CoReMA

Cooking Recipes of the Middle Ages

HELP

String search in upper right corner, use of wildcards is possible:

  • * fill in 0 or more characters
  • ? fill in 0 or 1 character
  • Use the arrows to navigate between hits.

Buttons underneath highlight semantic annotation visualisation, buttons are displayed in relation to the annotation of the text (if a button is not here, the data is not annotated!)

  • Ingredient: (usually) edible material used in cooking
  • Dish: general category of food
  • Tool: equipment used in cooking
  • Name: proper name of dish
  • Instruction: one set of action during dooking
  • Opener: phrase opening a recipe text
  • Closer: phrase closing a recipe text
  • Ref.: reference to another recipe
  • Kitchen Tip: set of actions concerning cooking
  • Household Tip: set of actions concerning household matters
  • Serving Tip: set of actions concerning dishing and serving the food
  • Speech ( ): active speech act of chef or other individual
  • Excluded ingredient ( ): potential ingredient is actively excluded
  • Compared to… ( ): comparison to suggest shape, measurement, etc.
  • Analogy ( ): something other is simulated (“fake” dish)

Indexes of ingredient and tool concepts reachable via English translation in brackets trailing Early New High German spelling

Single recipe view reachable via recipe title and number or

Single recipe view reachable via recipe title and number or

This is the most recent version of this document. See change log [156r]
Diz buoch sagt von guoter spise Daz machet die vnverrihtigen koeche wise
Ich wil evch vnderwisen . von den kochespisen . der sin niht versten kan . der sol diz buoch sehen an . wie er groez gerihte kuenne machen . von vil kleinen sachen . dise lere merke er vil eben . die im diz buoch wil geben . wanne ez kan wol berihten . von manigerleie gerihten . von groezzen . vnd von kleinen . wie sie sich vereinen . vnd wie sie sich besachen . daz sie klein gethrahte zvo hoher spise machen . der sol diz buoch vernemen . vnd sol sich niht enschemen . ob er fraget des er niht enkan . des bescheit in schier ein wiser man . wer denne kochen woelle lerne . der sol diz buoch merken gerne .
*Cherry and almond puree* (Nr. 1) [cooking recipe]

Ein konkavelite . I . Zvo einer schuezzeln ze machen . man sol nemen ein phunt mandels . vnd sol mit wine die milich vz stoezzen . vnd kirsen ein phunt . vnd slahe die durch ein sip . vnd tuo die kirsen in die milich . vnd nim einen vierdung rises den sol man stoezzen zvo mele . vnd tuo daz in die milich . vnd nim denne ein rein smaltz . oder spec . vnde smeltze daz in einer phannen . vnd tuo dar zvo ein halbe mark wizzes zuckers . vnd versaltz niht vnd gibz hin

*Deer liver, to preserve* (Nr. 2) [cooking recipe]

von einer hirz lebern . ij . Ein hirzes lebern sol man braten vf eime roeste die man lange behalten wil . vnd sol die duenne sniden zvo schiben . vnd nim einen reinen honicsaum den suede . vnd nim denne yngeber . vnd galgan vnd negelin . die stoezze vnder ein ander . vnd wirfe sie dar in . vnd nim denne ein faz . oder ein schaf dor in du ez wilt tuon . vnd waschez gar rein . vnd guez ez dor in ein schiht honiges . vnd lege denne ein schiht lebern . vnd also fuerbaz . vnd legez vaste vf ein ander vnd setzze daz hin .

*Blanc manger* (Nr. 3) [cooking recipe]

wilt du machen einen blamensier . iij . Wie man sol machen einen blamenser . Man sol nemen zigenin milich . vnd mache mandels ein halp phunt . einen vierdunc ryses sol man stoezzen zvo mele . vnd tuo daz in die milich kalt . vnd nim eines huones brust die sol man zeisen . vnd sol die hacken dor in . vnd ein rein smaltz sol man dor in tuon . vnd sol ez dor inne sieden . vnd gibs im genuoc . vnd nime ez denne wider . vnd nim gestoezzen violn vnd wirfe den dor in . vnd einen vierdunc zuckers . [156v] tuo man dor in vnd gebs hin . Also mac man auch inder vasten machen einen blamenser von eime hechede .

*Greek chicken* (Nr. 4) [cooking recipe]

huenre von kriechen . . iiij . Diz heizzent huenre von kryechen . Man sol huenre braten . vnd ein fleisch eines swines . weich gesoten vnd gehacket vnder ein ander . vnd nim einen vierdunc roesen dor zvo vnd nim yngeber vnd pfeffer . vnd win oder ezzig vnd zucker oder honic . vnd siede daz zvo sammene vnd gibs hin vnd versaltzez niht .

*Greek rice* (Nr. 5) [cooking recipe]

diz heizzet ris von kriechen. . v . Diz heizzet ris von kriechen du solt ris nemen . vnd suede ez in eime brunnen . zvo halben wege so guezze daz wazzer abe vnd suede ez denne in eime reinen smaltze . vnd guez daz smaltz denne her abe . vnd ein zucker dor vf vnde gibs hin vnde versaltz niht .

