Ingredients:
- puter (butter)
- bieda (chard)
- ayr (chicken egg)
- zimet (cinnamon)
- negele (clove)
- oell (cooking oil)
- tayg (dough)
- plat (dough sheet)
- ayr klar (egg white)
- mel (flour)
- frischen kes (fresh cheese)
- kreuter (herbaceous plant)
- schmalz (lard)
- muschat (nutmeg apple)
- parmisan kes (parmesan cheese)
- peter syll (parsley)
- pfeffer (pepper)
- schotten (quark)
- fulle (stuffing)
- salz (table salt)
- wasser (water)
- semel mel (wheat flour)
Tools:
- torten pfann (cake pan)
- predt (cutting board)
- deckhel (lid)
- tribl (rolling pin)
Categories:
Main ingredient: vegetablesPreparation: pieType: -Ain tortta von kreuter zu machen ad 5 october Erstlich nim grien kraut bieda genandt 2 tayl vnnd ain tayl peter syll das schneyd klain doch nit gar zu klain Dis alles vngefar 3 guet hannd foll vngeschnitten Dar zue nim 3 frische ayr die zerschlag fein durch ain ander Nim parmisan kes griben zwo gaffen foll vngefar Das obstenndt kraut wan daz geschnitten geus ain ain guete hannd vol guet oell daran oder souil schmalz vnnd Ruers durch ain annder wie ain sallat Nim schotten oder frischen kes als gros als zway gans ay Nim zimet negele muschat vnnd pfeffer Iedes ain wienig Dis alles musch vnnd Ruers durch ain annder mach ain materj darauss so ist die fulle zu der torte berayt [285r] Nach disem nimb ain gute gaffen voll vorder guet semel mel vnnd nimb ain frisch wasser daz salz woll daz gar versalzen sey Ruer daz mel damit ab mach ain harten tayg Dauon den walg woll vnnder den hennden Auff Ainem sauberen predt daz er wollgearbayt werdt winters zeyt darff der tayg nichts Annders dan gesalzen wasser aber Sommers zeytten In der hiz ist von neten ain ayr klar darzue das macht den taig In der hiz vest Aber der tayg mues nit gar zue hart sein dan er Last sych zu der torte nit Auspraytten aber krepfflen zue machen mag man In hoerter machen Disen tayg nim halb vnnd nimb ain tribl mach ain prayt plat darauss als gros du die torta haben wilt dasselb pladt mach din darnach nim die torten pfann die soll kupherin sein vnnd verzeit mit ainem klainen Ranfft vngefar 2 guete span weyt vnnd 3 zwerch finger hoch geus oll oder schmalz darein zeuch das pladt darunder vnnd zeuchs woll auss ainannder das yber die Ranfften der pfan ganng Darnach nim die gemelt full vnnd praydts darein auss ain annder fein gleich auss [285v] Darnach nim daz annder plad vnnd praydes auch vber der full auss vnnd zeuchs vber der tortten phan auss Schneyd darnach Rund herumb Im Ramfft der tortten pfannen die pletter oder tag ab vnnd vmb vnnd vmb darnach zwischen zwayen fingern mag ain pug vnnder sych schlecht zeuch den tayg vnnder sych wie ain wolckhen vnnd hie neben zeichnet Darnach nimb puter oder schmalz als vill als Ain ganns ay vnnd legs oben Auff dise haut Auff die torta stich yberal locher In die selb ober haut Damit wans schmalz zerget daz hinein In den torten ganng darnach so deckh die torten zue mit Ainem Ieden deckhel