Grazer didaktisches Textportal zur Literatur des Mittelalters

Seckauer Margaretenlegende

Transliteration

Getoerſt ich voer meiner miſſetate. bie gern ich herregot dich
pete. daz du durch billen deſ trauten ſunes dein. v(er)gebeſt der
groezzen ſchulde mein. vnd mier ſandeſt deinen ſtroeſt gaiſt. der aller guete iſt vollauiſt. der mich beiſ vnd lere.
daz da {herre} ſei dein lob vnd dein ere. manichvaltich iſt hrre dein
gebalt. vil groez iſt dein guete. du biſ mein geniſt. da du daz ſbendun veuer ſuſt piſt. hic ba{i}z baz sp{r}echen mere. imer
ich ſag dier lob vnd ere. zebundern du bol piſt. band du bund
erleicher piſt. den allez daz der iſt. bol ſind boerden deineu bunder ſchein. an ainem vil hailigen magedein. gehaizzen
baſ ſi margarete. got ſi vil holden hete. bol ſchain daz dar
an. alſ ich andem puech vernomen han. bande ſi truech {manneſ} muet. dochez manegen man nicht dauch guet. bie daz allez ſei dergang.
daz vernemet {bol} beib vnd man. nu freu ſich beibes guete. daz
vnder in funden ſei ain ſo ſtarch gemuete. gepezzert ſein dapei die man. goteſnamen ſo heb bier an. Nach der marter
vnd nach der vrſtende. vnſers heren ieſu xpi. vnd nach ſeiner
lobleichen aufferte. hin ze himel {zu} got vater almechtigen.

Lesefassung

Getorst ich vor meiner missetate,
wie gern ich herregot dich bete,
daz du durch willen des trauten sunes dein,
vergebest der grozzen schulde mein
und mir sandest deinen trost geist,
der aller guete ist volleist ,
der mich weis und lere,
daz da herre sei dein lob und dein ere.
Manigvaltig ist herre dein gewalt,
vil groz ist deine guete.
Du wis mein genist,
da du swenden veuer sust bist.
Hic weiz waz sprechen mere,
imer ich sag dir lob vnd ere.
Ze wundern du wol bist,
wand du wunderleicher bist,
den allez daz der ist.
Wol sind worden deiner wunder schein
an einem vil heiligen magedein,
geheizzen was sie Margarete.
Got sie vil holden hete,
wol schein daz dar an,
als ich an dem buch vernomen han.
Wande sie trug mannes mut,
doch es manegen man nicht daucht gut.
Wie daz allez sei dergang,
daz vernemet wol, weib und man.
Nu freu sich weibes guete,
daz under in funden sei ein starc gemuete.
Gebezzert sein dabei die man,
Gotes namen so heb wir an: