Urkundenbuch des Herzogtums Steiermark

‡ In nomine sancte et individue trinitatis. Otacher marchio Bertholdo abbati in Garsten omnibusque eius successoribus in perpetuum. ‡ Pater meus Othacher Styrensis pia in deum ductus voluntate in fundo suo Garsten clericos quosdam religiosos continuit et benigne fovit, predia etiam quedam illis contulit, quibus primus Ebirhardus prefuit, qui et canonicam ibidem instituit. Nos igitur in religione * patrissare cupientes, episcopis Pathauiensis ecclesie voto nostro concurrentibus ex clericis monachos regulares ibidem commutavimus, cuncta, que a patre meo illi ecclesie donata fuerant, donantes et confirmantes, insuper et alia quedam superaddendo tradentes. Primo scilicet dominicale illud, quo primum dotata est ipsa ecclesia, ubi modo fundatum constat monasterium. Fecimus etiam concambium cum ecclesia Pathauiensi sub Altmanno eius sedis pontifice, quod item Garstensi ecclesie donatum confirmavimus. Tradidimus enim in manu^a prefati episcopi et advocati eius Vͦdalrici predium unum ad Beheimberc et aream, ubi constituta est ecclesia, et remisimus episcopo deci­mationem contiguarum villarum eo tenore, ut ecclesia nostra Garstina perpetuo iure obtineret concessu episcopi et successorum eius omnia, que interiacent inter Rubinicham inferius urbem manantem et Rubinicham superiorem et infra fluvium Anesum et fluvium Styram usque Rottinbach, et ultra Styram dotem illam et molen­dinum cum iure suo et curtem illam, ubi Rubinicha labitur in Anesum, cum omni decimatione et toto iure sacer­dotali, sicut et privilegium Garstensi ecclesie ab episcopo Pathauiensi Vͦdalrico contraditum testatur. Confirmamus etiam eidem ecclesie ac in proprietatem contradimus secundam dotem trans Anesum cum silva contigua, que Danberc dicitur, in pascuam animalium et cesionem lignorum ac omnimodam utilitatem, sola venatione ferarum excepta. Sic enim et pie memorie pater meus Otacher marchio, qui Rome defunctus dormit, nunciis Wolfgango et Erchingero mediantibus ipsi ecclesie tradidit et quicquid cultum sive incultum inter fluviolos Danbach et Fruznich situm est. Beneficium Arnhelmi inter Rubinich et Fruznich pro commutatione decimarum cum aliis alibi sitis tradidimus. Possessionem etiam sitam, que Iagirnberge^b dicitur. Inter flumina vero Anesum et Styriam^a hec sunt, que tradidimus, scilicet Cellam, que terminatur in rivulo Sabiniche, ubi ille rivum facit in Anesum, per Leich­perge usque ad viam, que a Cella iter prebet Aschâ, omnia inter­iacentia ad officinas fratrum pertinent, et beneficium Liutoldi, quod Liutoldus et eius convicanei possident. Ad Husmannin duos mansus et quod Oͮthwin cum Sclauonibus possidet. Dotem illam ad Ascha, qua dotata est ecclesia sancti Martini, aliam pertinentem ad tytulum sancti Viti Dernberc. Ad Svammarin dimidium mansum antiquitus a parentibus nostris traditum. In valle autem Anesi ad Scalchinberge beneficium Woluoldi. Item beneficium Meginhardi et Slateheim et Strechowe. Aliud predium ad Steinnarin iuxta Michilindorf et unum mansum, beneficia Oͮthfridi. Ad Husrugkun loco, qui dicitur Rute, predium pro decimis Cherbach dandis tradidimus, cuius partem cum vinea gratia meliorandi atque commodius ponendi fratres vendiderunt. Ad Hartperge quinque vineas. Iuxta Lauriacum predium. Ad Cidilheim predium. Non longe inferius iuxta Trunam fluvium dominicale unum. Item ad Ascaha predium, quod Ruͦdolfus possidet, et vineas, que in oriente site sunt, quinque ad Wachow, tres ad Willihalmesburc, quatuor ad Muͦtinsdorf. Ad Willehalmesburch loco, qui Crebizbar^a dicitur, duodecim mansus cum XXX^ta mancipiis pro decimationibus dedimus, quod erat beneficium cuiusdam Etichis, cuius filium vocabulo Piligrimum rogatu propinquorum in ipso monasterio educandum tradidimus. Et quia ipsum locum nostrum augeri et proficere desideramus, tum pro salute nostra, tum pro requie parentum nostrorum eterna, tum etiam pro vita successorum nostrorum et gloria omnibus ministerialibus et hominibus nostris licentiam plenariam concedimus predia sua vel <beneficia>^c ad ipsum monasterium contradendi seu conversionis gratiam inibi expetendi. Advocatiam autem predicte ecclesie et prediorum a nobis et a ministerialibus nostris illis collatorum vel conferendorum mini­sterialibus voto nostro leto animo concurrentibus principi Styrie retinendam decernimus eo modo, ut ipse secundum petitionem abbatis eam commendet sine iure heredis utrique sci­licet principi et abbati omni potestate obligationis qualiscumque ablata, ut ipsi per nos temporali securitate gaudeant et nos et successores nostri sed et ministeriales nostri eternis proficiamus augmentis. Huic iuri in predio, quod dedit gloriosus rex Cuͦnradus eidem ecclesie in Rietmarchia, nobis autem advocatiam eandem commisit, communicamus. Et ut hec omnia per manus meas et filii mei Liu­pol­di sollempniter celebrata rata permaneant et inconvulsa, tam inpressione sigilli nostri quam et sub introductione testium idoneorum per aurem adtractorum censuimus roboranda. Hii sunt autem testes: Liupoldus iunior marchio de Austria, Eckibertus comes de Buͦten, Vͦlricus de Pernecke, Albertus de Perge, Albero de Steine, Walter de Traisime, Dietmar de Aist, Friderich de Hunisperc, Hartnit de Ruͦggerspurc, Colo de Truhsen, Wulvinc de Stuͦbinberc, Gerunc de Strechow, Otacher de Slierbach, Marquart Beinhengist, Arnhalmus filius Prunonis.
Acta sunt hec apud Lauriacum in cymiterio sancti Laurentii anno dominice incarnationis Mº Cº XLº IIIº, indictione V.