Niclaus Im Hoff Notarius subscripsit

Köferlj - 1 °Cuonrat Keller der schnyder

Demnach und einer von Tülliken genant Heinj Keller, sich vor unssren Gnedigen Herren erlagt, wie das er im sine brieff, doruff + bemelter Cuonrat Keller, imme gelt gelychen, versetzt und verkoufft, ouch über dasselb im tröwt habe, möge er in nit ze todt schlachen, so welle er im ein flügell vom lyb houwen, desshalben er zu Hüningen gfencklichen angnommen und uff Mittwochen den 11 Octobris ditz 64 jors, mit gmeyner urphet gnediglichen wider ussglossen, hatt darby ouch geschworen, das er gegen dem von Tülliken, worten oder werckenhalb nützit fürnemmen solle, sonder habe er etwas an in zesprechen, dorumb möge er in mit recht suochen, das er ouch hinfürter sich still und wol halten, ouch sinen vordrigen urphet nochkommen und gleben solle.

Niclaus Im Hoff Notarius subscripsit

Wasserthurn - 1 ° Josue Petrj der schürlitz weber Josue Petrj kommt in anderen Urfehdeverfahren vor, siehe Urfehdeeinträge Josue Peter der schürlitzweber (fol. 6 recto) und Peter Zweybrucker der wollweber (fol. 11 recto) für andere Urfehdeverfahren

Alsdann er vormals alle wirtz und wynhüser zemyden verschworen, hatt er dieselb urphet kein stundt nye gehalten, sonder ist den nechsten, inn des Thuornprobsts hoff, vom thurn zogen, doselbsten zoben zert, und yetzt kurtzlich an den Spalen zwo moss wyn truncken und hinweg zogen, den wyn und vier wyssbrot nit zalt, und yedermann wollen überreden er habs zalt. Desshalben er syben tag und necht an den Spalen inn gfenckniss glegen, und nochmalen zechen tag und necht mit dem Wasserthurn gstrofft, ist uff Mentag den 16 Octobris ditz 64 jors, mit gmeyner urphet gnediglichen wider ussglossen, hatt darby ouch geschworen, das er alle zünfft und gsellschafften würtz, wyn und kochhüser myden, nienen anderswo essen noch trinken, dann doheymen inn sinem huss, und uff siner zunfft zu jars malen, ouch kein gwer, by noch an im tragen und sich aller spylen abthuon und müssigen solle, mit dem an hang wo er wider inn alten fuosstapffen tretten, werde man in von stadt und landt Basell verwyssen.

Niclaus Im Hoff Notarius subscripsit

Köferlj - 1 ° Hans Oswalt der wynleger

Ist von sines liederlichen üblen husshaltens wegen, das er tag und nacht voll, gott lesteret, ettlich gsellen mit im heym fürt zefüllen und zetempffen, und ein ruochloss leben trybt, übernacht mit gfenckniss gstrofft und uff Donstag den 19 Octobris ditz 64 jars, mit gmeyner urphet gnediglichen wider ussglossen, sampt ernstlicher warnung, das er hinfürt bass dann bisshar huss halten, der gsellen, mit im heymzefüren sich abthun solle, oder es werde im ettwas uff den halss wachssen, das im zeschwer sin werd.

Niclauss Im Hoff Notarius subscripsit

Uolj - 1 ° Luedj Ritter von Grollei Fryburger pieth uss Üchtland

Demnach und er ein jor oder 15 zuo Benken hussheblichen gsessen liederlichen und übell hussgehalten, das sin mit kriegen und sonst verthon, also das man sine kinder bevögten müssen, ist ouch von ettlichen von Benken verclagt worden das er ein ross solte entwert haben, und noch ein eefrowen gnommen solte han, und darzuo Jocoben Günthart genant Friess, siner kinden vogt tröwt er wellte im ein roten hanen uffs huss setzen, und wo er im nit möge werden welle er luogen das im ein flügel vom lyb gehauwen werde, desshalben er von Münchenstein gfencklicken harin geschickt, durch die Syben Herren verhört, als er aber solicher sachen nit anred noch bekantlich sin wellen, ist er uff Donstag den 19 Octobris ditz 64 iars mit gmeyner urphet gnediglichen wider usglossen, hatt darby ouch geschworen, das er sich uff das fürderlichst fünff myl wegs schyben wyss von statt und landt Basell hinweg thuon und darin onerloupt, nit wider kommen noch sich finden lossen solle.

Niclauss Im Hoff Notarius subscripsit

Köferlj - 1 ° Bastean Schmidt der küfer inn Eschamer Vorstatt Bastean Schmidt kommt in anderen Urfehdeverfahren vor, siehe Urfehdeeinträge Jocob Schwartz und Cuonrat Steiblj die stattknecht (fol. 37 verso), Bastean Schmidt der küfer inn Eschamer vorstatt (fol. 40 recto) und Bastean Schmidt der küffer inn Eschamer Vorstatt (fol. 75 recto) für andere Urfehdeverfahren

Demnach und er zwey malen, von sines liederlichen, lychtfertigen husshaltens, überfüllens und gotzlesterens wegen, für die Bann herren, beschickt, hatt er umb dieselbe früntliche warnung nützit geben wollen, sonder ist den nechsten inn alten fuossstapffen retten, desshalben er inn gfenckniss gleyt, und uff Sambstag den 21 Octobris ditz 64 jars, mit gmeyner urphet gnediglichen wider ussglossen. hatt darby ouch geschworen das er alle zünfft und gsellschafften, würtz, wyn und kochshüser myden, nienen anderswo essen noch trincken dann doheymen, inn sinem huss, und uff siner zunfft zuo jars malen, ouch kein gwer by noch an im tragen solle, dann ein abbrochen brotmesser, darzuo solle er sich von siner gsellschafft, die bisshar mit im zert und prasst sönderen und abthuon, von sinem kouffen, tuschen und märckten abston, und bass dann bisshar husshalten oder man werde in von statt und landt verwyssen.

Niclaus Im Hoff Notarius subscripsit

Köferlj - 2 ° Adam Kümi der byrssmeister zuo Sant Jacob, und ° Thenge Zable von Salen, der schwynhirt

Alsdann bemelter byrssmeister ettliche mal gwarnet, das er sich der Hardt solte abthuon, und mit dem veech, nitt inn die jungen sprüng, faren solte lassen, hatt er umb dieselb + warnung, nützit geben, sonder diewyl gemelter hirt, inn die Hardt gefaren, und der meister söllicher sachen wüssens ghept, sindt sy beydt übernacht mit gfenckniss gstrofft, und uff Sontag den 22 Octobris ditz 64 jars, mit gmeyner urphet die sy sampt und sonders geschworen, gnediglichen wider ussglossen und inen dorby anzeigt das sy hinfürter weder mit gehürnten noch ongehürntem veech inn die Hardt, an die verbottnen ort, do die jungen sprüng stondt, nit faren sollen.

Niclaus Im Hoff Notarius subscripsit

Thoubhüsslin - 1 ° Hans von Trittor ens von Guder fringen uss Bern pieth, ein huofschmidt.

Diewyl diser jungk gsell, uff gestrigen tag, am Schlüssel, vor der zunfft gantz onverschampt, sich entplösst und das wasser abgschlagen, ist er ins Thoubhüslin gleyt, und uff Mentag den 23 Octobris ditz 64, mit gmeyner urphet, gnedig lichen wider ussglossen, sampt ernstlicher warnung das er sich ein ander mal hüten, und solcher onverschampten sachen abston solle.

Niclaus Im Hoff Notarius subscripsit

Thoubhüsslj - 3 ° Peter Gyola von Elen, Peter ° Bursey von Wallier, uss Bern pieth und ° Hans Martj von Zëllen, zwüschen Losanna und Bëtterlingen glegen.

Dise dry starcken jungen, sindt nechten uff dem Kolenberg er gryffen und by Peter Bursey ein karten spyl funden desshalben sy ins Thoubhüslin gleyt, und uff Mentag den 23 Octobris ditz 64 jars, mit gmeyner urphet, gnediglichen wider ussglossen, habent dorby ouch sampt und sonders geschworen das sy sich von statt und landt Basell hinweg thuon, und darin onerloupt nit wider kommen sollen, by peen der ruoten und dess halsysens.

Niclaus Im Hoff Notarius subscripsit

° Cuonrat Müller von Zofingen zuo Grossen Hüningen sesshafft.

Demnach und er vor ettlichen jaren, Gladj Falkysen selig, dem schmidt bym spittal, ysen procht, die er Bernharten Stehelin ab den redern gschlagen, und syderhar sich gantz argwenig ge halten, das die von Hüningen und Merckt sich erclagen, das sy ir holtz verlieren, das diser ander lüthen zekouffen gebe, wie er dann ouch den würt Zuor Cronen zwey thusent wellen, die nit sin, sonder Jocoben Byrloffs zuo Hüningen gsin, zekouffen geben, doruff diser 14 lb vom würt entpfangen doran im aber nit mer dann 2c wellen worden, wiewol ers seltzam verstrychen hatt wellen. Desshalben er inn gfenck niss gleyt, und uff Mittwochen den 25 Octobris ditz 64 jars noch dem er durch die Syben Herren verhört worden, gnediglichen + wider ussglossen, hatt den innhalt gmeyner urphet, dorby ouch geschworen, das er den würt Zuor Cronen zuo friden stellen, welle, und wann man im wyther biethen wirt, das er gehorsamlich erschynen solle.

Niclauss Im Hoff Notarius subscripsit

Brucker - 1 ° Martin Sprëng der trummenschlacher. Martin Sprëng kommt in einem anderen Urfehdeverfahren vor, siehe Urfehdeeintrag Peter Rietschj der gygenmacher (fol. 22 recto) für anderes Urfehdeverfahren

Alsdann er und Peter Rietschj der lutenmacher, uff Mentag znacht nechstverschynen die Schnyder gassen uffgangen, und der tischmacher, gegen der Genss über, für sy anhin gangen, und einer under inen gsagt, do godt der schwartz zwerg, sind sy miteinandren oneins worden, also das der tuchmacher disen mit einem hobel geworffen, das er an der gassen glegen, und man gmeynt, er were todt, dessen sich der tischmacher was sy im für anloss geben, vor unsren Gnedigen Herren er clagt, ist er übernacht inn gfenckniss gleyt und uff Sontag den 22 Octobris ditz 64 jors, mit gmeyner urphet gnediglichen wider ussglossen, hatt dorby ouch geschworen, das er dess bemelten lutenmachers tag und nachts müssig solle gon.

Niclaus Im Hoff Notarius subscripsit

Thoubhüslin - 1 ° Gallj Müller von Haslaoch, uss dem Küntzger thal

Alsdann er ein eewyb zuo Almsswyler hatt, ein zytlang daselbst gwont, ettwan hie bëttlet, und als im ein all muossen vor Meister Hans Leyderers huss worden, hatt er sich nit wellen ersettigen lossen, sonder mehr wellen haben, ist aber dermassen vollen wyns gsin, das er kum hatt ston können, desshalben er ins Thoubhüslin gleyt und uff Mittwochen den ersten Novembris ditz 64 jars, mit gmeyner urphet, gnedig lichen wider ussglossen, hatt darby ouch geschworen das er sich von statt und landt Basell hinweg thuon, und darin oner loupt, nit wider kommen solle, by peen des halsysens und der ruoten.

