Ingredients:
- Butter (butter)
- mehl (flour)
- Ingber (ginger)
- Kopff (head)
- schmaltz (lard)
- hecht (northern pike)
- leber (northern pike liver)
- grieß (semolina)
- Saltze (table salt)
- Essigk (vinegar)
- wasser (water)
- wein (wine)
Tools:
Categories:
Main ingredient: fishPreparation: complexType: show dishDreyerley Essen von Einem hecht vndt das er doch ganz bleibet Also gesotten gebraten vnndt gebackenn etc. Nehmett einen gueten schussell hechtt schneidt ihn Am bauch ein wenigk Auff nim ihn Auß biß Auf die leber [76v] Schuppe das Forder vndt hindertheil zerkerbe vnndt Saltze es das mitteltheill Lass vngeschuppett begeuß es mitt einem Essigk das es schoen blaue wirdt Stecke ihn Als dan An einen Spies schlage ein rein tuch das in wein genetzett ist vmb das mittell theill bindt es An beiden oerten mit eim faden zu damit Kein feistes dahin Rinnen Kan vndt wen der hecht mitt dem Spiess Ans feuer gelegt ist vndt das tuch treuge werden will begeus das thuch Immer mitt halb wasser vndt halb wein [77r] So Seudt er Am Spieß So wohl Als im tiegell oder Kessell den Kopff oder Foerder theill mit mehl oder grieß vndt begeus ihn den Immer mitt heißen schmaltz vndt wieder mitt mehl oder grieß So backet er wie in einer Pfannen das hinter theill bespreng mitt Ingber Saltz vndt begeus es etzliche mahl mitt warmer Butter das bret sich fellesten man muss Aber den Spieß mitt vleiß vorwaren damitt Er nicht zubricht vndt Abfeldt So mache feine Lange vndt schmahle hoeltzlein ein guett theil die bindt vber den Kopff [77v] mitt bindtfaden deßgleichen Am Ende des schwantzes feste Ahn Auch in der mitten do es von noeten wen es nun Allenthalben Also gemacht vndt der hecht zugerichtett ist So zeuch ihn gemach vom Spiess Abe Richte ihn Also gantz in eine schussell Ahn mache ein Soedtlein daruntter wie man will welche zuuor beschrieben vnndt gemeldet sein Es ist ein Seltzam guett vndt zierlich Essen So mann Rechtt damitt vmbgehett vndt zurichtett etc.