*Pagan pastry* (Nr. 6) [cooking recipe]

heidenische kuochen . Diz heizzent heidenisse kuochen . Man sol nemen einen teyc vnd sol dunne breiten . vnd nim ein gesoten fleisch . vnd spec gehacket . vnd epfele . vnd pfeffer . vnd eyer dar in . vnd backe daz . vnd gibes hin vnd versirtez niht .

*Brains, roasted* (Nr. 7) [cooking recipe]

ein kluoge spise . . vj . Diz ist ein kluoge spise ein hirn sol man nemen vnd mel . vnd epfele vnd eyer vnd menge daz mit wuertzen . vnd striche es an einen spiz vnd bratez schoene vnd gibz hin . daz heizzet hirne gebraten . Daz selbe tuot man einer lungen die da gesoten ist

*Hazel grouse* (Nr. 8) [cooking recipe]

diz sint haselhuener . . vij . Haselhuenre von friesental mache also . Man sol nemen reynevan vnd peterlin . vnd salbei vnder einander vnd ein wenic broetes geriben dar zvo . vnd wuertze vnd eier vnd ribe daz mit wine . vnd suede daz wol vnder einander vnd gibz hin .

*Suckling pig, roasted* (Nr. 9) [cooking recipe]

ein gebraten gefueltez ferhelin . . viij . Ein gebraten gefultez ferhelin mache also Nim ein verkelin daz drier wuochen alt si . vnd brue daz kuele . vnd zuehe im daz har allez abe daz man ez iht wunde . So sol man im vemme den rans vssene die hut lazzen . vnd loese beide fleisch . vnd gebeine abe . vnd allez daz ez in dem libe hat . an die klawen die ez nidennen hat . vf den fuezzen . vnd nime des fleisches daz dor vz gezogen ist wol als zwei eier vnd suede ez vilnach gar . vnd nime danne daz . vnd spec vnd hackez . tuo rowe eyer dor zvo vnd eine sniten broetes vnd peterlin krut . vnd saltz zvo mazze . vnd fuelle da mit daz ferkelin niht alzv vol vnd forne den munt vnd legez sanfte in einen kezzel laz ez erwallen [157r] daz die hut iht zvo breche . so nim ez denne . vnd lege ez vf einen huelzinen roest vnd brate ez sanfte Alz ez denne wol geroest si So nim ein bret vnd lege daz vf eine schuezzeln mache vf daz bret vier steckelin vn cleide daz bret mit eime blat von eyern . vnd setze das verkelin dar vf . cleide ez auch mit eime blate vnd laz im die oeren darvz gen vnd den munt vnde trage ez hin .

*Damson puree* (Nr. 10) [cooking recipe]

Ein kluoge spise . von pflumen . . ix . Man sol nemen kriechen . also . so sie zitig sin vnd tuo die in einen erinen hafen . vnd guez dor vf win oder wazzer . daz si wol zvo kinen . vnd lazze si sieden vnd zvo stoezze sie denne daz die kern niht brechen . vnd slahe die durch ein sip . vnd tuo eine sniten schoenes broetes dar zvo . vnd honic vnd laz ez zvo gen . vnd tuo daz dor zvo vnd win oder wazzer . vnd guezze ez zvo dem muose . mit truckem gestoezzeme krute . also maht du auch wol machen kyrsen muos oder spilinge muos

*Dumplings stuffed with pear, roasted* (Nr. 11) [cooking recipe]

Ein spise von birn . x . Nim gebratene birn . vnd sure epfele vnd hacke sie kleine . vnd tuo dar zvo pfeffer . vnd enis . vnd roe eyer snit zwe duenne schiben von schoenem broete fuelle diz da zwischen niht vollen eines vingers dicke . mache ein duennez blat von eyern . vnd kere daz einez dor inne vemm vnd backez mit butern in einer pfannen biz daz ez roet werde vnd gibz hin .

*Mortar chicken* (Nr. 12) [cooking recipe]

ein guot spise von hunneern . . xi . Eyn gebraten hun zelide cleyne nim wizzez broet mache einen duennen eyer teic saffran . vnd pfeffer stoez vnd tuo daz zvo sammene vnd mengez z wol in einem vazze vnd nim einen moerser mit frischem smaltze . vnd stoez diz alzvo male vnd ebenez oben mit einer kellen . vnd deckez mit einer schuezzeln vnd kere den moerser dicke vmeme gen dem fuere daz er glich heiz habe . vnd weich blibe als er harte werde so seige denne abe das smaltz vnd schuete daz huon in ein schuezzeln . vnd gibz hin .

*Pear puree* (Nr. 13) [cooking recipe]

Ein guote fuelle . . xij . Wiltu machen Ein spise besnide biern schoene vnd spalt in viere vnd lege sie in einen hafen . vnd bedecke den hafen vnd becleibe ez mit teyge daz der bradem iht vz muege denne bestuertze den hafen mit einer witen stuertzen . vnd lege dar vmeme glueende koln . vnd laz ez langsam backen . so nim denne die birn her vz vnd tuo reines honiges dor zvo also vil . als der birn ist . vnd suede ez mit . [157v] ein ander daz ez dicke werde . vnd gibz hin . Also mahtu auch von epfeln . vnd von kueten aber man sol pfeffers genuoc dar zvo tuon .

