Ingredients:
- Karpffen (carp)
- naegl stup (clove)
- taigs (dough)
- blat (dough sheet)
- Vischen (fish)
- Ingewaidt (fish intestine)
- mehl (flour)
- gehornn (horn)
- mußcatbluee (mace)
- gilbs (saffron)
- stup (spice)
- salltz (table salt)
- eßig (vinegar)
- waßer (water)
- Ayer dotter (yolk)
Tools:
- Bachofen (baking oven)
- benßl (brush)
Categories:
Main ingredient: fishPreparation: pieType: -Pasteten Von Vischen So Nim ein großen visch vnd nicht zu groß thu in auf Nim die gall herauß daß Ingewaidt laß darin vnd scherpf denn visch gar schon wie man denn Bachuischen thuet an denn Seitten soll man den visch auf thun Ist es ein Karpffen oder ein schuepenfisch so schuep in salltz fein ein laß ein weil darin ligen Darnach besprenng in wol mit eßig vnd stup in Innen vnd Außen mit guetem gewuertz etlich naegl stup mußcatbluee laß aber ein [49v] guet weil drinn ligen vnd baisten darnach Nim ein schon außtzogens truckhens mehl vnd knith in ain gute weil mit ainem heißen waßer das er zech werdt Saltz ein wenig Nim dann des taigs vnnd wellg ein weith blat Außeinander Eines halben fingers dickh leg den Pastetten visch gleich ganntz auf das blat sturtz das ander halbtheil vber den visch vnd wie der visch ist also schneidt den Taig vmb vnd vmbher Aber laß nun souil taig fuergen Daß du vmb vnd vmb krentzlein magst mit der handt darnach Nim ains oder zwej Ayer dotter begeueß ein wennig gilbs waßer dran vnd nimb ein benßl vnnd bestreich denn taig vmb vnd vmb Scheueß in ein Bachofen laß wol ein Stundt oder Annderthalbe darnach der visch ist bachen Nim in dann heraus solch Pastetten gehornn kallt zugeben bleibt aine Acht tag gueth