Niclaus Im Hoff Notarius subscripsit

Köferlj - 1 ° Peter Rietschj der gygenmacher Peter Rietschj kommt in einem anderen Urfehdeverfahren vor, siehe Urfehdeeintrag Martin Sprëng der trummenschlacher (fol. 22 recto) für anderes Urfehdeverfahren

Demnach er und Martin Spreng der trummenschlacherMartin Spreng kommt in einem anderen Urfehdeverfahren vor, siehe Urfehdeeintrag Martin Sprëng der trummenschlacher (fol. 22 recto) für anderes Urfehdeverfahren, by nacht die Schnyder gassen uff gangen, und der tischmacher, gegen der Genss über, vor inen anhin gangen, und einer under inen gsagt, do godt der Schwartz Zwerg. Also das der tisch macher mit worten an sy kommen, und mit einem hobel den trummenschlacher geworffen, das er an der gassen glegen, und man nit anderst gmeynt dann er sige todt, und diewyl inn den der bemelt gygenmacher ein rappier erwütscht, so des trummenschlachers gsin, und gegen den tischmacher zuom huss inhin noch gehouwen, und ouch sonst übel husshaltet Anno 1566 den 23. Sept. ward uf Peter Dietschis des gigenmachers un dertänigs piten, erkant und ime dz gwertLesung unsicher sin ee ren Zunft, desglichen beder schützengeselschafften so er mit andern burgern schiessen will, widerumb erlaupt und zuglassen ⊕ ⊕ + mit dem underscheidt das er sich des Spilenz müssigen solle

Substitut subscripsit

Gott lestert, und wider sin vordrige urphet nachts uff der gassen umbher zücht, ist er inn gfenckniss gleyt und als er für der tischmachers huss gfürt worden, hatt diser geredt, er liege wie ein schelm und dieb, nochdem und aber er durch die Syben Herren verhört, hatt man in uff Mittwoch den ersten Novembris ditz 64. jars mit gmeyner urphet gnediglichen wider ussglossen, dorby er ouch geschworen, das er all zünfft und gsellschaften, würtz wyn und kochs hüser, ouch die Schützenmatten und den platz myden, ninen anderswo dann doheymen inn sinem huss essen und trincken solle, und darzuo weder tags noch nachts kein gwer by noch an im tragen solle, dann allein ein abbrochen brotmesser ouch sine vordrigen urpheten stet und vest halten solle hiemit er ouch sich bekannt hatt, das er vom tischmacher nützit anders dann alle eer, liebs und guots wüsse, doch so er vermeyne, ettwas ansprach an den tischmacher zehaben, so möge er gegen imme das recht bruchen. Mit dem anhang wo er disen eydt übertretten, werde man inn von statt und landt Basell verwyssen.

Niclaus Im Hoff Notarius subscripsit

Uolj - 1 ° Hans Oltinger der huofschmidt.

Alsdann Caspar der stattknecht inn verruckten jaren by nacht, inn einen schenckell verwundet worden, und diser inn kurtzen tagen uff dem Richthus im Stüblj gsessen, und an bemelten Caspar geroten, wenn er im sin rebmesser wider gebe, wie im wäre, wenn er im die wynstrass wyther gmacht hätte, und damit im tröwt, habe den andren schenkell ouch zerverletzen, dessen dann sich der stattknecht vor unsren Gnedigen Herren erclagt, ist dardurch in argwon uff bemelten Hans Oltinger gfallen als ob er nit wyth darvon gsin sige, wie der stattknecht gschediget, desshalben er umb diser und anderer ursachen wegen, das er sin vor vordrige urphet, gar wenig ghalten inn gfenckniss gleyt, und uff Mittwochen den ersten Novembris ditz 64 jors nochdem er durch die Sybenherren verhört, gnediglichen wider ussglassen, hatt den Innhalt gmeyner urphet dorby ouch geschworen, das er all zünfft und gsellschafften würtz, wyn und kochshüser myden kein gwer by noch an im tragen, sonder sin urphet stet und vest halten solle, mit der ernstlichen vermanung, wo er sin vordriger urphet, inn einem oder andren articklen übertretten, werde er on alle gnad von statt und landt Basel verwyssen.

Niclaus Im Hoff Notarius subscripsit

Uolin - 2 ° Ruodolff Heydtund ° Efrosina Meygerin, beyde von Nyderdorff

Die Herren Eerichter habent bemelten Ruodolff Heydt umb 5 lb gstrofft und dry tag inn gfenckniss, so dann Efrosina allein übernacht + ingleyt, von wegen das Ruodolff iren zwen tolchen uff die ee geben, als sy anzeigt und nochmolen ein andere gnomen und dise sach stëcken lossen, sindt uff Donstag den andren Novembris ditz 64 jors, mit gmeyner urphet, gnediglichen wider usglossen.

Niclaus Im Hoff Notarius subscripsit

Veldtbach - 1 ° Bastean Reller der todtengreber

Dennoch und er vor ettlichen jaren von statt und landt verwyssen und nochmalen wider begnadet, hatt er sich gegen dem obersten knecht Heinrichen Brucker ongebürlichen ghalten im under ougen inn bysin dess vogts gseyt, er sige nit sin herr, er habe im nützit zepieten, und andere tratzliche wort tryben, und wie er vermerckt das man in wellen inlegen hatt er sich an einer stangen zuom hus uss, herab glossen sich darvon gemacht, als er aber yetzt wider harin kommen hatt in der oberst knecht inn Wasserthurn legen lossen, und uff Mentag, den sechsten Novembris ditz 64 jars mit gmeynder urphet, wider ledig glossen, dorby er ouch geschworen hatt, das er sich von statt und landt Basell hinweg thuon, und onerloupt, nit wider har in kommen solle, dann sin frow dem bettelvogt als sy mit im uneins gsin, ein trunck geben, so er uff sin letst endt behalten hatt, das er desselben truncks gestorben.

Niclauss Im Hoff Notarius subscripsit

Brucker - 1 ° Onimus Felber der schindler von Basell

Alsdann er uff Sant Albans thurn, hatt sollen wachen ist er uff der wacht entschloffen, also das sin gsell, die thüren beschlossen funden, und wieder hinweg hat müssen, das die wacht nit versechen gsin. Desshalben er übernacht inn gfenckniss gleyt, und uff Zinstag den 7 des Novembris, ditz 64 jars, mit gmeynder urphet gnediglichen wider usglossen. Und im darby anzeigt, das er hinfürter bas sorg solle haben.

Niclaus Im Hoff Notarius subscripsit

Toubhüslin - 1 ° Cristhion von Remundt, ein gmeyne Mëtz

Ist im wynhuss Zuor Lynden fundenEnde des Wortes schlecht lesbar worden, und ins Toubhüslin gleyt, und uff Mittwochen den achtisten Novembris ditz 64 jars mit gmeynder urphet gnediglichen wieder usglossen, hatt dorby ouch geschworen, das sy sich von statt und landt Basell hinweg thuon und nicht wider kommen solle, by peen des halsysens und schwemmens.

Niclaus Im Hoff Notarius subscripsit

Köferlj - 1 ° Barbell Gyr von Basell genannt Prouiserlj

Demnach und sy vormalen von statt und landt Basell verwyssen und uff etlicher fürsten fürpitt gnediglichen wider harin glossen, hatt sy sich syderhar dermossen argwenisch ghalten das sy vor einem jar befolchen worden inzelegen und besonders diewyl sy kurtzlichen, inn des Landowers huss, by nacht, als derselb nit anheimsch gsin, by etlichen stein metzen gsessen, ein söllichs leben tryben, das die nochburen darüber geschruwen, ist sy gfencklichen angnommen und uff Mentag den 13 Novembris ditz 64 jars mit gmeiner urphet gnediglichen wider usglossen, hatt dorby ouch gschworen das sy sich von statt und landt Basell hinweg thuon und darin onerloupt nit wider kommen noch sich finden lassen solle, by peen des halsysens und schwemmens.

Niclaus Im Hoff Notarius subscripsit

Thoubhüslj - 2 ° Margreth Kellerj von Münster uss Lutzern pieth und Margreth ° Neserj von Bern

Dise zwo gmeynen metzen, sindt von ires onerloupten, erger lichen lebens wegen, ins Toubhüslin gleyt, und uff Mentag den 13 Novembris ditz 64 jars, mit gmeynder urphet gnediglichen wider ussglossen habent dorby ouch sampt und sonders geschworen, das sy sich von statt und landt Basell hinweg thuon, und darin onerloupt nit wider kommen sollen, by peen des halsysens und schwemmens.

Niclaus Im Hoff Notarius subscripsit

Köferlj - 1 ° Hans Jocob Meyger der messerschmidt Hans Jocob Meyger kommt in anderen Urfehdeverfahren vor, siehe Urfehdeeinträge Hans Jocob Meyger der messerschmidt (fol. 31 recto), Hans Jocob Meyger der messerschmidt von Basell (fol. 35 verso) und Hans Jocob Meyger der messerschmidt (fol. 58 verso) für andere Urfehdeverfahren

Diewyl er sin wacht nit versechen, sonder einem frömbden crämer gwacht, und unserer Gnedigen Herren wacht, hindan gesetzt, ist er inn gfenckniss gleyt, und uff Donstag den 16 Novembris ditz 64 jors, mit gmeyner urphet gnediglichen wider ussglossen, und im dorby anzeigt, das er hinfürt bass sorg solle haben, und sin wacht versechen solle.

Niclaus Im Hoff Notarius subscripsit

Köferlj - 1 ° Ludj Murer von Salin zuo Vischingen dienend

Alsdann er uff gestrigen tag, zuo Sant Blesins thor uss, mit einem karren wellen faren, und der thorwechter, dem zedell nochgfrogt, hatt diser im geantwort, er gehöre dem zoller uff der Wysenbruck als aber der torwechter den zedel han wöllen, hat disser mit groben worten gseyt, se wüsch den hindern doran. Desshalben er inn gfenckniss gleyt und uff Sambstag den 18 Novembris ditz 64 jors mit gmeynder urphet gnediglichen wider ussglossen, und im darby + anzeygt, das er hinfürter den torwechtern besseren bescheidt und bericht geben solle, oder es werde im ein straff zuor andren kommen.