*Unclear* (Nr. 14) [cooking recipe]

. xiij . Ein gefuelten kuochen Zvo gefulten kuochin nim des dobriz . vnd zvo slahe den mit eyern . vnd tuo dar zvo ein wenic broetes oder gestoezzene vische oder daz dicke von der mandel milich . hie von mac man machen mit gvtem krute kuechin oder waz man wil von muose .

*Mead* (Nr. 15) [cooking recipe]

wilt du guoten met machen . . xiiij . Der guoten mete machen wil der werme reinen brunnen daz er die hant dor inne liden kuenne . vnd neme zwei maz wazzers . vnd eine honiges daz ruere man mit eime stecken . vnd laz ez ein wile hangen vnd sihe ez denne durch ein rein tuoch . oder durch ein harsip in ein rein vaz vnd siede denne die selben wirtz gein eime acker lanc hin vnd wider vnd schueme die wirtz mit einer vensterehten schuezzeln . da der schume inne blibe vnd niht die wirtz dor noch guez den mete in ein rein vaz . vnd bedecke in daz der bradem iht vz muege als lange daz man die hant dor inne geliden muege . So nim denne ein halp mezzigen hafen . vnd tuo in halp vol hopphen . vnd ein hantvol salbey vnd siede daz mit der wirtz gein einer halben mile . vnd guez ez denne in die wirtz vnd nim frischer heven ein halp noezzelin . vnd guez ez dor in . vnd guez ez vnder einander daz es gesschende werde so decke zvo daz der bradem iht vz muege einen tac . vnd ein naht So seige denne den mete durch ein reyn tuoch eder durch ein harsip . vnd vazze in . in ein reyn vaz . vnd lazze in iern drie tac vnd drie naht vnd fulle in alle abende . dar nach lazze man in aber abe vnde huete daz iht hefen dor in kumme vnd laz in aht tage ligen daz er valle . vnd fuelle in alle abende . dar nach loez in abe in ein gehertztez vaz vnd laz in ligen aht tage vol . vnd trinke in denne erst sehs wuochen oder ehte so ist er aller beste .

*Fish pie* (Nr. 16) [cooking recipe]

von pasteden . . xv . Wilt du machen pasteden von vischen So schuope die vische vnd zvehe in abe die hut swenne sie erwallen vnd hau sie zvo cleinen stuecken . hacke peterlin vnd salbey dor in vnd tuo dar zvo pfeffer vnd yngeber zinemin vnd saffran . temper ez allez mit wine vnd mache einen duennen derben teyc vnd tuo die vische dor in vnd guez den win . [158r] dor vf vnd decke ez mit eyme duennen teyge vnd mache daz vmeme vnd vem . gantz vnd brich oben ein loch dor in vnd lege da fuer ein cluesterlin von teyge vnd laz ez backen . Also mac man auch huenre machen auch fleisch oder wiltprete oder ele oder voegele

*Liver sauce* (Nr. 17) [cooking recipe]

von eime gerihte von lebern . . xvj . Man sol nemen ein lebern vnd herte eyer die sol man stoezzen in eime moerser . vnd daz sol man mengen mit luterm tranke oder mit wine oder mit ezzige vnd sol ez ma len in einer senfmuelen . vnd nem zwiboln die solt du syeden mit smaltze oder mit oele daz sol man giezzen veber vische oder veber wiltpret Noch dirre wise mahtu vil anders dinges machen .

*Pike, stuffed with fish and spices* (Nr. 18) [cooking recipe]

. xvij .von gefuelten hechden . Gefuelte hechde sol man also machen . man neme gefuege hechede vnd schuepe die vnd loese in abe den darm zvo den oeren vz . nim vische welcher kuenne sie sin . vnd suede sie vnd lazze vz daz grete stoezze sie in eime moerser hacke dar zvo salbey pfeffer kuemel vnd safran . gestoezzen . saltz sie zvo mazzen da mit fuelle man die hechde . vnd besprenge sie vzzen mit saltze backe in vf eime huelzinen roeste vnd brat in gar schoene . Also mahtu in auch machen mit eyern .

*Eel, seasoned under the skin, roasted* (Nr. 19) [cooking recipe]

von frischen elen . . xviij . Nim frische ele vnd wasche in abe den slim . mit kalter aschen loese in abe die hut bi dem haupte vnd zvech die nider biz an den zagel hacke salbey vnd petersilien . vnd tuo dar zvo gestoezzen ingeber pfefer . enis vnd saltz zvo mazzen wirf vf die ele . vnd zvehe die hut wider veber besprenge die ele vzzene mit saltze vnd brat sie gar vf eime huelzinen roste vnd gib sie hin .

