Categories:
Main ingredient: eggs eggsPreparation: pan fried panfriedType: -Wie Eine Riebe gebackens oder Auff eine Andere monier zumachen etc. Nehmett 3 loeffell voll mehl vndt Sechs Eyer machett einen gueten teigk dauon vndt nim dan ein wenigk millich vndt thue Kleine Rosinlein darein doch das er dinner sey dann ein gemeiner Streubel teigk vndt Nim ein leines Secklein thue den Teigk darein doch das das Secklein Kaum halb voll sey nee es dann zu vndt Legs von Stundt Ahn in einen kessell mit siedigen wasser [204v] vndt laß eine guete halbe Stunde sieden vndt Kehre ihn offte vmb mitt eynem loffell wan es gnung hadt So thue das Seckle Auff Als dann schneide ihn in der dicke Als ein Riebe vndt einer Foerder Span Langk Oder Auf eine Andere Artt wie man will vndt Lege sie in ein schmaltz vndt backes fein langsamb So werden sie schoehn vnndt Gutt etc.