Ingredients:
- Witling (Whiting)
- Butter (butter)
- hechtt (northern pike)
- Rochen (ray)
- Saltz (table salt)
- waßer (water)
Tools:
Categories:
Main ingredient: fishPreparation: boiledType: -Einen gedoerreten Witling hechtt Oder Rochen zue weßern das er Auch Sehr dicke wirdt vndt wie er darnach recht vnndt guett zu Sieden Sey etc. Nehmet den witling lege ihn in ein laulich [116r] waßer Laß ihn eine nach darinne liegen Nim ihn darnach herauß zeuch ihn die hautt Abe vndt thue die greten dauon Lege ihn Als dan in eine scharffe Lauge tagk vndt nachtt Nim ihn wieder herauß wasche ihn rein vndt geus ein frisch fliessendt wasser daruber vndt laß eine nacht darauff stehen damit sich die lauge Außziehe So wirdt es schoen Lauter vndt dicke das es ein wunder Also Kahn man gedoerrten hecht vndt Rochen Auch thun So man ihn nun Sieden will So setzet ein vngesaltzte [116v] wasser in einem Kessell oder tiegell vber Lege den witling gemach darein vndt laß ihn eine halbe Stunde fein Langsamb Sieden So man ihn nun Anrichten vnt vortragen will So hebe ihn mitt einer schaum Kellen gemach Auß das er nicht zerfeldt Laß ihn Abseigen geus dan eine zerlassene Butter daruber vndt besprenge ihn mitt Saltz das Er Also warm vorgetragen wirdt dan so das Saltz lange darauff lieget wirt es wieder zu wasser etc.