*Salmon, baked in a dough sheet* (Nr. 20) [cooking recipe]

diz ist ein guot spise von eime lahs . xix . Nim einen lahs schabe im abe die schuopen spalde in vnd snit in an stuecke hacke peterlin selbey Nim gestoezzen yngeber pfeffer . enys saltz zvo mazzen . mache eynen derben teyk noch der groezze der stucke vnd wirf daz crut vf die stuecke . vnd bewirke sie mit dem teyge . kanst du sie gestem phen in ein forme daz tuo . so mah tu machen hechde foerheln brasmen vnd backe ieglichez besunder in sime teyge ist ez aber eins fleischtages so mahtu machen huenre rephuenre tuben vnd vasande mahtu machen ab du hast die formen vnd backe [158v] sie in smaltze oder suet sie in den formen . nim von den bruesten der huenre vnd ander guot fleisch so wirt die kunst deste bezzer vnd fersaltzez niht

*Stockfish, roasted, coated* (Nr. 21) [cooking recipe]

Diz sagt von eime stoc vische . . xx . Nim einen stoc visch do niht garst insi tuo im die hut abe weich in in kaltem wazzer eine naht vnd nim denne hervz vnd druecke in in ezzig also daz er blibe gantz binden vf zwo schinen vnd lege in vf einen huelzinen rost strich daz feuer dar vnder allen thalben . daz er erwarme laze in wol belaufen mit butern dor noch mache einen schoenen teyk mit wizzem melwe . vnd mit eyern dor zvo tuo gestozzen pfeffer oder ingeber vnd ein wenic saffrans saltz zvo mazze sprengez vf den visch als der visch gar heiz si so slahe den teyg dor vf mit eime swanke . riche vaste koln dor vnder daz er rot werde also tuo daz e du in abe nemest vnd betrau f in veizt mit butern . vnd gib in hin .

*Pig's offal* (Nr. 22) [cooking recipe]

Ein guot spise . . xxj . Nim gesotene swins darme vnd den magen snit die gesoten darm in viere die langen vnd die cleinen dar nach snides gefuege als die riemen vnd den magen snide auch smal vnd snit denne beide magen vnd darm den ietweders veber so du cleinest wilt . nim petersilien bolei vnd minzzen . salbey gesotene herte eyer vnd schoene brot kuemels aller meist vnd ein wenic pfeffers vnd ein ey zvo der schuezzeln idiz male mit ezzige vnd mit guoteme sode also daz ez niht zesur werde vnd guez ez vf die kaldiment vnd tuo smaltz dor zvo laz ez erwarmen vntz ez dicke werde gibz hin vnd versaltz niht .

*Pig's intestine sausage* (Nr. 23) [cooking recipe]

ein guot geriht . . xxij . Nim dri gesotene smale swinez darme nim dar zvo smaltzes von flemen daz tuo die wile ez vngesoten ist als lanc vnd groz als die darm sint bint daz zvo sammene slahe zwei eyer dor zvo vnd nim ein wenic schoenes brotes vnd pfeffer vnd saltz zvo mazze . In dem condimente erwelle die darme vnd fuelle sie mit dem condimente vnd stecke sie in einen grozzen darm swaz des condimentes veber blibe daz guez in den grozzen darm vnd verbint beide die innern vnd den grozzen darm an beiden enden besunder . teil daz condiment glich in die darm suet sie gar vnd gib sie heyz hin

*Fake morels, chicken* (Nr. 24) [cooking recipe]

. xxiij .Ein guot spise Nim von der brust des huones vnd hacke ez cleine vnd stoz ez in eime moerser . vnd tuo dar zvo ein wenic melwes vnd grobes brotes pfeffer oder ingeber saltz zvo mazze ein ey oder zwey noch der [159r] menge roeste daz wol zvo sammene snit zwei clueppelin eines vingers lanc als ein eln schaft fornen sleht sinewel vnd nim des gesoten als groz als ein morche walkez sinewel in der hant vnd fuege ez vmeme den spiz als ein marach vnd zwengez vzzene daz ez krusp si legez in ein pfannen laz ez sieden mit dem stecken die wile daz siede so bewirke den andern stecken als du den einen vz nemest so lege den andern in . vnd mache ir als vil als du wilt wanne sie gar sin gesoten so nim sie vz ruere ein gehacketz muos mit butern daz fuelle in die morchen vnd stecke sie entwerhes an den spiz mache sie heiz vnde betraufe sie mit butern vnd gib sie hin Also mahtu auch machen morchen von hecheden vnd von lehsen vnd wo von du wilt .

*Bread puree* (Nr. 25) [cooking recipe]

daz ist auch guot . xxiiij . Nim mandelkern mache daz in sie deme wazzer stoz sie vnd twinge sie durch ein tuoch oder mal sie nim schoen herte brot snit die obersten rinden abe schone vnd duenne snit dar nach schiben so du duennest muegest daz beginne vnder der oebersten rinden ieglich schibe sol sin sinewel vuege der schiben viere zvo sammene vnd snit sie smal als einen riemen vnd snit sie den twerhes veber so du kleines maht halt die mandelmich veber daz fiuer laz sie warm werden wirf daz brot dar in daz sie dicke werde halt sie veber daz viuer laz sie sieden vnd gibez in die schuezzeln vnde strauwe ein zvcker dar vf daz heizzet caleus vnd gibz hin Also mache auch ander milich ob tu totern dor zvo tuon wilt

*Milk, roasted* (Nr. 26) [cooking recipe]

Wilt du machen ein gebraten milch . . xxv . Wilt du machen ein gebraten milich So nim die do niht veiztes zvo si die kummen vnd die gelebt si den hafen zvo slahe daz sie sanfte her vz glite vf ein buetel tuoch dor in bewint sie vnd beswer sie sanfte von erst vnd dor noch baz laz sie ligen von dem morgen biz hin zvo abent so snit sie duenne vnd spizze sie besprenge sie mit saltze . vnd lege sie vf einen hueltzinen rost . vnd la sie wol roeste . vnd wirf ein wenic pheffers dor vf vnd betreyfe sie mit butern . oder mit smaltze ob ez fleisch tac si . vnd gib sie hin .

