Ingredients:
- speck (bacon)
- butter (butter)
- karpffen (carp)
- sott (carp broth)
- fleisch (carp filet)
- kopff (carp head)
- dermer (carp intestine)
- Rucken (carp saddle)
- Lunglein (carp swim blatter)
- schwantz (carp tail)
- eyer (chicken egg)
- geschmeltzte butter (clarified butter)
- Johannes beerlein safft (currant juice)
- Ingber (ginger)
- zittronen (lemon)
- schalen (lemon peel)
- muscatten blumen (mace)
- muscatten (nutmeg apple)
- Pettersilgen (parsley)
- Pfeffer (pepper)
- Rossinlein (raisin)
- bruelein (sauce)
- saltz (table salt)
- zucker (unrefined cane sugar)
- waßer (water)
- semmel (white bread)
- wein (wine)
Tools:
- Keßel (cauldron)
- brett (cutting board)
- Pfannen (pan)
Categories:
Main ingredient: fish fishPreparation: pan fried panfriedType: -Ein gebackenen karpffen in sauern vnd suessen sotte Braun etc. Nim den Karpffen schiepffe in schneidt das fleisch zwey finger breitt vff beiden seitten von kopff an biß auff den schwantz oben herunder ab vnd nim in aus wie sunst wen man in bratten will nim die dermer von den karpffen mache sie rein vnd wesche sie vffs Reinste aus als dan nim das Lunglein das zwischen die dermer sitzet auch darzu vnd ein wenig semmel hack es mit ein stucklein speck fein klein durcheinander wen du es gehackt hast so wurtz es abe mit Pfeffer Ingber vnd muscatten blumen vnd thue auch kleine Rossinlein darein schlag eyer darzu Ruhr es wol durcheinander mit zergangener butter vnd saltz es auch als dan fulles in den karpffen wieder hinein an Inwendigen nehe in feste zu nim in vnd lege in in ein Keßel so lang er ist vnd saltz in wol geuß wein vnd waßer darzu laß in einen sott auff Thun nim in als balt wieder heraus sihe dich vor [104v] das du in nicht zu Reist lege in auff ein brett nim dasselbige fleisch so aus den Rucken geschnitten hack es mit Pettersilgen klein vffs bestu kanst schlag eyer darzu wurtz es ab mit Pfeffer muscatten blumen vnd Ingber Thue auch kleine Rossinlein darzu nim vnd fulles wieder in den Rucken vff beiden seitten so lang der karpffen ist als dan nim sehr heiße geschmeltzte butter in einer gerumen Tieffen Pfannen laß in gemach backen wen er vff einer seitten gar ist wen in vff die ander seitten das er gelb wirdt darnach nim den sott darin er vff gesotten Thue in in ein eyssern Pfannen wurtz es ab mit zucker Ingber vnd ein wenig Pfeffer vndt wens wol gesotten so geuß ein gutt Theil dunnen Johannes beerlein safft darzu laß wol mit einander sieden vnd wen es ein dickes bruelein ist so nim ein zittronen schele die schneidt die schalen auch darein vffs kleinste vnd die zittronen scheubicht wirff sie auch hinein vnd wen du wilt balt anrichten so nim eine muscatten reibe sie thus in den sott vnd geuß in vber den Karpffen hero vnd lege die schnittlein oben darauff etc.