Niclauss Im Hoff Notarius subscripsit

Brucker - 1 ° Claus Ecklin von Vischingen

Alsdann er uff gestrigen tag, LudjMurer Ludj Murer kommt in einem anderen Urfehdeverfahren vor, siehe Urfehdeeintrag Ludj Murer von Salin zuo Vischingen dienend (fol. 23 verso) für anderes Urfehdeverfahren hieuor geschriben uff dem karren gsessen, und der torwechter under Sant Blesins thor, dem zedell nochgfrogt, und mit worten an bemelten Ludj Murer kommen, ist diser glych uffgejuckt sin rapier erwütscht, und gsagt Gotz sacrament, es hatt mirs vor ouch ein torwechter thon, inn dem hatt einer, diesem das rapier erwütscht. Und also gfencklichen angnommen, ist uff Sambstag den 18 Novembris ditz 64 jors mit gmeyner urphet gnediglichen wider ussglossen, doch ist im dorby anzeigt das er hinfürter, so er uss oder in reysset, den torwechtern besseren bescheidt geben solle, oder es werde ein straff zuor andren wachssen.

Niclaus Im Hoff Notarius subscripsit

Köferlj - 1 ° Lorentz Luoderer der küfer inn mindren Basell Lorentz Luoderer kommt in anderen Urfehdeverfahren vor, siehe Urfehdeeinträge Mathys Kienlj der seyler von Pfortzheim, bürger inn mindren Basell, und Ursula Brunschwylerj von Basel sin eefrow (fol. 29 recto) und Lorentz Luoderer von Derringen, uss einem dorff by Brëtten glegen, der küffer (fol. 29 verso) für andere Urfehdeverfahren

Demnach und er Herren Schultheiss und den amptlüthen inn mindren Basell, als ein crämer, by im abgangen etwas ver hallten und nit anzeigt. Ouch nochmalen gon Crentzach gangen, ettwas mit im under dem rock getragen, doselbst zert und die ürten uffgeschlagen, überhin gon Wyl gangen und wie er wider harin kommen, soll ettwas gelts by, im gsechen sin worden. Als ouch Meister Jacob Göbelin zwen sylberin becher verloren, desglichen zuo Sant Claren ettlich garn und tuoch entwert. Ist er verlümbdet und im zyg gsin, als ob er solcher sachenhalb wüssens hette, desshalben gehört hatt man die sach zuo diser zyt beruowen lossen, und in uff Mentag den 27ten Novembris ditz 64 jars, mit gmeyner urphet wider ledig gelossen, und im dorby an zeigt, das im das recht gegen Mathyssen Kienlj, dem seyler, uffthon solle sin, und das man im hierob fürder lichen das recht ergon werde lassen.

Niclaus Im Hoff Notarius subscripsit

Köferlj - 1 ° Gerolt Wachter der gwandtman

Dorumb das er inn der mëss nit selbs gwacht, sonder mit lonwechteren die wacht versicht, und ouch syderhar umb kein warnung geben, wann man im schon, ein mol oder drü, die lonwechter wider zuom huss gschickt, ist er übernacht inn gfenckniss gleyt, und uff Zinstag den 28 Novembris ditz 64 jors, mit gmeyner urphet gnediglichen wider + ussglossen, und im dorby anzeigt, das er hinfürt, wann die wacht an in kompt, sich nit sperren noch wyderen solle, selbs zewachen.

Niclaus Im Hoff Notarius subscripsit

Köferlj - 1 ° Barthlin Hertzig der küffer

Demnach und er vormalen von statt und landt Basell dry myl wegs hinweg geschworen, ist er über denselben eydt fräfenlich onerloupt wider harin kommen. Desshalben er gfenklichen angnommen, und uff Mittwochen den 29 Novembris ditz 64 jors gnediglichen wider usglossen, hatt den innhalt gmeyner urphet, darby ouch geschworen, das er sich den nechsten vom Thurn, dry myl wegs, schyben wys von Basel hinweg thuon, und darin onerloupt niemer mer kommen noch sich finden lassen solle, dann wo er disen eydt, wie vormal übertretten, werde es im an sinem lyb zeschwer werden

Niclauss Im Hoff Notarius subscripsit

Brucker - 1 ° Marx Eschj der zymerman burger inn mindren Basell.

Demnach und er zwen und zwentzig flötz holtz, uff dem Rhyn kouft, dieselben dem Graffen von Liechteneck zuofüren wellen, und hiemit wider die holtzordnung ge handlet, ist er für ein ersamen rhat beschickt und nochdem die ordnung verhört, hatt man in umb 10 lb gestrofft und übernacht inn gfenckniss gleyt, ist uff Sontag den dritten Decembris ditz 64 jars, mit gmeyner urphet die er geschworen, gnediglichen wider ussglossen, und im dorby anzeigt, das die Lonherren,das holtz zuo unserer Gnedigen Herren Büwen, zuohanden nemmen, und im sin gelt erlegen werden, wann er ouch hinfürt buw holtz uff dem Rhyn kouffen welle, so solle ers denen die darzuo verordnet abkouffen.

Niclaus Im Hoff Notarius subscripsit

Thoubhüslj - 1 ° Peter Schürer der wollweber

Diewyl er uff Sontag nechstverschynen zuo Wyl sich mit wyn dermossen überladen, das er uff den oben wie er heym wellen gon, vor der kilchthüren im Münster nider gfallen, ist er ins Thoubhüslin gleyt, und uff Mittwochen den 6ten Decembris ditz 64 jors mit gmeyner urphet gnediglichen wider ussglossen, und im darby mit allem ernst anzeigt, wo er sich wyther also mit trunckenheit übersechen, werde man im ein stroff zuor andren mëssen.

Niclaus Im Hoff Notarius subscripsit

Uolj - 1 ° Ruprecht Eichlj der stattknecht.

Alsdann er von Hanssen Lamparter dem rebman, ein huss inn Sant Albans vorstat, ab, entpfangen, hatt er dermassen liederlichen und unsorgsam hussgehalten, das sollich huss verwarloset und verbrennt worden, dess halben er inn gfenckniss gleyt und uff Sontag den 10 des Decembris ditz 64 jors gnediglichen wider ussglossen, hatt den innhalt gmeyner urphet darby ouch geschworen, das er sich onerloubt von der statt nit hinweg thun, sonder mit werckhen sich dermassen halten und tragen, das er sin frow und kindt dardurch erhalten werdenn, das er ouch die stroff des brandts, unssren Gnedigen Herren bezalen solle.

Niclauss Im Hoff Notarius subscripsit

✤die nüwe zal 1565

Köferlj - 1 ° Hans Keller von Riehen

Demnach und er inn verruckter zyt von wegen das er sine urpheten übersechen, dieselb kein stundt nie gehalten, sonder im würtzhuss glegen zefüllen, und zetëmpffen, inn gfenckniss befolchen zelegen, hatt er sich geüssert und ein zytlang hinweg thon, und als er yetzt wider anheimsch kommen, hatt er sich den nechsten wider ins würzhuss thon, und doselbst mit Pollj Zymermann, ein nüwen lerman angfangen, desshalben er inn gfenckniss gleyt und uff Mittwoch den 27 Decembris ditz 64 jars mit gmeyner urphet gnediglichen wider usglossen, hatt darby ouch geschworen, das er nit uss dem dorpf Riechen noch uss unserer Gnedigen Herren pieth wandlen solle, das er ouch die würtz und wynhüser myden und nienen anderswo essen oder trincken solle, dann daheymen inn sinem huss by siner frowen, es ist ouch im mit allem ernst anzeigt worden, wo er disen eydt übertretten, werde man in für recht stellen und im sin recht ergon lassen.

Niclaus Im Hoff Notarius subscripsit

Brucker - 1 ° Hans Gasser von Trotticken uss der graffschafft Kyburg, Züricher phiet der schnyder Hans Gasser kommt in einem anderen Urfehdeverfahren vor, siehe Urfehdeeintrag Hans Gasser von Trotticken uss der graffschaft Kyburg Züricher pieth ein schnyder (fol 33 recto) für anderes Urfehdeerfahren

Diewyl und er uff den Nüwen Jars tag nechtstverschynen über das inn allen zünfften durch herren Rhatsher Meister und Sechs, mit allem ernst anzeigt, das sich die zunfftbrüder nit übertrinken, sonder still und friedsam halten sollen, hatt er sich dermossen mit wyn überladen un ein sollich ongestüm wessen gfürt, das man in inn das gwelb uff der zunfft legen müssen, biss man die wechter gereicht die in inn gfenckniss gfürt. Ist uff Mentag den 8 Jenners ditz 65 jars mit gmeiner urphet gnediglichen wider ussglossen. Darby er ouch geschworen hatt, das er sich hinfürt uff zünfften, gesellschafften oder inn winhüseren dermassen still und wol halten und tragen, das kein wythere clag von im komme, dann er ernstlichen gewarnet, wo er sich + wyther also ungeschickt halten, oder gegen siner eefrowen mit schlachen und stossen onfridsam leben, werde man in von statt und landt verwyssen.

Niclauss Im Hoff Notarius subscripsit

Brucker - 1 Köferlj - 1 ° Peter Bunder und Anthonj Bunder von Pressmell ° gebrüder die steinmetzen

Alsdann sy mit ettlichen landslüthen zoben zert, und sy Meister Daniel Hëntz den steinmetzen inn Eschamer Vorstat antroffen, haben sy mit im angfangen zewörtlen, biss sy hinden Zuom Lufft kommen, sindt sy über inn geroten, und innsonderheit als Peter Bunder, ein zollstecken inn henden tragen und die andren werloss gsin, hatt er den zollstecken uff im zerschlagen, und bemelten Daniel ein loch inn kopff gschlagen, desshalben sy beydt inn ge fenckniss gleyt, und uff Mittwochen den 10 des Jenners ditz 65 jars, mit gmeyner urphet gnediglichen wider ussglossen, habent darby ouch sampt und sonders geschworen, das sy bemelten Daniel Hentz den costen schaden und schmertzen abtragen sollen, und so sy vermeynen das er sy mit worten ongebürlichen antastet habe, mögen sy mit im das recht pruchen, innsonderheit diewyl Anthonj Bunder, mit siner eefrowen übellept, und wann Meister Hanss der werkmeister mit sinen gsellen, für inn anhin zücht, vermupfft und veracht er sy, mit spetzwörtlinen und sagt, do gondt die steinmetzen, ist im anzeigt, das er mit siner eefrowen anderst dann bisshar leben und das Meister Hanssen den werkmeister, onveracht solle lossen, sich der spetzwörtlinen müssigen und abthun solle.

Niclauss Im Hoff Notarius subscripsit

Thoubhüslj - 1 ° Hans Gutzwyler von Obren Steinbaum.

Alsdann er uff gestrigen oben Meister Lienharten Strub, zinss procht, und im nach dem nachtessen ein liecht inn die hendt geben als er by einem siner fründen über nacht wellen ligen, ist er den wechtern inn die hendt kommen, nützit reden wellen, sonder truncken gsin hatt man in ins Thoubhüslin gleyt, und uff Fritag den 12 Jenners ditz 65 jars, mit gmeyner urphet, gnediglichen wider ussglossenn.

