Anleitungen zum Färben und Reinigen von Stoffen und Kleidern. Transkription der Handschrift UB Graz, Ms. 1609, fol.135r-141v. Astrid Böhm Helmut W. Klug Hyperdiplomatische Basistranskription der Handschrift Graz, UB, Ms 1609 Astrid Böhm Karin Kranich Elisabeth Raunig Helmut W. Klug Land Steiermark ZIM-ACDH, Universität Graz Zentrum für Informationsmodellierung - Austrian Centre for Digital Humanities, Karl-Franzens-Universität Graz GAMS - Geisteswissenschaftliches Asset Management System Creative Commons BY 4.0 Creative Commons BY-NC-SA 3.0 April 2019 Graz o:malab.ms16090135r Austria Styria Graz Karl-Franzens-Universität Graz Universitätsbibliothek 1609 34/8 15. Jahrhundert, 1488 und 1451 als Daten in der Handschrift Deutsch Digitale Edition Mediävistik Sachliteratur Fachliteratur Medizin Farbrezept Wäschepflege Haushalt Reinigung Editionsrichtlinien Editorischer Bericht Graz, Universitätsbibliothek, Ms 1609 Mittelalterlabor

Die Datei beinhaltet die Transkription eines Teils der Handschrift Graz, UB, Ms 1609. Die Transkription wurde vom Land Steiermark im Projekt "Etablierung eines Mittelalterlabors an der Universität Graz: Digitale, fachwissenschaftliche und wissenschaftskommunikatorische Aufbereitung der Handschrift Graz, UB, Ms. 1609" gefördert.

 Item pawmboltuch Rot machen So nymb wilden saffran als manigs pfunt als tuch wigt vnde nymb den saffran in aynen sack vnd waich yn vbernach yn in wasser das kayn gilb dar Inn pleib Als manig pfunt mass essich ye stercker ye pesser / Vnd nymb die treberen von dem saffran vnd thue sy in ainen sack vnd waich sy in lau gen von kalch gemacht wasch sy drew mal dar aus vnd thue ydlich wasser besunder vnd merck gar eben wie wil die kalk laugen vnd der mass essichs zw den dreyn wassern sey vnd nymb kalk laugen ayn mass essigs vnd y nym das pawmbol tuch peyn den pfunden vnd stos es indie wasser Item wildu weis gewant rayn machen So nymb kreyden vnd sewd dy rayn vnd gews sy in ayn schussel vnd las sy truchen werden + Hat das gewant fleck So nym vor saiffen vnd wasch die fleck vor dar aus vnd nymb dan swel vnd slach den chlain als chlain wurffel vnd nymb aynen haissen cziegel oder czwen wi vill dw bedarfft vnd macht dar uber aynen tisch vnd dechk das gwant mit aynem tuch vnd leg es auff den tisch vnd nymb den swebl vnd leg yn auff den ziegel vnd lass den rauch wol in das gwant gen / vnd wan der rauch wol durch gangen ist / so nym das gwant vnd hengk es auff an den lufft das es wol drucken werdr vnd nymb dan die kreiden vnd reyb sy indas gewant gar wol vnd mach dar nach ain vierfachtigs tuch vnd wint das vmb das gwant vast vnd nymb aynen prugel vnd slach das gewant vncz dich bedunckt das genug hab / so nymb es herwider aus vnd spuch es gar wol vnd hemgk es an den lufft das es drucken wirt vnd nym dan ein stablein vnd slag es gar wol vncz es nicht mer staub hat / Item kerschenharcz wan es zeittig ist an den pawmmen vnd their das harcz gar wol an der sunnen vnd stos es dan in aynem moser wol vnd nymb dan das weis von aynem ay vnd slach das vncz es zw lautteren wasser wirt so nyms dan das harcz vnd misch dar under vnd nymb ayn fe deren vnd bestreich die fleck auff sammat oder gulden tuch es sol wider schon werden Item wildw weis gwant schon machen so nymb ayerschallen vnd stos die gar chlain als wasser vnd gews das auff das gewant vnd lass duer dar auff wer den / so nymb dasselb her ab vnd stos es chlain vnd nymb dan pleibeis vnd kreiden vnd stos das alles vnderainander vnd streich es auff das gwant vnd pindt ain tuch darvmb vnd slag den staub wol daraus zo wirt es schon vnd gut Item wildw Gruen Rot vnd plob oder swarcz wider pringen vnd schon machen / So nym waidaschen oder faule erden vnd mach ayn von kallich vnd thue den waidaschen vnd die faull erden dar eyn vnd wasch das gwant auß vnd nymb aber waidaschen vnd gews die kalk lawg darunder das die lawg scharff werd vnd so nymb dan ayn tuch vnd seich die laugen lawter ab vnd nymb dan scherwol von dem vaerben als das gwant geferbt ist / thue dy wol indie kaltlaugen vnd wasch das gwant wol dar auß so wirt es schonn Item wildw gutten plob zwiren machen / so nym plob oder swarcz haidper vnd dauch sy wol vnd nymb den zwiren vnd druck In vast indie per vnderainander vnd nymb dan diselben per wider auser vnd nymb gruenspannBei 'span' ist ein Schaft zu wenig - oberhalb ist ein Strich/Schaft eingefügt. Da 'i' hier keinen Sinn ergibt, ist das wohl ein Versuch, die Anzahl der Schäfte richtig zu stellen. vnd see den auff den zwiren vnd nymb dan ayn benig allawn vnd thw es auch dar vnder vnd den zwiren dar ein zw dem ploben oder swarczen peren vnd reib das vnderainander vnd wasch dan mit fliessunden wasser vnd hengen dan auff an den schatten / so gewinst dw gutten zwiren Item wildu seiden neczen das