Categories:
Main ingredient: fruit fruitPreparation: pan fried panfriedType: -§ xxxij [18v] Item wiltu gefuelte bratten birn machenn die man einem spis bratts Nim luetts brin vnd reigelbirn schnid die von ein andrenn wuerff die kaernen daruf roest si in einem schmaltz vnd hack si klein tuo honig vnd gewurtz darzuo on gel vnd saltz mach gebratten birn die nit ze weich siend Holle si vs vnd fuelle ye beide teil vnd stuetz si vff ein andern Als vor gelert ist vnd stecke ye ij oder iij an ein spislin Bestrich sie mit einem honig leg si uff einen rost vnd kere si sittlich vmb vnd des erstenn ein klein koln vnd des andern ye roescher vntz das sie gebrattenn sin vnd see den wuertzen daran vnd trag sie fuer also warm vnd also sol man oppfel oder birn fuellenn gros vnd clein schelle si schonn vnd schnide sie ebenn von enandrn holle si us als die nuß schalle bratte si in einem schmaltz nit zuo fast vnd tuo si in ein schone schulsslen vntz du die fuelle bereittest mancherlei wie du wilt als ich dir sag du magst ein fuelle darzuo machenn als man gestuertzte eiger macht vnd alles man kreppse fult