Niclaus Im Hoff Notarius subscripsit

Brucker - 1 ° Jocob Sylberberg

Demnach zwüschen im und Anna Zysell, ein urtell vor 28 joren durch die Herren Eerichter ussgangen, das er sy solte zuo kilchen und strassen füren, hatt er dieselb urtell nye erstattet, sonder inn wyndt geschlagen, sich vonn der statt geüssert, vylerley seltzamer reden lossen ussgon, als ob die Herren Eerichter nit recht geurteylt hettenn desshalben er gfencklichen angnommen und viertzig, gulden im zuor stroff uffgleyt worden. Ist uff Mittwochen den 24 Jenners ditz 65 jars mit gmeyner urphet gnediglichen wider usglossen, hatt darby ouch geschworen das er sich doheymen inn siner behusung innhallten und nit usswandlen welle, dann allein solle er zum wort Gottes gon, und von der Predig sich wider heym verfügen hieby hatt er ouch sich bekannt, das die urtell, wider die er sich + gesetzt, durch die herren Eerichter, wol und Göttlich usgesprochen sige, er habe inen onbillicher wyss die reden, so er habe lassen ussgon zugemessen, wüsse von denselben herren Eerichtern nützit anders dann alle eer, liebs und guts ze sagen.

Niclaus Im Hoff Notarius subscripsit

Köferlj - 1 ° Gladj Schwarz von Oumon uss einem dorff by Losanna

Alsdann zu Rynnenberg ein spycher ufgeprochen worden und einer genant Gladj Ror von RollGladj Ror von Roll kommt in einem anderen Urfehdeverfahren vor, siehe Urfehdeeintrag Gladj Ror von Roll, ein kannengiesser (fol. 26 recto) für anderes Urfehdeverfahren, gfencklichen angnommen, und diser gsellschafft zu im ghept, und demselben zween dick pfennig gelychen, ist er ouch inn gfenckniss gleyt. Nochdem er aber durch die Syben Herren examiniert, hatt man in uff Sambstag den 27 Jenners ditz 65 jars, mit gmeyner urphet gnediglichen wider ledig glossen, hat darby ouch geschworen, das er sich von statt und landt Basell hinweg thun und darin onerloupt niemermer kommen solle.

Niclaus Im Hoff Notarius subscripsit

Köferlj - 1 ° Hans von Corsimu by Losanna glegen

Diser junger ist uff Mentag verschynen den Riehenberger inn sin mülj, inn die cameren gangen, im ein wambest und ein par hosen gstolen, desshalben er inn gfenckniss gleyt, und uff Sambstag den 26 Jenners ditz 65 jarsFehler seitens des Schreibers, korrekt wäre Samstag 27. Januar 1565. mit gmeyner urphet gnedig lichen wider usglossen, hatt darby ouch geschworen, das er sich von statt und landt Basell hinweg thun, und darin onerloupt niemer mer kommen solle, oder man werde im sin recht ergon lassen.

Niclauss Im Hoff Notarius subscripsit

Köferlj - 1 ° Gladj Ror von Roll, ein kannengiesser Gladj Ror kommt in einem anderen Urfehdeverfahren vor, siehe Urfehdeeintrag Gladj Schwarz von Oumon uss einem dorff by Losanna (fol. 26 recto) für anderes Urfehdeverfahren

Demnach zuo Rynnenberg ein spycher uffgeprochen worden, und by disem 24 ellen tuoch, vier ellen zwilch funden, ist er gfencklichen angnommen, als er aber duch die Syben Herren examiniert und diser anzeigt als er von Sissach gon Liechstall wellen gon, habe er solche stuck, einem jungen gsellen uss Burgundt, so ein frowen by im ghept, under einem nussbaum abkoufft, hatt man in mit gmeyner urphet gnediglichen wider ussglossen, uff Sampstag den 26 Jenners ditz 65 jarsFehler seitens des Schreibers, korrekt wäre Samstag 27. Januar 1565., dorby er ouch geschworen, das er sich von statt und landt Basell hinweg thun, und dorin oner loupt nit kommen solle, oder man werde im sin recht ergon lassen.

Niclauss Im Hoff Notarius subscripsit

Thoubhüslj - 1 ° Franz Bur von Kouffbüren der todtengreber.

Diewyl er vyl starcken unnützen lüthen uffenthalt und herberg gibt ist er inn gfenckniss gleyt und uff Sambstag den 10 Hornungs ditz 65 jars mit gmeyner urphet wider ussglossen und im anzeigt das er hinfürt sollich jung starck lüth nit beherbergen solle.

Niclaus Im Hoff Notarius subscripsit

Köferlj - 1 Brucker - 1 ° Lienhart Burckhart der stempffer ° und Hans Schygenmüller der müller zu Rymmelins mülj.

Als dann der Hinder Byrsick den burgeren inn die hüser und keller gloffen und Meister Lienhardt Gebhart sy zu red gstellt haben sy mit ettlichen ongeschickten ruchen worten und schwüren, bemelten Meister Lienharten antastet, und besonders Lienhart Burckhart geredt, er dencke wol das er nit so ein grosser Hanss gsin, das er kürfner plätzli zesammen gsetzt habe. Sindt sy beydt inn gfenckniss gleyt, yeder umb 5 lbgestrofft, und uff Zinstag den 30 Jenners ditz 65 jars, mit gmeyner urphet gnediglichen wider uss glossen, und inen darby anzeigt, das sy hinfürt iren Oberherren inn besseren eeren halten und anderen bescheidt geben sollen, dess glichen solle bemelter Lienhardt Burckharten wann die werme kompt die landtveste mit tylen vermachen, und wann er die fleckling uff der bruck by sinem huss uffhept, das er sy wider eben, niderlegen, solle.

Niclauss Im Hoff Notarius subscripsit

Thoubhüslj - 1 ° Mathis Fry von Collmar ein todtengreber

Diewyl er über alle warnung liederlichen jungen starcken gsellen herberg geben, und als er einem ein beschlagen messer abgschwetzt und dasselbig der vogt von im begert, hatt er im dasselb nit geben wellen, sonder versetzt. Desshalben er inn gfenckniss gleyt und uff Sambstag den 10 des Hornungs ditz 65. jars mit gmeyner urphet, gnediglichen wider ussglossen, hatt darby ouch geschworen, das er sich von statt und landt Basell hinweg thuon und darin onerloupt nit kommen solle, by peen des meineydts.

Niclauss Im Hoff Notarius subscripsit

Köferlj - 1 ° Heinj Münch von Grosen Hüningen

Demnach und er inn Jost Brendlins huss gsessen zetrincken und nachmalen mit im zu unfriden kommen, in usshin gevordert und über das der handell gestillet, hatt er sich weder zum tisch wollen setzen. Desshalben er inn gfenckniss gleyt, und uff Sambstag den 10 des Hornungs ditz 65. jars, mit gmeyner urphet, gnediglichen wider ussglossen, hatt darby ouch geschworen, das er dess ober vogts willen behalten solle wann er inn darob anlangen wirt.

Niclaus Im Hoff Notarius subscripsit

Uoji - 2 ° Othilia Steinerj und ° Hans Steygerder seyler

Die Herren Eerichter haben sy zwen tag und zwo necht inn gfenckniss legen lossen und die bemelte Öthilia umb 20 gulden gstrofft, darumb das sy sich etlicher gstalten mit bemelten Hanssen Steiger, der eehalben inglossen, und nochmalen als er nit an heimsch gsin, sich mit Steffan Summeryssen dem schmidt, ver hürrathet, und den ersten handell, ongerechtfertiget plyben lossen, biss die sach lutprecht worden, das man iren ans eegericht verkündet, so dann diewyl gedochter Hanss Steyger den + handell ouch beruowen hatt lossen, biss im für gericht ge potten, hatt er erst sin clag gegen iren ingefürt, und darvor sin jungfrowen inn huss gnommen, ist er umb 10 gulden ge strofft, sindt beyde uff Mittwochen den letsten tag Jenners ditz 65 jars, mit gmeyner urphet gnediglichen wider ussglossen.

Niclaus Im Hoff Notarius subscripsit

Uolin - 1 Brucker - 1 ° Michel Meyger von Stein ein karrer knecht und ° Margreth Kellerj von Elcken

Die Herren Eerichter haben sy inn gfenckniss zwen tag und zwo necht lossen legen, von wegen das sy schympflich mit der heyligen ee umbgangen, und schnuory getryben, yedes umb zwen gulden gestrofft und uff Mittwochen den letsten tag Jenners ditz 65 jars mit gmeyner urphet gnediglichen wider ledig glossen.

Niclaus Im Hoff Notarius subscripsit

Uolin - 1 ° Elsbeth Scholl von Bencken

Die Herren Eerichter haben sy zwen tag und zwo nëcht inn gfenckniss legen lossen, und umb 5 lb gestrofft von wegen das sy an Bastean Küng von Stuotgarten irem eeman brüchig worden, ist uff Donstag den 8ten Hornungs ditz 65 jars mit gmeyner urphet gnediglichen wider ussglossen.

Niclaus Im Hoff Notarius subscripsit

Köferlj - 1 ° Dietrich Dietz von Moltzen by Schlettstatt, ein haffner.

Alsdann ettlich seckell abgehowen worden, und dieser umb einandren müssig gangen, ist er by der andren Brotlouben, gfenklichen angnommen, und nochdem er durch die Syben Herren verhört, er aber onschuldig erfunden, hatt man in uff Mentag den 7ten Hornungs ditz 65 jars, mit gmeyner urphet gnediglichen wider ledig glossen, und im darby anzeigt, das er sinem handtwerck nochziechen möge, und böser gesellschafft müssig gon solle.

Niclaus Im Hoff Notarius subscripsit

Köferlj - 1 Junckher Hans ° Heinrich Münch von Löwemberg

Demnach und er innerthalb dem zollhuss, der Wysen Bruck uff fryger strass, mit ongeschickten worten und schwüren an einen furmangeroten also das sy über einandren zuckt und zesamen geschlagen, und wiewol der furman im, für und für das recht anpotten hatt er über dasselb mit schwüren gsagt, er welle im das recht geben, und imselben den furman verwundet. Diewyl er ouch + noch sollichem by nechtlicher wyl, mit einem siner gsellen, für unserer Gnedigen Herren zollhuss an der Wysen bruck, mit lesterlichen schwüren und worten kommen, man solle uffthun und sy inlossen, und als der zoller im geantwort, es sige do kein würtzhuss, sondern ein zollhuss, hatt er über dasselb mit einem ploch, so vor der thüren glegen, das zollhuss mit gwallt understanden uffzelouffen, und ein sollich ongestüm wessen ghept das der zoller nit gwüsst, ob er lybs oder lebens sicher sige. Dessglichen diewyl er inn den herbergen wann er trinckt, sich etlicher ongebürlicher schmütz und schmechworten wider die Eydt gnossen hören losst. Ist er inn gfenckniss gleyt, und wiewol unser Gnedig Herren sinem verdienen noch, inn hertenglichen herten stroffen mögen und für recht stellen, so haben sy doch dasselbig umb sines vatters und siner voreltern willen, die sich gegen einer statt Basell, früntlich gehalten, underlossen, und die rüche des rechtens fallen lossen, und in uff Mentag den 12 Hornungs ditz 65 jars, gnediglichen wider ledig gelossen, hatt den innhalt ge meyner urphet, dorby ouch geschworen, das er biss Sambstag nechstkünfftig 20 gulden zuo Wort unleserlich stroff unsren gnedigen herren, ans brett erlegen und hinfürter sollicher mutwilliger böser hëndlen abston, dann wo er sich wyther inn einem oder andren derglichen lichtfertigen sachen übersechen, werde man ein grösere und höchere stroff gegen im fürnemmen.

