Geyslicz Wildw machen
geyslich aus
chelber fuessen versewd sy wol In
wein wan sy nu versoten sind so thu sy aws der
prue vnd stos sy chlayn In ainem
moerser vnd streich sy
mit der
prue durch ein
tuech vnd thu dar ein
honig vnd gutt
gwurcz vnd laz wider syden vnd fa yms schon vnd gewß dan auf ein chlaine
pfan vnd laz es sten vncz es hert wirt so thu es dan uber den
herdt vnd zuck es pald her wider ab vnd schlachs auf eyn
panck so schneydestw es wy du wild vnd uersalcz nicht