*Goose, roasted, with offal sauce* (Nr. 27) [cooking recipe]

diz ist ein guot fuelle . xxvj . Stoz ein gans an einen spiz vnd suet daz gekroese nim vier eyer gesoten herte . vnd nim dor zvo eine brosmen schoenes brotes vnd kuemel dor zvo vnd ein wenic pfeffers vnd saffrans vnd nim dri gesoten [159v] huones lebern Mals zvo sammene mit ezzige vnd mit huener sode zvo mazzen sur vnd schele zwiboln vnd snide sie duenne vnd tuo sie denne in einen hafen tuo dar zvo smaltz oder wazzer . vnd laz sie sieden daz sie weich werden . vnd nim denne sur epfele snit die kern her vz als die zwiboln gar sin gesoten wirf die epfele dar zvo daz ez weich belibe vnd tuo denne daz gemalne vnd die epfele vnd die zwiboln alle in ein phannen vnd als die gans gebraten ist so zvo lide sie lege sie in ein schoen vaz vnd guez daz condimente dar veber vnd gib sie hin .

*Pancake, stuffed with fruit and meat* (Nr. 28) [cooking recipe]

Ein guot getrahte . . xxvij . Nim gebratene byern vnd ro sur epfele vnd nim vnder wahsen fleisch gesoten vnd nim pfeffer vnd saffran daz stoz zvo sammene vnd mache ez weich . mit roen eyern . so mache ein blat von eyern vnd zvo teyle daz fuelle dar vf die materien daz glich werde . so wint daz blat zvo sammene vnd machez naz von eyer teyge vnd legez in siedenz smaltz vnd backez harte So stecke do durch einen spiz vnd legez zvo dem viuere vnd beslahez eins mit eyern vnd eins mit smaltze mit zwein swammen also lange biz daz ez singe vnd rot werde vnd gibz hin .

*Lamprey* (Nr. 29) [cooking recipe]

Ein guot fuelle . Nim lampriden vnd snit sie an sehs stuecke daz mittelst stuecke daz mache minner danne die an dern stuecke . besprenge ez mit saltze vnd legez vf einen hultzinen rost brat sie gar . nim daz mittelste stuecke . als ez gar si geroest stoz ez in eime moerser . vnd tuo dar zvo eine swartzen rinden brotes die weiche in ezzige vnd tuo dar zvo gestozzen galgan vnd pfeffer vnd ingeber vnd kuemel vnd muschat bluomen vnd negelin wilt duz aber lange behalden so mach ez scharfp mit ezzige vnd ein wenic honiges vnd suedez vnd legez kalt dor in . noch dirre wise maht du machen . gebratene nuenaugen oder waz du wilt .

*King's chicken* (Nr. 30) [cooking recipe]

wilt du machen ein spise von huenern xxviij Diz heizzent kueniges huenre Nim iunge gebratene huenre hau die an cleine mursel . nim frische eyer vnd zvo slahe die menge dar zvo gestozzen ingeber . vnd ein wenic enys guez daz in einen vesten moerser der heiz si mit dem selben crute daz tuo du zvo den eyern da mit bewirf die hunre . vnd tuo die huenre in den moerser vnd tuo dar zvo saffran vnd saltz zvo mazzen . vnd tuo sie zvo dem viuer [160r] vnd lazze sie backen glich heiz mit ein wenic smaltzes gib sie gantz hin daz heizzent kueniges huenre

*Beef liver in liver sauce* (Nr. 31) [cooking recipe]

Wilt du machen ein guot lebern . xxviiij Nim ein rindes lebern die niht steineht si vnd snit sie an fuenf stuecke vnd lege sie vf einen rost vnd brat sie also sie sich hat gesuebert so wasche sie in warmen wazzer oder in sode also veizt sude daz vnd laz sie braten gar vnd nim sie denne abe vnd lazze sie kalden vnd besnit sie schone vnd nim denne ein halb stuecke vnd stoz ez in eynem moerser vnd stoz dar zvo ein rinden geroestes brotes tuo pfeffer dar zvo vnd ingeber daz ez scharfp werde vnd nim ein wenic anis vnd mal daz mit ezzige vnd mit honicsaume vnd erwelle ez biz ez dicke werde vnd laz ez kalt bliben vnd lege dor in der lebern als vil du wilt vnd zvo der hochzit gibz vuer hirz lebern vnd des wilden swines lebern mache auch also . vnd nach dirre manunge erdenke auch an der spise .

