Ingredients:
- Mandeln (almond)
- ziemet (cinnamon)
- Neglein (clove)
- datteln (date)
- Ingber (ginger)
- schmaltz (lard)
- mußcaten (nutmeg apple)
- Kleine Rosinlein (raisin)
- bratt fische (roasted fish)
- Saffran (saffron)
- zucker (unrefined cane sugar)
- wasser (water)
- Reibe Brosam von einer Semmell (white breadcrumb)
- wein (wine)
Tools:
Categories:
Main ingredient: fruitPreparation: pureeType: sweetEin Krefftiges muess vor gesundte [172v] vnndt Krancke Personenn dinstlich etc. Nehmett ein halb Pfundt Mandeln schele Stoes vndt Reibe sie Klein dan nim eine handt voll Kleine Rosinlein ein guett theil ziebeben oder grosse Rosinen erwelle sie in einem lauelichten wasser vndt thue die Kern herauß vndt hacke es Alles Klein vndereinander will man es Aber gar guett vndt Krefftiger haben So nim Auch datteln darzu vnndt hacke sie gar Klein darnach Laß ein schmaltz in einer Pfannen oder tiegel heiß werden Reibe Brosam von [173r] einer Semmell vndt Roeste sie wohl darinne thue darnach das obbemelte Alles darzu vndt geus ein Suessen oder andern guten wein darzu menge ein guett theill zucker darein wurtze es wohl mitt Ingber geriebener mußcaten Neglein ziemet vndt Saffran vndt laß wohl Sieden Ruhre es offte vmb das es nicht Anbrenne So es nun gnungk gesotten vndt niht zu dinne ist So richte es Ahn Streuhe ziemett daruber vndt gibs warm oder Kaldt es ist ein herrlich vnndt Krefftig vndt guett muss [173v] mann magk es Auch wohl An stadt eines Soedtleins vnter gebratens oder bratt fische geben So ists Auch Rechtt etc.