§ xl Item gar von gebachenns das sint milch kuochen mach ein struben teig mit milch vnd vermischs gar wol wiltu in gel habenn verhoch in mit saffrann nim die versotten milch als man si macht versotten in einem haffen versottenn in wasser in einem andern haffenn mit eiern vnd starck dick vnd nit ze duenn die selbe milch mach alb ab mit edlenn wuertzen vnd die guotten spicerienn findt man in denn appedecken vnd sin genampte Specie dulce mach einenn duenenn strubenn deig mit eiern oder an eiger mit einem gesotten honig waser Vnd ein wenig saltz vnd ferbirg die milch ouch darin als in kuechlins oder in krappffenn wisse vnd bach si auch gar schonn vnd ouch Braunn Gib sy dar zuo soelichem gebachens gehoertt zucker daruf gesprengt Wiltu aber die kuechlin in mandel milch oder sunst in guottem geiß milch oder sunst in guoter milch gebenn verglbe si vnd zettel ein luter schmaltz daruff vnd trage si fur