dy varb nichil ab ge / So nymb wasser von kalk vnd lass das wol sieden vnd stoß dan die seiden dar ein / so pleibt dan die farb etc. Item wildw olfleck oder smalczfleck aus dem gwant pringen / So nym das weis aus dem ay vnd zerslach das wol das es als eyn wasser werdt dar nach thue salcz darein vnd slag es wol das es lauter wirt als eyn wasser vnd streich das auff die flech vnd lass es darauff drucken werden / Thue ees auff seyden fleck vnd lass es si werdent auch schonn Item wildu fleck aus grunnen gwant pringen / So nymb rebaschen vnd mach ayn taigleyn dar aus vnd streich es auff die fleck vnd laß es duer werden vnd reyb es dan ab so wirt es schon Item wildw fleck auß tuch so nynVerschreibung: gemeint ist 'nym'. aichenholz vnd pren das vnd nymb die kolen also gluend vnd schud wasser daruber vnd wasch das gwandt dar auß / so wirt es schon Hye hebt sich an wie man maill vnd fleck aus Rosigen gwand oder weis gwanndt oder swarcz gwant wider pringen sol oder was varb es ist Rott gwant oder samat oder aus gulden th tucheren oder wie man gulden porten schon machen soll Item wildu fleck aus Rosigem gwant pringen / So nym ayr tottern vnd zerslach sy wol vnd reib sy auff die fleck das sy durch slahen /esvnd leg /es dan Iniz die sunnen das es wol dur werd / so nymb dan sayffen vnd warm wasser vnd wasch es gar rain / so gend die fleck aus vnd wirt schon vnd rayn Item wildu gwand wider weis machen So nymb ayrschallen vnd stoz die gar klain vnd netzet wasser von aynem knaben der Iung sey vnd thue es daran da es dan maillig oder fleckit ist also das es wirt als ayn mues vnd las es hert werden / so nymb dan das selb vnd stos es wider klain vnd nymb dan pleibeis vnd kreiden vnd stos aber vnder ainnander gar wol vnd streich es an das gwand vnd wind es vberain nander / vnd wind dan ain tuch dar umb vnd nymb dan ainen prugel vnd slag den staub dar auß / so wirt es widerumb rain Item wildu gruen oder swarcz gwand pletz wider schon machen So nymb faule biden vnd thue es dar auff vnd las es durr werden vnd nymb dan wayd aschen vnd mach einen kalkas dar ab wasser sied vnd gews es uber dy waidaschnn vnd lass dan lautter werden vnd seich es dan ab vnd nymb dan anderen waid aschen vnd gews dan den kalkas darauff so wirt es sterker vnd scherffer vnd nymb dan scherwol die man von dem selben gwand schirt der selben varb als das gwand ist vnd thue es indie kalkas vnd wasch das gwandt dar auß so wirt es schon Item wildw Rot oder grob gwant widerpringen so nymb gut wein vnd wasch es dar aus vnd leg es zwischenn zwaier warmer prolt und las es druchen werden so wirt es wider rayn Item wildu fleck auspringen es sey welcherlai varb das well / so nymb arbais vnd sewd die das die pelg abgen vnd nymb dan das wasser von den arbaisen vnd wasch die fleck dar aus / so werden sy gar schon vnd rayn Item wildu seiden neczen das dy varb nit verlier so laiß ayn wasser sieden vnd necz dan die seyden daraus so get dy varb nit ab vnd wasch sich wol etc. Item wildw wissen wie man die varb an samat wider pringen soll vnd an gulden tucheren das bemasset wer das es fleck hab / so nymb pach wasser vnd gews auff die fleck vnd leg an den lufft das die sunn nit dar an chomen mag vnd lass druchken so wirt es wider Rain vnd gutt als vor vnd ob das nicht helff / so nym swarcz kerschenharcz wan es zeittig ist an dem pawmen vnd dherr es gar wol an der sunnen das es duer werd wan das nott thuet an samat oder an gulden tucheren die da be mostet werden / so thue das gedert harcz in aynem moser vnd stos das gar chlain vnd nymb dan ayrclar alsuil das not ist vnd zerslach das gar wol das es zw ainem lautteren wasser wirt vnd slach dan das selb harcz mit dem selben wasser vnd nymb dan ain federen vnd streich dan das auff die seiden oder auff das seiden tuech oder gulden tuch oder auff samat wo dan die fleck sint / so wirt es dan wider schon etc. Item wildu seiden machen das sy sich wol valtet / so nym gar gersten vnd sewd die mit pachwasser das sy sich pelg / vnd seich das erst wasser ab vnd gews anders wasser dar an / vnd das es vberget vnd seich dan das wider ab vnd gews aber anders dar an vnd lass das sieden pis den gersten die peld ab= gen vnd seich den das wasser von der gersten vnd necz dan die seiden dar Inn vnd las sy dan durcken werden so falt sy sich wi man wil Item wildu seiden necen das palt drucken wert / so nym warm prott das erst aus dem offen get vnd prich das auff vnd lass den tunst indie seiden gan / so wirt sy Wider frich / vnd ab dw nit warm proett hast so nym zwen zigel stain v?nd mach die warm vnd gews Wasser dar auff vnd lass den tunst indie seiden gen so wirt sy gut vnd faltet sich wol Item wildw guldenn porten schon machen / so solt dw nemen warm prot vnd solt das auff prechen vnd solt den guldenText bricht hier ab.