Niclauss Im Hoff Notarius subscripsit

Brucker - 1 ° Junkher Sigmundt von Pfirt dess thuomprobsts son

Demnach und er nachts zu unzyten mit der luten uff der gassen umbher zogen, und her Thoman Berfalck des Predicanten seligen gelossner wittfrow, vor irem huss, mit einer stangen, ein loch inn ein gätter gestossen. Desshalben die frouw im huss angfangen zeschryen, und vermeint man welte iren ins huss stygen und nachmalen dem doctor Bratarol, unden am huss ein fenster so er mit bappyr vermacht zerryssen und im an die thüren gestossen, dessen sy sich erclagt haben ist er inn gfenckniss gleyt umb 10 lb gestrofft und uff Donstag den 15 Hornungs, ditz 65 jors, mit gmeyner urphet gnediglich wider ledig glossen, hatt dorby ouch geschworen das er die bemelt stroff, biss Sambstag nechstkünfftig ans brett überantworten wolle und hinfürter sich sollicher mutwilliger sachen müssigen, und sich anderst halten und tragen solle dann bisshar, damit im nit ein schwerere stroff uff den hals wachsss, dessglichen ist im ouch an zeigt das er sich mit cleydren burgerlicher wolle erzeigen und halten.

Niclaus Im Hoff Notarius subscripsit

Uolj - 1 ° Honorius Werste matus von Plur uss den Pünthen herrn Thuomprobsts tischgenger.

Diewyl er by nechtlicher wyl obgenantem Junckher Sigmundten von PfirtJunckher Sigmundten von Pfirt kommt in einem anderen Urfehdeverfahren vor, siehe Urfehdeeintrag Junkher Sigmundt von Pfirt dess thuomprobsts son (fol. 27 verso) für anderes Urfehdeverfahren geholffen, hern Thoman Berfalcks seligen, gelossner wittfrow das gätter vor dem huss zerstossen und dem doctor Bratarol ouch dem guotfercker Frantz de Insula wider die thüren gestossen und mutwylen angericht, ist er dry tag und dry necht inn gfenckniss glegt + gleyt, umb 10 lb gestrofft, und uff Sontag den 18 Hornungs ditz 65 jars, mit gmeyner urphet gnediglichen wider ledig gelossen, hatt dorby ouch geschworen, das er die bemelt stroff biss Sambstag nochstkünfftig ans bret überantworten wolle und wouerr er hie wonen, das er sich nachts by zyten ab der gassen thun solle.

Niclaus Im Hoff Notarius subscripsit

Uolj - 1 Brucker - 1 ° Samuel Trefftz und ° Christhion Iselj von Muttentz

Die Herren Eerichter haben sy inn gfenckniss legen lossen , den bemelten Samuel umb 10lb und Cristhion umb 5 lb gestrofft , von wegen der schnuory so sy miteinandren getryben sindt uff Mittwochen den 14 Hornungs diz 65 jars mit gmeyner urphet, gnediglichen widerusglossen.

Niclauss Im Hoff Notarius subscripsit

Brucker - 2 Uolj - 1 ° Heinrich Schuoler von Bonfold by Bruntrut ein tröscher ° Hans Horhans von Rystatt ein myl under Strasburg glegen , ein zieglinknecht , und ° Michel Hans von Lor uss Burgundt ein tröscher

Alsdann diser zyt, den wybren vyl seckell abgehouwen werden, und sy hie umb einandren müssig zogen, sindt sy inn ein argwon gfallen, desshalben sy gfencklichen angnommen nochdem und aber sy durch die Syben Herren verhört worden und onschuldig erfunden, sindt sy uff Mittwoch den 14 Hor nungs ditz 65 jors, mit gmeyner urphet die sy sampt und sonders geschworen wider ledig glossen, und inen anzeigt, das sy wercken sollen und sich vor böser gesellschafft hüten.

Niclauss Im Hoff Notarius subscripsit

Köferlj - 1 ° Claus Dietler, so ein stattknecht gsin

Demnoch und er sich vor einem jar, on unserer Gnedigen Herren dienst hinderrucks und onerloupt der oberkeit, hinweg zuor statt uss thon, sich geüssert und uff dem landt, umb die statt harumb zogen und yetzt onerloupt mit einer fürgeschrifft von einem Ersamen Rhat zuo Liestall wider harin kommen , ist er inn gfenckniss gleyt , und uff Mitt woch den letzten Hornungs ditz 65 jars gnediglichen wider usglossen, hatt den innhalt gmeyner urfphet darby ouch ge schworen, das er sich by morndriger tag zyt, von statt und landt Basell hinweg thuon und darin onerloupt, nit kommen, noch sich finden lossen solle , dann im mit allem ernst, + inn bysin dess obersten knechts und des rhatsknechts anzeig wo er so unthür am im selbs sin, und disen eydt übersechen, also das er zuo statt, oder uff dem landt, inn unserer Gned igen Herren pieth, es sige an welchem ort es welle, betrettenn, werde man in, mit dem schwërt, vom leben zuom todt richtenn.

Niclauss Im Hoff Notarius subscripsit

Uolj - 2 Brucker - 1 ° Moritz Mos, von Ochsenhusen ein zymmermann und Ursula Schmackerj von Basell

Die Herren Eerichter haben sy zwen tag und zwo necht, inn gfenckniss legen lossen , und umb 10 lb gestrofft , von wegen das sy ettwas reden mit dem zymerknecht genant Moritz Moss von Ochsenhusen, der eehalben gehalten und über dasselb mit einem andren zuo kilchen gangen , ist uff Sambstag den dritten tag Merzens ditz 65 jars mit gmeyner urphet gnediglichen wider ledig glossen . So dann ist gedachter Moritz Moss ouch ingleyt und befrogt worden, ob er mit jren zeschaffen ghept habe oder nit, als er aber beharret, und sy dosselben nit abredt sonder gestendig das er by iren ein mol glegen , hatt man in mit gmeyner urphet ouch ussglossen.

Niclauss Im Hoff Notarius subscripsit

Thoubhüslin - 2 ° Blesj Dietschj und Hans Werdenberg ° beydt von Amsswyler

Diewyl uff Sambstag, gegen oben, nechstverschynen , vor des sattlers huss einandren zeüm uff zeüm gsetzt grad oder ungrad gmacht, darnoch mit einem genant Cristan Büglj von Rynach balget , und ein lerman ghept, das die lüth darzuo geloffen als ob er ein merwunder were, sindt sy ins Thoubhüslin gleyt und uff Mentag den 5ten: Mertzens ditz 65 jars, mit gmeiner urphet, die sy sampt und sonder geschworen gnediglichen wider ussglossenn .

Niclauss Im Hoff Notarius subscripsit

Köferlj - 1 ° Esaias Müller, der Müller uss mindren Basell

Demnach und er sich gegen sinem stieffvatter und siner rechten natürlichen muoter gantz ongebürlichen gehalten, ettliche mal zuom stieffvatter gseyt, er solle sin muotter bym hor nemmen und zuo boden werffen. Dessglichen diewyl er mit sinem schwager vyl malen zancket und balget , und als inn die nochburen ettwan gwarnet, hatt er glych sin schwert, oder büchsen wellen reychen und an sy geroten , desshalben er inn gfenckniss gleyt, und uff die Esch mittwochen den 7 des tag Mertzens ditz 65 jors + gnediglichen wider ussglossen, hatt den innhalt gmeyner urphet darby ouch geschworen, das er sich hinfürter dermassen styll und wol halten und tragen solle, das kein wythere clag von im komme, oder man werde in dermassen stroffen, das es im ze schwër sin werde .

Niclauss Im Hoff Notarius subscripsit

Uolj - 1 Brucker - 1 ° Heinrich Berckman der schnyder bürger zuo Basell und ° Wybrandt Crafftin von Sant Gallen

Die Herren Eerichter haben sy beyde inn gfenckniss legen lossen , und yeder umb zwen gulden gstrofft , von wegen der schnuory die sy mitteinandren getryben , das sy bemelten Heinrichen deree angesprochen, und aber sy vorhin ein eeman hatt, so Anthengj Keller von Appenzell heysse der noch inn leben sin soll, sindt uff Mitwoch den 14 Mertzens ditz 65 jars, mit gmeyner urphet gnediglichen wider ussglossen.

Niclauss Im Hoff Notarius subscripsit

Uolj - 1 Brucker - 1 ° Thiebolt Hartmann der würt zuom ° Sylberberg und Margreth Fylistorffin von Fryburg us Üchtlandt

Die Herren Eerichter haben sy beyde inn gfenckniss lossen legen , von wegen irer schnuory, das sy im ein kindt geben wellen dessen er sich gewidert, biss er inn gfenckniss kommen, desshalben er umb 10 lb gstroffft , sindt uff Donstag den 22 Mertzensditz 65 jars , mit gmeyner urphet gnediglichen wider ussglossen.

Niclauss Im Hoff Notarius subscripsit

Brucker - 1 Uolj - 1 ° Mathys Kienlj der seyler von Pfortzheim, bürger inn mindren Basell , und Ursula Brun °schwylerj von Basel sin eefrow .

Demnach und sy, ein gute zyt, vast jor und tag, mit irem nochburen Lorentz Luoderer dem küfer Lorentz Luoderer kommt in anderen Urfehdeverfahren vor, siehe Urfehdeeinträge Lorentz Luoderer der küfer inn mindren Basell (fol. 24 recto) und Lorentz Luoderer von Derringen, uss einem dorff by Brëtten glegen, der küffer (fol. 29 verso) für andere Urfehdeeinträge inn zanck, nyd und hass gestanden einandren gehexet gehuret und diebet und wiewol unser Gnedig Herren vermeynt, diewyl der küffer vormalen inn gfenckniss glegen , sy hetten noch gelossen, sindt sy doch über dasselb wyther gloffen in ver clagt und kuntschafft gestellt. Desshalben sy inn gfenckniss gleyt und fünff pfundt yedes gestrofft und uff Sambstagden 24 Mertzens ditz 65 jors , mit gmeyner urphet gnediglichen wider ussglossen. Habent darby ouch samt und sonders geschworen, das sy die bemelt stroff von hüt über acht tag unsren Gnedigen Herren ans brett erlegen, und hinfürt mit iren nachburen inn ruow und eynigkeit leben sollen, oder es werde inen ettwas uff den hals wachsen, das inen zeschwer sin werde .

Niclauss Im Hoff Notarius subscripsit

Brucker - 1 ° Anthengj von Gryers, hatt kein zuonammen anzeigen wöllen, ein vierzechen jeriger knab , so das schnyder handtwerk kan

Demnach dieser junger knab, am Kornmerckt, einer frowen ein seckell abgehouwen, der iren wider worden, ist er gfenck lichen angnommen, und nochdem er durch den volterer im mit ruoten gehouwen, hatt man in uff Sambstag den 24 Mertzens ditz 65 jors, mit gmeyner urphet umb siner jugent willen, gnediglichen wider ussglossen, dorby er ouch ge schworen, das er sich von statt und landt Basell hinweg thuon und dorin onerloupt nit wider kommen solle, by peen dess halsysens und der ruoten.

Niclauss Im Hoff Notarius subscripsit

Uolj - 1 ° Martin Hess von Munderkingen ein küferknecht

Die Herren Eerichter haben in über nacht inn gfenckniss legen lossen und umb zwen gulden gestrofft, von wegen das er inn siner kuntschafft, anzeigt, das er ouch by Margrethen Fylistorffin von Friburg uff Üchtlandt , gelegen, und unküschheyt getriben, die dann dem wirt Zuom Sylberberg ein kindt geben wellen, ist uff Mittwoch den 28 Mertzens ditz 65 jors mit gmeyner urphet gnediglichen wider ussglossenn.

Niclauss Im Hoff Notarius subscripsit

Köferlj - 1 ° Lorentz Luoderer von Derringen, uss einem dorff by Brëtten glegen, der küffer Lorentz Luoderer kommt in anderen Urfehdeverfahren vor, siehe Urfehdeeinträge Lorentz Luoderer der küfer inn mindren Basell (fol. 24 recto) und Mathys Kienlj der seyler von Pfortzheim, bürger inn mindren Basell, und Ursula Brunschwylerj von Basel sin eefrow (fol. 29 recto) für andere Urfehdeverfahren

Demnach und im ein frömbder crämer, so by Fryburg inn Üchtlandt doheymen gsin, vor einem jar, ein cronen gelychen der nochmalen zuo im kranck kommen und in gepetten, er solte im das best thuon, komme er uff, welle er im die gelychne cronen schenken, und ettwas mer darzuo geben, wie nun derselb mit tod wellen abgon, und diesem ein seckell geben, hatt er in siner frowen inn trog zetragen befolchen. Als aber der schult heiss und die amptlüth beschriben wellen, hatt er sollichen seckell und gellt verhalten , biss das er mit sinem nochburen Mathiss Kienlj Matthiss Kienlj kommt in einem anderen Urfehdeverfahren vor, siehe Urfehdeeintrag Mathys Kienlj der seyler von Pfortzheim, bürger inn mindren Basell, und Ursula Brunschwylerj von Basell sin eefrow (fol. 29 recto) für anderes Urfehdeverfahren oneins worden und mit im inn rechtsfertigung kommen, und als die kuntschafft verhört und die sach zuo recht gsetzt, haben die richter kein urtell geben wollen, sonder die sach der Hochen Oberkeit zuo erkant . Desshalben er inn gfenckniss gleyt , und uff Sambstag den 24 Mertzens ditz 65 jars, gnediglichen wider ussglossen. Hatt den innhallt gmeyner urphet, darby ouch geschworen, das er das verhalten gellt so im seckell gsin nemblich zwentzig dick pfennig und syben schilling, hinder herrn schultheissen inn mindren Basell erlegen , der dann solich gellt behalten wirt, biss des crämers frow oder sine erben dasselb reichen, das er ouch sich von statt und landt Basell hinweg thuon, und onerloupt nit wider harin kommen solle, sonst wurde im ettwas uff den hals wachssen, das im zeschwer wurde sin.

Niclauss Im Hoff Notarius subscripsit

Köferlj - 1 ° Thengj Claus Faller von Sanse hinder Sant Politen gelegen, ein taglöner Thengj Claus kommt in einem anderen Urfehdeverfahren vor, siehe Urfehdeeintrag Heinrich Eschger von Gaysigen under Bruck glegen, ein taglöner (fol. 31 verso) für anderes Urfedeverfahren

Demnach und er vor einem jar diebstalshalb gfangen glegen, und von statt und landt Basell by peen der schwerts ver wyssen, ist er über denselben eydt, frefenlich onerloupt wider harin kommen, und als denen von Muttentz inn die kilchen geprochen worden ist der argwon uff inn gfallen. Desshalben er gfencklichen angnommen und nochdem er besybnet, hat man in uff Sambstag den 24 Martij anno 65, gnediglichen wider uss glossen, hatt den innhalt gmeyner urphet dorby ouch geschworen das er sich den nechsten von statt und landt Basell hin weg thuon und darin onerloupt niemer mer kommen noch sich finden lossen solle. Dann im mit allem ernst anzeigt, wo er über disen eydt betretten, werde man in den nochsten inn Esel thurn legen, und on einiche wythere berechtigung dem nochrichter an die handt geben, der in uff die Walldtstatt füren und mit dem schwert vom leben zum todt richten werde.

Niclauss Im Hoff Notarius subscripsit

Köferlj - 1 ° Peter Schufelbul von Surse .

Demnach und er schultheiss zuo Sursee gsin, und schulden halb von dannen sich har inn ein statt Basell verfügt ein guote zyt sich inn der herberg Zuom Hirtzen erhalten, haben in die Herren von Lutzern und Surse, unser getrüw lieb Eydtgnossen, von wegen eerverletzlicher, schmütz und schmechworten, vor herren schultheiss vogt und Stattgericht alhie mit recht angelangt, und als der handell von einandren gesönndert worden, und her Niclaus Fleckenstein innammen der Herren von Lutzern, inn zevorderst berechtiget die clag zuo im gethon, dargegen er sin antwort geben, und sich vyl vermessen darzethuondt, und wie die kuntschafft und andere schrifften verhört, ist er überzüget worden, desshalben die urtel gepracht, das er 21 mann unrecht verbesseren solle, und darby den Herren von Lutzern, ein offnen wider ruoff thon, und sich bekannt hatt, das er solliche eerverletzliche wort, den Herren von Lutzern, erdichter fälschlicher wyss, on billichen zuogleyt, und uff sy mit züchten erlogen hab, er wüsse von inen nützit anders dann alle eer, liebs und guts, und nochdem er disen wideruoff erstattet, haben unser Gnedig Herren in sollicher siner misshandlung und frevelshalb inn gfenckniss gleyt. Diewyl und aber einer von Surse, ge nant Hanss Heinrich Rütimann , innammen sin selbs und anderer, gegen im, ouch umb recht angerufft, ist er uff Sambstag den letsten tag Merztens ditz 65 jars, mit nochvolgendem eydt, gnediglichen wider ussglossen, hatt den innhalt gmeyner urphet darby ouch geschworen, das er sich den nechsten inn die herberg Zuom Hirtzen (dahin er ouch begert hatt) verfügen, inn derselben herberg sich erhalten und nit ussschweyfen, sonder erwarten wann die von + Surse, im zuom rechten verkünden, das er von ein rechts tag zuom andren gehorsamlich erschynen inen red und antwort geben und vom rechten wider inn die herberg keren solle. Das er ouch alles das so mit urtell und recht erkant wirt erstatten. Und wann sich die rechtsfertigung geendet hatt, das er von der statt Basell, nit wychen solle, er habe dann sich vor und ee, mit unsren Gnedigen Herren, der fräflen und siner begangnen miss handlunghalb vertragen.

Niclauss Im Hoff Notarius subscripsit

Uolin - 1 ° Bastean Fröwler der pfrunder im spittal

Alsdann der spittal ettliche güter verkoufft die Werlin Benner eines pfründers gsin und fünfftzig pfundt dorus erlösst hatt diser denselben uffgewyssen, er solle das gellt zuo sinen handen ervorderen, es gehore nit dem spittal, sonder im zuo, dessglichen hatt er ein knaben so der rossen wartet, abgewyssen was er da lernen welle, er komme wol an ein ort, do er ein bessere sach habe. Als er ouch gwarnet, das er sich des knoblochs abthuon solle, dann niemants inn der pfründer stuben vor gestanck umb in plyben mag, hatt er geantwort er seche weder den meister, schriber noch andere an, er welle in essen. Desshalben er in gfencknis gleyt, und uff Sontag den ersten Aprilis ditz 65 jars, mit gmeyner urphet, gnedig lichen wider ussglossen, hatt dorby ouch geschworen, das er den meister dess spittals viertzig pfundt zuor stroff erlegen und darob sinen willen behalten solle, und hinfürter kein onruow mer anrichten. Dann wo er sich wyther, worten oder werckenhalb übersechen, solle er die pfruondt verwürckt han, und werde man in zuom spittal uss hinweg wyssen, es solle ouch sich des knoblochs abthuon.

Niclauss Im Hoff Notarius subscripsit

Brucker - 1 ° Thurs Gallitian der kürsner

Demnoch und er liederlichen und übell husshaltet, sich mit wyn überfüllt, sin eefrowen gar schnöd und übell haltet, über sy tobet und fluocht, wiewol sy nützit ab im clagt, sonder sich lydet und schwygt, haben doch die noch buren , nit lenger zuosechen möge. Innsonders diewyl er ouch an Meister Lienharten Gebhart den rhatsfründt, geroten, im gefluocht und onbescheidene wort geben. Ist er inn gfencknis gleyt und uff Sambstag den 7. Aprilis ditz 65 jars gnediglichen wider ussglossen, hatt den innhalt gmeyner urphet darby ouch geschworen das er alle würtz, wyn und kochs hüser, zünfft und gsellschafften myden, ouch all gassenn würt, nienen anderswo, dann doheymen und uff siner eeren zunfft, ruwig und früntlich, essen und trincken solle, und darzuo kein gwer noch tolchen, weder tags noch nachts dann allein ein abbrochen brotmesser, by noch an im tragen, dann wo er mit sinem toben gegen siner eefrowen, fürfaren, + oder inn ander weg sich ongebürlich halten, werde man in von statt und landt verwyssen.

Niclauss Im Hoff Notarius subscripsit

Thoubhüslj - 1 ° Onimuss Oberhënslj von Basell, ein gassen besetzer Hanssen Oberhans des rebmans und hindersässen seligen, son

Alsdann er der würtin Zuom Wyssen Crütz, ein dicken pfennig schuldig, deren er sin karst zuo pfandt geben, und denselben reychen wellen, hatt sin frow befolchen, da sy im den karst nit geben solle, ist er den nechsten uff den Höwberg für Meister Jocob Rappen seligen huss, do dann sin eefrow dient, kert, sin frowen ab dem dienst gevordert, gefluocht und sich lëtz gestellt, nit vom huss wellen, biss Meister Jocob Rappen seligen wittfrow den vogel uff dem richthuss geholt, der die stattknecht gesuocht, die in inns Thoubhüslin gleit, ist uff Mentag den nündten Aprilis ditz 65 jors mit gmeiner urphet, gnediglichen wider uss glossen, hatt dorby ouch geschworen, das er sich von statt und landt Basell hinweg thuon, und darin onerloupt nit kommen solle.