*Chicken with quinces* (Nr. 32) [cooking recipe]

Ein guot spise . xxx Nim huenre die brat niht vollen gar entlide sie zvo morseln vnd laz sie sieden nuer in smaltze vnd wazzers vnd nim eine rinden brotes vnd ingeber vnd ein wenic pfeffers vnd anis daz mal mit ezzige . vnd mit dem selben soedichin vnd nim vier gebraten kueten vnd daz condiment tuo zvo den huenren laz ez wol da mit sieden daz ez werde eben dicke hastu niht kueten so nim gebraten bieren vnd mach ez da mite vnd gibz hin vnd versaltz ez niht

*Green broad beans with sauce* (Nr. 33) [cooking recipe]

ein spise von bonen . . xxxi . Suede gruene bonen . biz daz sie weich werden so nim denne schoen brot vnd ein wenic pfeffers dristunt als vil kuemels mit ezzige vnd mit biere mal daz zvo sammen vnd tuo dar zvo saffran vnd seige abe daz sode vnd guez dar vf daz gemalne vnd saltz ez zvo mazzen vnd laz ez er wallen in dem condiment vnd gibz hin .

*Garlic sauce for roast chicken* (Nr. 34) [cooking recipe]

Ein geriht . xxxij . Rib knobelauch mit saltze die haubt schele schone vnd menge sehs eyer dar zvo on daz wisse vnd nim ezzig vnd ein wenig wazzers dar zvo niht zvo sur vnd la daz erwallen daz ez dicke blibe da mit mac man machen gebratene huenner morchen oder swemme oder waz du wilt .

*Verjus, grapes* (Nr. 35) [cooking recipe]

Wilt du machen einen agraz . Nim wintruebele . vnd stoz sur ephele . diz tuo zvo sammene . menge ez mit wine . vnd drueckes vz . dise salse ist guot zvo scheffinen braten . vnd zvo huenren . vnd zvo vischen . vnd heizet agraz .

*Shallot sauce* (Nr. 36) [cooking recipe]

aber ein condiment . xxxiij . Nim aschlauch vnd scheln ribin . [160v] mit saltze mengin mit wine eder mit ezzige vnd drueckez vz dise salse ist guot zvo rinderinen braten .

*Sage, garlic, and bacon sauce* (Nr. 37) [cooking recipe]

. xxxiiij . Ein salse . Nim sure winber vnd tuo dar zvo salbey vnd zwei knobelauches haubt vnd spec vnd stoz daz zvo sammene drueckez vz vnd gibz fuer eine guoten salse .

*Verjus, crab-apple* (Nr. 38) [cooking recipe]

Ein agraz . xxxv . Nim holtzepfele vnd peterlin vnd bezzin vnd stoz daz zvo sammene vnd drueckez vz daz die petersilie ein wenic zvo var daz heizzet auch agraz

*Pike skin, stuffed with pike* (Nr. 39) [cooking recipe]

Ein geriht von eime hechde . xxxvj . Nim einen frischen hechede vnd loese abe die hut als gantz vnd suede in gar vnd loese vz die grete nim krut vnd stoz daz mit dem vische . tuo dar zvo ro eyer vnd saffran vnd fuelle die hut des hechdes vnd roeste in ein wenic vnd gibin hin .

*Eel skin, stuffed with eel* (Nr. 40) [cooking recipe]

Ein geriht von vrischen elen . xxxvij Nim frische ele zuech in abe die hut vnd snit abe daz haubt laz sie gar sieden vnd tuo her vz die grete stoz krut eyer vnd schoene brot vnd mit dem ale hacke salbei . dar zvo fuelle die hut vnd brat in vnd wuege daz haubt zvo dem ale cleide in mit einem duennen teige vnd ein blat von eyern vnd machin druf . roestin vnd gib in hin .

*Stockfish, roasted, coated* (Nr. 41) [cooking recipe]

xxxviij Ein geriht von eime stoc vische . Nim einen stoc visch der niht duerre si vnd tu im die hut abe weich in in kaldem wazzere ein naht druecke in in ezzig daz er gantz blibe bin in langes vnd zwo schinen dar veber vnd lege in vf einen hueltzinen rost mache in warm vnd besprenge in mit butern mache einen . teyc von mele vnd von eyern dar zvo tuo gestozzen pfeffer vnd saffran vnd saltz zvo mazzen als der visch gar heiz si . so slahe den teyc dor vf mit eime swanke riche vaste viuer dor vnder vnd laz in werden rot so tuo daz e du in abe nemest betraufe in mit butern vaste vnd gib in hin .

*Almond cheese, cooked* (Nr. 42) [cooking recipe]

Ein guot fuelle . xxxviiij Nim mandelkern mache in schoene in siedem wazzer vnd wirf sie in kalt wazzer loese die garsten vz vnd stoz die besten in einem moerser alse sie veiste beginnen so sprenge dor vf ein kalt wazzer vnd stoz sie vaste vnd menge sie mit kaldem wazzere eben dicke vnd rink sie durch ein schoen tuoch vnd tuo die kafen wider in den moerser stoz sie vnd rinc sie vz schuetez allez in ein laxis Unclear if relation to dish laxis. vnd halt sie veber daz fiuer vnd tuo dar zvo ein eyer schaln vol wines vnd ruerez wol vnz daz ez gesiede nim ein schuen bueteltuoch vnd lege ez vf [161r] reine stro vnd guez dar vf die milich biz daz sie wol veber sige swaz denne vf dem tuoche belibe do von mache einen kese wilt du butern dor vz machen so laz ein wenic saffrans do mit erwallen vnd gibz hin als butern oder kese .

