Categories:
Main ingredient: doughPreparation: pastryType: -Pachens Wildw machen ein gutz pachens treyerlay pletter aus gruen dan ander weys daz trytt gelb So nym ayr vnd thu daz weiß we sunder vnd hack petersill chlayn vnd reib In chlayn vnd reib ayr dar vnter vnd nym dan ein pfann vnd mach sey hell mit schmalcz vnd mach dan ein gruen plat vnd thu daz plat her aws vnd mach dan ein gelbs plat von dem dotteren vnd daz thue auch her aws vnd schlach dan daz weyß vnd mach ein weys plat dar aws leg es auch her aws vnd leg dy drew pletter auf eyn ander vnd daz gruen In dy mit vnd schneyd es dan chlayn schaffczaglat vnd stoes es an eyn spyssel vnd mach dan ein tayg von ayren vnd [278v] Von wasser mach In gelb vnd zeuch es durch den taig vnd pach es In ainem schmalcz vnd zeuch dan dy spissel dar aws vnd schneyd es dar nach der leng von ein ander vnd leg es dan auf dy schussel vnd zuckers gnueg dar auf vnd uer salcz nicht