Merck wie man das guldein wasser prennen sol. Transkription der Handschrift UB Graz, Ms. 1609, fol.149v-150v. Astrid Böhm Helmut W. Klug Hyperdiplomatische Basistranskription der Handschrift Graz, UB, Ms 1609 Astrid Böhm Karin Kranich Elisabeth Raunig Helmut W. Klug Land Steiermark ZIM-ACDH, Universität Graz Zentrum für Informationsmodellierung - Austrian Centre for Digital Humanities, Karl-Franzens-Universität Graz GAMS - Geisteswissenschaftliches Asset Management System Creative Commons BY 4.0 Creative Commons BY-NC-SA 3.0 Januar 2020 Graz o:malab.ms16090149v Austria Styria Graz Karl-Franzens-Universität Graz Universitätsbibliothek 1609 34/8 15. Jahrhundert, 1488 und 1451 als Daten in der Handschrift Deutsch Digitale Edition Mediävistik Sachliteratur Fachliteratur Medizin Farbrezept Wäschepflege Haushalt Reinigung Editionsrichtlinien Editorischer Bericht Graz, Universitätsbibliothek, Ms 1609 Mittelalterlabor

Die Datei beinhaltet die Transkription eines Teils der Handschrift Graz, UB, Ms 1609. Die Transkription wurde vom Land Steiermark im Projekt "Etablierung eines Mittelalterlabors an der Universität Graz: Digitale, fachwissenschaftliche und wissenschaftskommunikatorische Aufbereitung der Handschrift Graz, UB, Ms. 1609" gefördert.

 di ut pertotum annum sanus sis in capite cephalicam incide balneare quantum vis cynabre cum pane co= mede Si hic et alia loco suo custodiceris medio non indiges AMEN Merck wie man das guldein wasser prennen sol Von erst nym drey vierdunb saluay vnd j lot muscat ain lot nagl ain lot ingwer ain lot paras= korner ain lot czymer roren vnd leg dy wurczen all in denn pesten wein als man yn gehaben mag also das des weins sextunt mer sey dan der wurczen allersampt Vnd las sew darInn ligenn vnczt an denn xiij tag so seich denn wein ab den wurczen durichRevision: 'd' aus ? ain schons tuech vnd tue dann dy wurczen in ain morser vnd stos sy dann das sy werden als ain taig vnd leg sy denn inden selben wein vnd prenn den wein vnd wurczen aus in ainem newen rosen huet vnd als er dann aus prant ist so leg in denn selben prantten wein frischenn saluay ain lot so pehalt er gancze kraft Dy erst tugent des wassers der vischs oder fleischs da mit sprengt das fault nit All trueb prawn zach oder smeckent wein dy choment all zw ir kraft vnd varib wann man sein ain wenig darIn tuet er hat uil wurczenn chraft daz manigstund pewart ist Inwendige geswer pricht er alle das sy durich den menschen geratent wan man sein ain wenig trincht Auswendige pricht er der sich da mit salpt Alle mayl vntter der augenn vertreibt er der sich da mit pestreicht Er macht auch lungel lerber milcz gesunt wann man sein ain wenig trinckt Er macht chuppfer silber weis der er dar Inn legt Er hailt auch wuntten der sy da mit salbt Er wert den darmgicht der in trinckt Ob ain mensch prechen hat im mund der nem in dar ein den hailt er Er werd auch dem czand we Er macht auch roczige hercz trucken der sein trinckt Er macht auch den menschen gedachtig der Inn trinckt vnd froleich Er vertreibt auch czyrey vnd dy spregel vnd pe sunderleich dy postem wer sich da mit salpt Er ist auch guet fur den kram Vnd gmainkleich alles das das dem menschen ausserhalb dem leib ist der sich da mit salbt der wirt haylbertig etc. Also macht man salua wein nym salua vor sun= bentten dy weil er an seiner chraft ist vnd terr den an dem lufft oder in ainem pachofenn wan das prot wirt her aus genomen Dw solt yn nit an der sunn derren wan dy sun nam ym dy chraft dar= nach mach yn zupuluer in aynem mosar vnd nym des gepuluerten saluay in ain leynen sack als vil alls dich lusst oder als uil als du wein machen wild vnd in dem lesen als dein wein veriesen habent vnd in dem sacz sind so hach denn sack mit dem saluay zw dem peil in den most vnd vermach das peyll gar wol das chain pfnast her aus mug weder von dem wein noch von dem saluay Auch wiss das der gepuluert salua mer chraft hat wen der gancz vnd wie oft du an denn wein geust so ist er am dritten tag gar lautter vnd sichtig Welchem menschen dy leber fault vnd ainen stinckenden adem hat isst er offt wein vnd prot vnd sat gepul= uerten salua dar auf dem wirt sein leber frisch vnd gancz vnd gewingt ain wol gesmachen mund Nym holar plued als uil du wild doch in meinem sinn nym sein mer dan ain mecz messige multer volle vnd abrer das plued ab denn stingelen auf ain weis ley lachenn vnd las es dar auf dorren an dem luft vnd nicht an der sunn vnd schut es in ainen leynnenen sack vnd hacks an den lufft das es nit erfaull noch erschimppel also pehalt das vncz in das lesen vnd ab du es versuechenn welst so nym in ain vas= sel ainen ember most gar wol veriesenn vnd wann er sey in dem sacz so nym den sack mit den holar