*Chicken stomach and liver scrambeled eggs* (Nr. 43) [cooking recipe]

Ein guot trahte . xl . Nim huenre magen vnd lebern snit abe daz herte daz guote snit duenne machez gar in smaltze ze slahe eyer vnd tuo dar zvo pfefer vnd kuemel saltz zvo mazzen mache ein pfannen heiz vnd veitz als man ein kuechin woelle bachen wirf dor in eyer vnd lebern ruere daz zvo sammene daz ez blibe weich so nim abe die pfannen machin schoene mit einer schinen haldez wider veber daz fiuer vnd machez veist vnd tuo daz mus gantz in die pfannen druecke ez wol daz ez gantz blibe an eime stuecke vnd laz ez backen als ez gar si gebacken so gibz hin vnd daz heizzet laxis Also maht du machen iunge huenre von lampfleische so manz klein snit .

*Shallot and mince sauce* (Nr. 44) [cooking recipe]

Ein condimentelin . xlj . Nim rintfleisch als ez erst zvo kumt sudez mot saltzez wol nim aschlauch vnd minzen dar zvo des krutes nim genuoc laz ez wol sie den in eime veizsten sode vnd reiz swie du wilt vnd gibz hin .

*Goose, steamed with garlic sauce* (Nr. 45) [cooking recipe]

Ein geriht von einer gense . . xlij . Nim ein gans die niht alt si nim vz daz gekroese snit abe die fluegele vnd die diech stecke sie in einen irdinen hafen der enge si guez daz wazzer vf daz siebetueche setze sie vf einen drifuoz der vnden offen si bedecke den hafen . daz der bradem iht vz ge . suet daz gekroese sunder vnd saltz die gans . vnd suede die gans in dem sode biz sie vilnach trucken si vnd gar si gesoten vnd nim denne suezze milich vnd sehs totern . vnd zwei haupt knobelauches die groz sint vnd schele die sch one vnd stoz sie mit ein wenic saltzes vnd menge daz mit der milich vnd mit den totern vnd saffran tuo dar zvo . vnd guez daz condiment vf die gans . laz sie erwallen vnd gibe sie hin

*Apple fried dumplings* (Nr. 46) [cooking recipe]

Ein cluoge spise . . xliij . wilt du ein kluege spise machen Slahe einnen duennen teic von eyern vnd von schoenem melwe mache daz dicke mit schoenem brote vnd ribe daz schele sur epfele scharbe sie groeber denne spec vf huenre die menge dar zvo nim einen leufel vnd fuelle den teyc vnd teilez vnd brat den in smaltze eder in butern ab ez niht fleisch tac ist vnd gibz hin .

[161v]
*Cheese and bacon fried dumplings* (Nr. 47) [cooking recipe]

Ein guot gebackenz . . xliijj . Rib kese menge den mit eyern vnd scharbe gesoten spec dar zvo mache ein schoenen derben teyc vnd fuelle den kese vnd die eyer dor in vnd mache krepfelin vnd backe sie in butern oder in smaltze noch der zit vnd gib sie warm hin .

*Peas on a spit* (Nr. 48) [cooking recipe]

Ein guot gerihtlin . . xlv . Nim gesoten erbeiz vnd slahe die durch ein sip slahe als vil eyer dor zvo als der erwiz si vnd suedez in butern niht alzvo feizt laz sie kuln snit sie an mursal vnd stecke sie an einen spiz brat sie wol vnd beslahe sie mit eyern vnd mit krute gib sie hin

*Pike skin, stuffed with pike* (Nr. 49) [cooking recipe]

Ein geriht von vischen . . xlvj . Nim einen frischen hechde loese im abe die hut von dem hechde suede in gar schone vnd lise vz die grete vnd nim krut vnd stoz ez mit dem vische tuo dar zvo ro eyer vnd saffran vnd fuelle die hut des hechdes wider vnd daz haubt daz roest ein wenic vnd gibz hin .

*Fake roasted milk* (Nr. 50) [cooking recipe]

Ein geriht . xlvij . Nim frische mandelkern vnd weiche die vnd hirse gruetzze vnd gesotene eyer vnd ein wenig schoenes brotes vnd krut diz mal zvo sammene so du dickes muegest vnd guez ez in ein pfannen vnd laz ez sieden vntz daz ez dicke werde vnd machez . gel mit saffran . vnd feizt mit butern vnd laz ez denne kueln vnd snide ez zvo murseln vnd stecke ez an einen spiz vnd laz ez braten vnd beslahe ez denne mit eyern vnd mit guotem krute vnd gibs hin fuer gebratene milich

*Caraway and anise dressing* (Nr. 51) [cooking recipe]

Ein condimentlin . xlviij . Mal kuemel vnd enis mit pfeffer vnd mit ezzige vnd mit honige vnd mach ez gel mit saffran vnd tuo dar zvo senf in disem condimente mahtu suelze petersielien bern . vnd clein cumpost oder rueben waz du wilt

