§ iiij Item wiltu machen so sued die alte geschmaltzten huener oder die faeissen huener gar wol feim si gar woll vnd mach die bruo luter als ein brue von wasser vnd gueß nicht mer daran saltz es versued es nicht duo daz huon vs vnd behalt die brue sige das faeis ab in ein ander haffen vnd die mager brue in ein andern die las also stan dan wuerff die huenner vff ein banck vnd zuech die grossen bein uß vnd hack sie dann gar klein weich ein klein wis Broessemlin Brots in der magern Brue gar wol vnd nim dann das brot vnd die huener vnd stos gar wol in einem muersing zwing es durch ein pfeffer tuoch mit der Altenn huener brue stos es ander wite vnd zwing es aber durch Ist es zuo duenn so tuo mer wis brotts darin zwing es durch ist es ze dick so zwing es an brott durch tuo es in ein pfannen erwelle es vnd mach es ab mit wurtzen vnd mit saltz als es nun durch ist gangen daz sin vnd heis gestossenn huener tuo daruff ein luter schmaltz vorhalten Also mercke allerley voglen gestossenn alSo gemacht vnd mit sid farb Abgesotenn