Categories:
Main ingredient: meatPreparation: roastType: -§ xvij Item ein holbrattenn mach von kalbfleisch alsoe hack das klein vnd oech gar wol tuo es in ein mursing schlach eier darin yttel guot duter vnd enwenig fin melb wurtz es in dem muersing mit schonem saltz ab vnd stos es aber vnder einandrenn Behalt das wiß vnd klopff es uff halb denn mach ein breitlichen gues spis denn bick roew vnd nim das fleisch vs dem muersing bestrich denn spis mit dem aiyer klar vnd netz die hend darinen vnd kleibe das fleisch vmb vnd vmb denn spis gar wol lenglocht in einer dick vnd gar ebenn vnd truck es wol zuo mit nasen hendenn als lang daer bratt ist Leg in zuom fuer des erstenn klein kolln vnd hotz darzuo wende in von dem fuer vnd dar ye lenger ye roescher Beguos es mit aeinem spaecklin oder mit milch schmaltz du magst auch denn spaeck schmeltzen oder gehackt dar in tuon oder milch schmaltz so fuecht es har wider vnd bereits vil schon oder an vnder lasß wende es vmb vnd feier sin nicht so wirt es roesch schnid lange schnitz dar in see ingwer stampff darin stich mit einem holtz dar in nim ein fleisch brue die gilb gar schon tuo schmaltz daran vnd schweitz es einer pfanen begues den braten mit so belipt der linde