Niclauss Im Hoff Notarius subscripsit

Thoubhüslj - 1 ° Heinrich Scherer von Ossingen us Zürich pieth dess würts Zuom Rappen underknecht

Diewyl er uff dem kornmerckt uff gestrigen Sontag, mit einem welschen zuo unfriden kommen, mit dem tegen und der scheiden gegen im geschlagen, und als im derselb die scheyden erwütscht, und er mit dem plossen gwer do gstanden, ist Michell Köferlj de rats knecht zuohin gangen, im anzeigt das er zuo friden sin solle, über dasselb ist er glich an einen andren mit fünsten geroten desshalben er ins Thoubhüslin gleyt, und uff Mentag den nündten Aprilis ditz 65 jars mit gmeyner urphet gnediglichen wider ussglossenn. Hatt dorby ouch geschworen, das er unsren Gnedigen Herren die fräfell abrichten welle.

Niclauss Im Hoff Notarius subscripsit

Rhyntor ° Hans Jocob Meyger der messerschmidt Hans Jocob Meyger kommt in anderen Urfehdeverfahren vor, siehe Urfehdeeinträge Hans Jocob Meyger der messerschmidt (fol. 23 verso), Hans Jocob Meyger der messerschmidt von Basell (fol. 35 verso) und Hans Jocob Meyger der messerschmidt (fol. 58 verso) für andere Urfehdeverfahren

Alsdann die amptlüth sampt dem stattkeüffler, imme von wegen Jerg Brunysen des büchsenschmidts pfender usstragen wellen, hatt er sich pfender zegeben gewydert und keine geben wellen, und als sy im bym eydt gebotten, dieselbig tag zyt pfender zeerlegen oder Jergen Brunysen mit barem gelt zever nügen, ist er über dasselb mit einem gwer, nocher gloffen, den amptlüthen und schuldtvorderer bösen bescheidt geben, desshalben sy in uff das Rhynthor gleyt, ist uff Sambstag den 14 Aprilis ditz 65 jars mit gmeyner urphet gndiglichen wider ussglossen, dorby er ouch geschworen hatt, das er hinfürter + sollicher sachen abston solle dann wo wythere clag von im kommen werde man in von statt und landt vewyssen.

Niclauss Im Hoff Notarius subscripsit

Brucker - 1 ° Heinrich Eschger von Gaysigen under Bruck glegen, ein taglöner

Alsdann denen von Muttentz inn die kylchen geprochen und vyl darus entwert und gestolen, ist diser umb und by einem gwont, genant Thenge Claus Faller von Sanse Thenge Claus kommt in einem anderen Urfehdeverfahren vor, siehe Urfehdeeintrag Thengj Claus Faller von Sanse hinder Sant Politen gelegen, ein taglöner (fol. 30 recto) für anderes Urfehdeverfahren, zenechst hievor am andren platt geschriben, der sollicher sachenhalb im argwon gsin, desshlaben diser ouch ingleyt. Nochdem und aber er besibnet und verhört, und man erkundiget das er hie gewerckt, und sin on schuldt gehört, ist er uff Sambstag den 17 Martij anno 65 mitgmeyner urphet gnediglichen wider ussglossen, und im darby an zeigt das er sich vor böser gsellschafft hüten solle.

Niclauss Im Hoff Notarius subscripsit

Köferlj - 1 ° Thoman Fry zuo Leüfelfingen inn Homburger ampt sesshaft

Alsdann er von Leüfelfingen har kommen und drü küpfflj saltz koufft, und in der saltzschriber befrogt, wo er doheim sige, hatt er anzeigt, an den Steinen, als im aber der saltz schriber nochgeschickt und acht uff in lossen haben, hatt sich erfunden, das er die onworheit fürgeben, desshalben er ingleyt und uff Sontag den 18 Martij ditz 65 jors, uss gnaden wider ledig glossen, hatt den innhalt gmeyner urphet, dorby ouch geschworen, das er das saltz kouffen solle an denen orten, do er sesshafft, und hinfürter sollicher dingen abston, oder man werde in sinem verdienen noch, hertenglichen straffen.

Niclauss Im Hoff Notarius subscripsit

Wasserthurn - 1 ° Andres Ackerman von Willisouw der tottengreber

Der bluotvogt hatt in lossen inn Wasserthurn legen, dorumb das er der ordnung nit nochkompt, und das ampt selb anderversechen wellen, do iren vier solten sin, und besonder diewyl er den hernachgemelten Erharten Fust Erharten Fust kommt in einem anderen Urfehdeverfahren vor, siehe Urfehdeeintrag Erhart Fust von Mentz, ein totengreber (fol. 32 recto) für anderes Urfehdeverfahren, angestellt, der ein keibenschinder und hundtschalcher, und Junckher Wolffgang Stöllj Wolffgang Stöllj kommt in einem anderen Urfehdeverfahren vor, siehe Urfehdeeintrag Erhart Fust von Mentz, ein totengreber (fol. 32 recto) für anderes Urfehdeverfahren helffen ver graben, ist uff Zinstag den 24 Aprellens ditz 65 jors mit gmeynerurphet gnediglichen wider ussglossen, hatt dorby ouch geschworen das er sich von statt und landt Basell hinweg thun, und unser Gnedig Herren ongeirrt lassen solle, doch möge er hie durch, siner straff nach ziechen.

Niclauss Im Hoff Notarius subscripsit

Eselthurn - 1 ° Erhart Fust von Mentz, ein totengreber Erhart Fust kommt in einem anderen Urfehdeverfahren vor, siehe Urfehdeeintrag Andres Ackerman von Willisouw der tottengreber (fol. 31 verso) für anderes Urfehdeverfahren

Der bluotvogt hatt in inn Eselthurn legen lossen, dorumb das er sich zuo den totgrebern gethon, Junckher Wolffgang Stöllj Wolffgang Stöllj kommt in einem anderen Urfehdeverfahren vor, siehe Urfehdeeintrag Andres Ackerman von Willisouw der tottengreber (fol. 31 verso) für anderes Urfehdeverfahren helffen vergraben, und aber wol gwüsst, was er uff der huben hatt, das er zuo Muttentz vier lynlachen gstolen, ein hundtschlager gsin, und zuo Strossburg einem, dem er geholffen ein thurm rummen, als der selb disen zered gstelt, er mache und zeichne zevyl kübel an, den nechsten ein bymesser in inn gstochen, das er gstorben. Ist uff Zinstag den 24 Aprellens ditz 65 jors mit gmeyner urphet gnediglichen wider ussglossen, hatt dorby ouch geschworen, das er sich von statt und landt Basell hinweg thuon und dorin onerloupt niemer mer kommen solle, oder man werde im recht ergon lassen.

Niclauss Im Hoff Notarius subscripsit

Brucker - 1 ° Hans von Remondt ein murer

Diewyl er uff Donstag verschinen an der gant am kornmerckt gantz onverschampt das wasser abschlachen wellen, und in ein frow gestrofft, hatt er sy gehuoret und übel gfluocht, und als inn dem ir man darzuo kommen, hatt er den tegen und die scheiden gegen im zuckt, wie er aber die stattknecht ersechen, hatt er den mantellund huot von im gworffen und fliechen wellen. Desshalben er inn gfenckniss gleyt, und uff Zinstag den 8 May anno 65 mit gmeiner urphet gnediglichen wider ussglossen, hatt darby ouch geschworen, das er sich von statt und landt Basell hinweg thuon und darin onerloupt nicht wider kommen solle, by peen dess halsysens oder der ruoten .

Niclauss Im Hoff Notarius subscripsit

Thoubhüslj - 1 ° Elsbeth Belgeri, Batt Ziegler genant Karrenböcklins eefrouw

Diewyl sy zuo Bynningen gsin, sich mit wyn überladen, und by Eschamer thurn an ettlich mannen geroten, mit schlüsslen umb sich geschlagen, ein wyldt geschrey ghept, das ein gestëndt von lüthen umb sy gsin, als ob es ein merwunder were, ist sy inn gfenckniss gfürt, und uff Mittwoch den nündten May ditz 65 jars mit gmeiner urphet gnediglichen wider ussglossen, hatt darby ouch geschworen, das sy hinfürter sollicher sachen abston, desglichen Gregorius von Kilchen zeruowen und friden und onüberlassen solle lassen.

Niclauss Im Hoff Notarius subscripsit

Brucker - 1 ° Danit Mütt von Bern ein schuomacher und taglöner

Demnach und er sich zuo einem kessler von Lutzern, genant Cuonrat, zuo Brattelen gesellet, ein moss wyn mit im truncken, + und darnoch zuo Fülistorff im geholffen ein spycher uffbrechen, daruss sy käss, ancken, wyn und brot entwert, ist er gfencklichen an gnommen, durch die Sybenherren verhört, 32 tag gfangen glegen, und nochmalen uff Mentag den 14 May ditz 65 jors mit gmeyner urphet gnediglichen wider ussglossen, hatt darby ouch geschworen, dass er sich von statt und landt Basell hinweg thuon, und onerloupt nit wider harin kommen solle, dann wo er über disen eydt ergriffen, werde man im ein lybs stroff anthuon, die im zeschwer sin werde.

Niclauss Im Hoff Notarius subscripsit

Uolj - 2 ° Hans Furlemeyger von Laussen Hans Furlemeyer kommt in einem anderen Urfehdeverfahren vor, siehe Urfehdeeintrag Hans Furglemeyer von Lausen und Sara Buwmannj von Benwyl (fol. 33 verso) für anderes Urfehdeverfahren und ° Sara Buwmannj von Benwyl Sara Buwmannj kommt in einem anderen Urfehdeverfahren vor, siehe Urfehdeeintrag Hans Furlemeyer von Lausen und Sara Buwmannj von Benwyl (fol. 33 verso) für anderes Urfehdeverfahren

Die Herren Eerichter haben sy inn gfenckniss legen lossen, von wegen, das bemelte Sara anzeigt er sige by iren glegen, dessen aber Hanns Furlemeyger nit gestendig sin wellen. Nochdem und aber ers bekant, sindt sy beyde uff Fritag den 11 Meygens ditz 65 jors mit gmeiner urphet wider ussglossen, und inen anzeigt, das sy wyther im rechten fürfaren sollen.

Niclauss Im Hoff Notarius subscripsit

Brucker - 1 Uolj - 1 ° Junckher Jonas Offemburg und ° Martha Holtzwartin von Costentz

Die Herren Eerichter haben sy beyde noch geendeter rechtsfertigung übernacht inn gfenckniss legen lossen, und yedes theyl umb 5 lb gestrofft, von wegen der schnuory, die sy miteinandren getriben, sind uff Mittwochen den 15 May ditz 65 jars mit gmeyner urphet wider ledig glossen.

Niclauss Im Hoff Notarius subscripsit

Köferlj - 2 ° Carle Schmidt von Valledys ein tischmacher Carle Schmidt kommt in einem anderen Urfehdeverfahren vor, siehe Urfehdeeintrag Carlin Schmidt von Valledyss ein tischmacher, Claus Zeyniger des rebmans tochterman (fol. 56 verso) für anderes Urfehdeverfahren ° und Margreth Zeynigerj sin eefrow

Die Herren Eerichter haben sy inn gfenckniss legen lossen, dorumb das sy vorusgangne urtell nit erstattet, sindt uff Donstag den 17 May ditz 65 jars, mit gmeyner urphet, gendiglichen wider usglossen und inen by 10 lb gebotten worden , das sy miteinandren als eelüthen zuostot, husshalten sollenn.

Niclauss Im Hoff Notarius subscripsit

Köferlj - 1 ° Theus Häl der metzger von Basell Theus Häl kommt in anderen Urfehdeverfahren vor, siehe Urfehdeeinträge Jos Müller der metzger (fol. 33 recto) und Theus Häl der metzger von Basell (fol. 65 verso) für andere Urfehdeverfahren

Demnach er und Joss Müller der metzger Jos Müller kommt in anderen Urfehdeverfahren vor, siehe Urfehdeeinträge Jos Müller der metzger (fol. 33 recto) und Daniel Huober und Hans Friderich Müller von Basell (fol. 87 recto) für andere Urfehdeverfahren mit dem würt zuo Muttentz genant Hans Gast , zuo unfriden kommen, ein ungschickt wildt wessen anghept, und den bemelten wirt, mer dann ein mal, uss dem huss gehöüschen. Ist er inn gfenckniss gleyt, und umb 15 lb gestrofft, die er erleyt, ist er uff Mentag den 21 Meygen ditz 65 jors, gnediglichen wider ussglossen, hatt den innhalt gmeyner Der Eintrag wird hier durch Zusatzblätter unterbrochen. Nach den fol. 32a recto und 32a verso wird er fortgesetzt.

Meister Heinrich

Hanns Zwilchenbart der mey ger , von wegen das er mitt sampt sinem gesellen uff Mentag nach dem Nüwen Jar zenacht, an der gerwer gassen, mitt ettlichen zeun friden worden. Desshalb in unser Gnädigen Herren gefangenschafft kommen und uff Samtstag den 26 tag Jenners Anno 64 mitt gemeiner urphet ussge lassen, dorby geschworenn dsz sig er uff einen ersamen Rhat was inen zeantwurt warten sollen

Meister Heinrich

Hanns Schaffner der metzger uff dato glicher gestaller handlung halb ussgelossen

Spalen

Hans Christenen der metzger ouch wie die oberen zwen glicher gestalt

Thoubhusslj

Berner Dallier ein welscher von wegen das er sich mitt win überladen, und siner derohalb misshandlung halb in unser Gnädigen Herren gefangenschafft inns Toübusslij gelegt und uff den 25 tag Hornungs ussgelossen iuravit ut moris

Bernhut

Cilian Luderer burger allhie vonn wegen seiner begangenen schweren misshandlung hin unnd wider diebstals halben angezogen inn unserer Gnädigen Herren gefangenschafft gelegt, und uff den 28 tag Hornungs dess 64 jars ussgelassen, unnd ge schworen bey peen dess schwertz gehört vor fol. 14Diese Anmerkung wurde vom Archiv nachträglich verfasst. das er unnserer Gnädigen Herren statt und landt per 2 mil wegs schiben wys miden solle, unnd so er darüber ergriffen mitt ime wie obstat gehandlet werden solle

Meister Heinrich

Jergj Schindler von Hölstein von wegen das er sich mit [...]unsichere Lesung ganz ungebürlichen argwenig unsichere Lesung gehallten gefenglich ingelegtuff den 28 Hornungs ussgelassenn daz er sich inerthalb landtz enthallten, und daruss one erloupnis wichen, doch das er sich allher win und würtzhüseren müssigen solle

Folgender Abschnitt steht im Original rechts vom obenstehenden Eintrag.

Demnach und er sich inn würtzhüsern onrüwig und ungebürlich ghalten ist er gfenklichen angenommen, und uff den 28 Hornungs ditz 64 jahrs mit g. urphet g. wider ussglossen hatt dorby ouch gschworen, das er sich inerthalb landts enthalten und daruss onerloutp nit wychen solle doch das er sich aller würtz und winhüsern müssigen solle

Niclauss Im Hoff

Berenhut

Jacobunsichere Lesung Herr ein friheit allhie von wegen dz er sich mit wyn überladen und schweren übersechen in unser gnädiger herren ge fengnuss kommen, und uff dato mitt gemeiner urphe ussgelassen juravit ut moris

Fortsetzung des Eintrags über Theus Häl (fol. 32 verso) urphet, dorby ouch geschworen, das er hinfürt kein gwer, weder tags noch nachts, by noch an im tragen solle, dann allein ein ab brochen brotmesser, dessglichen das er sich des schiessens, inn den güteren, reben und matten innerthalb den etter abthuon solle, und von sinen tröw worten, wie er dann Zuom Schnabell sich gegen ettlichen Niderlendischen fuorlüthen, hören hatt lossen, er welle einem ein mal ein letzj geben, das er müsse zeichnet sin, abston, und hinfürter bass dann bisshar husshalten solle, dann wo er inn einem oder dem andren sich übersechen, werde im ettwas uff den hals wachssen, das im zeschwer sin werde.

Köferlj - 1 ° Jos Müller der metzger Jos Müller kommt in anderen Urfehdeverfahren vor, siehe Urfehdeeinträge Theus Häl der metzger von Basell (fol. 32 verso) und Daniel Huober und Hans Friderich Müller von Basell (fol. 87 recto) für andere Urfehdeverfahren

Diewyl er und Theuss Häl der metzger Theuss Häl kommt in anderen Urfehdeverfahren vor, siehe Urfehdeeinträge Theus Häl der metzger von Basell (fol. 32 verso) und Theus Häl der metzger von Basell (fol. 65 verso) für andere Urfehdeverfahren den würt zuo Muttentz uss dem huss gvordert und ein ongschickt leben ghept, ist er inn gfenckniss gleyt, umb 20 lb gestrofft die er bezalt, und uff Mentag den 21 Meygens ditz 65 jars mit gmeyner urphet gnediglichen wider ussglossen, und hiemit ernstlichen gwarnet, das er hinfürt sich anderst halten und tragen und solcher sachen abston solle.

Niclauss Im Hoff Notarius subscripsit

Köferlj - 1 ° Peter Zymmerman von Bollingen by Bern glegen ein crämer

Alsdann diser alter man, ettlich sylber von einer monstrantz en Jocoben Hagenbach dem goldtschmidt , zekouffen geben wellen, und dies sach für unser Gnedig Herren kommen, ist er inn ein argwon gfallen, as ob er nit mit rechten sachen umbgange, desshalben er ingleyt, als er aber bericht geben das im solches sylber von ettlichen crämern zuo Lauffen, das ers inen verkouffen solte, uffgeben, und dieselben ouch gfencklichen hargschickt, und sin entschuldigung hierob gehört, hatt man in uff Donstag den 24 May ditz 65 jors mit gmeiner urphet, on alle entgeltniss der thurnlösj, wider ledig glossen.

Niclauss Im Hoff Notarius subscripsit

Köferlj - 1 ° Hans Gasser von Trotticken uss der graffschaft KyburgZüricher pieth ein schnyder Hans Gasser kommt in einem früheren Urfehdeverfahren vor, siehe Urfehdeeintrag Hans Gasser von Trotticken uss der graffschafft Kyburg, Züricher phiet der schnyder (fol. 25 recto) für früheres Urfehdeverfahren

Demnach und er vormals ouch gfangen glegen , dieselb urphet nie kein stundt gehalten, sonder mit siner truncknen wyss fürgefaren, und sin eefrowen, mit einer wëber zettell rammen dermassen gschlagen, das iren das pluot über den kopff abgloffen und wenig gfelt, sy were an der statt plyben, ist er inn gfenkniss gleyt, und uff Sambtag den andren tag Brachmonats ditz 65 jars, mit gmeiner urphet gnediglichen wider ussglossen hatt dorby ouch geschworen, das er sich den nechsten vom + Thurn, von statt und landt Basell hinweg thuon, und dorin onerloupt niemer mer kommen noch sich finden lassen solle, dann im inn bysin Meister Heinrichen Brucker des obersten knechts und Michel Köferlj des rhatsknechts anzeigt worden, wo er über dissen eydt, zuo statt oder uff dem landt inn unserer Gnedigen Herren pieth betretten, werde man in, mit dem schwert vom leben zuom todt richten.

Niclauss Im Hoff Notarius subscripsit

Uolj - 1 Köferlj - 1 ° Bastean Ernj von Sissach und ° Anna Madörj von Diepflicken

Die Herren Eerichter haben sy beide inn gfenckniss legen lossen Bastean Ernj vier tag und necht und umb 15 lb gstrofft von wegen das er bemelts Anna als sin dienst beschloffen,so dann Anna Madörj allein übernacht und umb 5 lbgestrofft ,die er von iret wegen erleyt.Sindt uff Fritag den 25 May ditz 65 jors mit gmeyner urphet wider ussglossen.

Niclaus Im Hoff Notarius

Brucker - 2 ° Hans Furlemeyger von Laussen Hans Furlemeyger kommt in einem anderen Urfehdeverfahren vor, siehe Urfehdeeintrag Hans Furlemeyger von Laussen und Sara Buwmannj von Benwyl (fol. 32 verso) für früheres Urfehdeverfahren und ° Sara Buwmannj von Benwyl Sara Buwmannj kommt in einem früheren Urfehdeverfahren vor, siehe Urfehdeeintrag Hans Furlemeyger von Laussen und Sara Buwmannj von Benwyl (fol. 32 verso) für früheres Urfehdeverfahren

Die Herren Eerichter haben sy beide lossen inn gfenckniss legen Hanssen Furlemeyer umb 15 lb und Sara umb 5 lb gestrofft, die er erleyt, von wegen, das er sy beschloffen inn sinem dienst und dasselb an der erste gleügnet, sindt uff Donstag den 24 May ditz 65 jars, mit gmeiner urphet, wider ussglossen.

Niclauss Im Hoff Notarius subscripsit

Uolin - 1 Köferlij - 1 ° Jocob Schoub von Butkhen und ° Ita Muss von Rümlicken

Die Herren Eerichter habe sy inn gfenckniss legen lossen, Jocoben Schoub umb 20 lb gestrofft von wegen das er sy inn sinem huss und dienst beschloffen. So dann Ita umb zwen gulden , die er von irentwegen ouch erleyt Sindt uff den Uffart Tag, den letsten May anno 65, mit gmeyner urphet wider ussglossen.

Niklaus Im Hoff Notarius