Categories:
Main ingredient: offalPreparation: complexType: show dishWie man machen sol ain wilden sweinskopff das hellisch flamen dar aussz faren etc. Nim vnd sewed jn wann er dann gesotten sey so nim jn vnd sneid jn wuerfflot das er dannocht gancz sey nim ymber vnd sae die dar auff ueber al aber der sweinskopff so gancz sey das er nicht von anander gespalten sey vnd wann du die ymber dar auff gesaett haust so nim ain schuesselvol gepranczs weins vnd gewesz aussenthalb auff den kopff halbs vnd nim das ander tail des gepranten weins vnd gewssz ez jnnen jn den hals vnd vermach den hals als pald das der wein nicht herauss rinn vnd nim dann ain duers prot als grosz als ain nuess vnd dann ain glueends kislinglin als gross als ain hassel nuss vnd tuo das jn das duerr prot vnd leges dann jn den gepranten wein hin ein jn den hals vnd lasz ez dar jnn ligen vnd gib jn dann ze essen so enzuent er sich von dem gepranten wein vnd von den glueende kisling das flamen dar auss [202v] faren vnd jst vnschaedlich vnd smeck wol Also macht auch machen ain haimischen sweinskopff