Urkundenbuch des Herzogtums Steiermark

(C.) ‡ In nomine sancte et individue trinitatis. Ego Ditricus dei gratia Gurcensis ecclesie humilis minister. ‡ Expedit omnino profectui christianȩ pietatis et ex auctoritate veritatis remuneratioe divina constat esse dignum, ut Christi pauperibus tam ecclesiis quam eccclesiarum servitoribus huius vitȩ transitoriȩ necessaria ministrentur et onera pauperitatis, que pro Christi nomine portanda susceperunt, ex abundantiis divitum et elemosinarum largitionibus intuitu dei subleventur. Huius rei ammonitione tacti mediante consilio et consensu Hertnidi^a prepositi totiusque Gurcensis ecclesie capituli damus et confirmamus fratribus in Gyrioriowa^b deo servientibus omnem decimacionem vini, frumenti, animalium, caseorum et omnium victualium ad sumptus castri nostri Pylstein pertinentium pro salute et remedio tam animȩ nostre quam et antecessorum nostrorum, quorum pro studio locus idem est institutus. Ne igitur successorum nostrorum aliquis predictis fratribus decimationes prenominatarum rerum subtrahere contendat, cedulam hanc ipsius in huius rei testimonium conscribi fecimus et impressione nostri sigilli testiumque subscriptione munivimus. Huius rei testes sunt: Dominus Hartnidus^a Gurcensis prepositus, Wezelo eiusdem ecclesie decanus, Arnoldus custos, Adelungus, Iohannes, Wuͤlvingus, Poto capellani sacerdotes; Popo de Albeke, Engelbertus, Guntherus, Hermannus, Hertwicus, Ditricus, Otto, Pilgrimus, Hertwicus fratres sui, Perhtoldus et frater suus Heynricus, Chunradus Chelbel et frater suus Anshelmus, Chunradvs de Griuen et frater suus Heynricus Gyel, Walchun de Crezniz, Walchun Wolwende et alii quam plures.
Hanc noticiȩ cartulam scripsi ego Gerlohus apud Strazpurc anno incarnationis domini Mº Cº LXXXº VIº, indictione IIIIª, VIº nonas marcii.
(S.)