Ingredients:
- butter (butter)
- karpffen (carp)
- sott darinn der karpffen (carp broth)
- fleisch (carp filet)
- heubt (carp head)
- Rucken (carp saddle)
- schwantz (carp tail)
- zimmet rinden (cinnamon)
- geschmeltzte butter (clarified butter)
- nelcken (clove)
- feiste (fat)
- fisch (fish)
- mehl (flour)
- Ingber (ginger)
- gruene Pettersilgen (parsley)
- Pfeffer (pepper)
- saffran (saffron)
- soettlein (sauce)
- gewurtz (spice)
- saltz (table salt)
- zucker (unrefined cane sugar)
- essig (vinegar)
- wasser (water)
- wein (wine)
Tools:
Categories:
Main ingredient: fish fishPreparation: pan fried panfriedType: sweet sweetEin gebackenen karpffen mit einen sauern vnd suessen sotte etc. Nim den Karpffen schiepffe in darnach schneidt das fleisch daruon oben an den Rucken vff beiden seitten als 2 gutte finger breitt vom heubt biß vff den schwantz als dan Thue in in 5 stucken theilen so nim das heubstuck hernach vnd theile es mitten von einander die andern aber nicht nim den fisch oder Karpffen wesche in sauber aus nim ein keßell Thue saltz darein lege die heub vnd schwantz stuck erstlichen darnach die mittel stucken oben hero geuß halb wein vnd halb wasser darab das abgeschnittene fleisch von den Rucken behaltt heraus vnd laß ein gutten sutt mitteinander thun nim ein stuck so heiß heraus als er ist eins [103v] nach dem andern vnd besprengs mit mehl vnd thue in ein ander fisch Tiegel ein gutt Theil geschmeltzte butter laß sie siedent heiß werden vnd lege den Karpffen darein das er fein gelb wirdt laß in gemach backen vnd nim den sott darinn der karpffen vor gesotten ist geuß in in ein eyßern Pfannen mit beinen vnd lege das abgeschnittene fleisch auch in den sott hinein wurtz es ab mitt zucker Pfeffer saffran Ingber nelcken vnd zimmet rinden vnd geus auch ein eben Theil essig darzu vnd laß gemach miteinander sieden damit es ein dickes soettlein wirdt kosts wen es beginnet dick zuwerden ists nicht sauer oder sueß genug da thue mehr zucker oder gewurtz darzu wen du den Karpffen aus der heißen butter hast so nim ein gutt Theil gruene Pettersilgen wirff sie auch in die heiße butter vnd nim sie als balt wieder heraus Thue sie in ein schussell setze sie von ferne gegen das fewer das das feiste daruon laufft oder Treifft als dan nim den Karpffen leg in in ein schussell wen du wilst anrichten vnd strawe Pettersilgen daruber vnd nim ein wenig zimmett rinde Thue es in den sott rurs wol durcheinander nim als dan des abgeschnittene [104r] fisch das in sott gesotten legs wol auff den fisch so gebacken vnd geuß den sott daruber hero etc.