*Schwallenberg's sauce* (Nr. 52) [cooking recipe]

Ein guot salse . xlviiij Nim win vnd honigsaum setzze daz vf daz fiuer vnd laz ez sieden . vnd tuo dar zvo gestozzen ingeber me denne pfeffers stoz knobelauch doch niht alzvo vil vnd mach es starck vnd ruer ez mit eyner schinen laz ez sieden biz daz ez brinnen beginne Diz sal man ezzen in kaldem wetere vnd heizzet swallenberges salse

*Rheingau chicken* (Nr. 53) [cooking recipe]

von gebratem . L . Man sol ein huon braten vnd roeste ein vmeme sniten von semeln vnd backe diz rot in smaltze vnd snit bizzen . als zvo einem bruot muose zvo lide daz huon clein vnd brat sehs birn mache ein condimente von wine vnd von honige do rip denne wuertze in pfeffer vnd anis vnd mache ein blat von fuenf eyern slach sie in die pfannen vnd lege denne ienz dor in suenderlichen vnd lege denne daz blat [162r] zvo sammene vnd decke ein schuezzeln dor vf vnd kere denne die pfannen vemme snit oben durch daz blat vnd guez daz condiment dor in vnd beguez daz blat niht . diz heizzent huenre von rinkau we vnd gibz hin .

*Greek chicken* (Nr. 54) [cooking recipe]

Ein guot spise . Man sol ein huon braten mit spec gewuelt vnd snit denne aht sniten armeritter vnd backe die in smaltze niht zvo truege vnd schele sur epfele snit die breit in schiben . daz die kern vz vallen backe sie ein wenig insmaltze So mache ein groz blat von eiern daz die pfannen alle begrife vnd tu dar zvo wuertze so lege die ersten schiht von epfeln dor nach die armen ritter dor noch daz huon daz sol cleine gelidet sin tuo vf ieglich schiht ein wenig wuertze vnd mache ein condiment von wine vnd von honige vnd wuertze niht alzvo heiz so lege daz blat zvo sammene vnd stuertze ein schuzzeln dor vf vnd kere die pfannen vmeme snit obene ein venster dar in vnd guez daz condiment dor in vnd gibz hin diz heizzent huenre von kriechen

*Parsley and sage pancakes* (Nr. 55) [cooking recipe]

Ein guot fuelle . Der ein guote koecherye machen wil der hacke petersylien vnd salbey glich vil vnd brate sie in butern vnd tueftele eyer weich vnd menge daz zvo sammene vnd ribe kese vnd brot dor in vnd mache ein blat von eyern vnd guez butern dor vnder vnd schuete diz dar vf gib im fiuer oben vf vnd laz backen diz sint ruzzige kuechin .

*A joke recipe* (Nr. 56) []

Can be interpreted as a joke recipe.Ein guot lecker koestelin . So mache zvom iuengesten ein klein . lecker koestelin . von stichelinges magin vnd mucken fuezze vnd lovinken zvngen meysen beyn vnd froesche an der keln . so mahtu lange on sorgen leben .

*A joke recipe* (Nr. 57) []

Can be interpreted as a joke recipe.Ein guot gerihte der ez gern izzet Wilt du machen ein guot bigeriht . so nim sydeln sweyz . daz macht den magen gar heiz . vnd nim kiselinges smaltz . daz ist den meiden guot die do sin hueffehaltz . vnd nim bromber vnd bresteling . daz ist daz aller beste ding . bist du niht an sinnen taup . so nim gruen wingart laup . du solt nemen binzen . luebstikel vnd minzzen . daz sint guote wuertze . fuer die grozzen furtze nim stigelitzes versen . vnd mucken fuozze . daz macht das koestlin allez suezze . daz ist guot vnd mag wol sin . ein guot lecker spigerihtelin . Ach vnd versaltz nuer niht . wanne ez ist ein guot geriht . Diz ist ein guot lere von guoter spise

[162v]
*Perch puree* (Nr. 58) [cooking recipe]

Wilt du machen ein guot muos . Ein gebacken muos von vischen dar zvo solt du nemen einen bersich gebeizt in ezzig . vnd wirf in den ne in milich die do si von mandel gemachet . mit ris mele wol gemenget . vnd ein wenic smaltzes dor ingeton . vnd mit erwellet daz ist gar guot vnd versaltz niht

*Fis flat cake* (Nr. 59) [cooking recipe]

Ein fladen . Einen fladen von fischen gemachet wisze welherleie sie sint . hechede oder bersige geworfen in eine dicken mandelmilch wol gemenget mit rys mele . vnd ein apfel dor in wuerfeleht gesniten . vnd ein wenic smaltzes dor in getoen . vnd ein wenig gewurtz gebreit vf ein blat von teyge gemaht vnd schuezzez in einen ofen vnd laz in backen .

*Fis flat cake* (Nr. 60) [cooking recipe]

Einen fladen . Wilt du machen einen fladen von vasten gerete . so nim vische vnd backes in smaltze vnd guez dor veber ein dicke mandelmich wol gemenget mit ris mele . vnd tuo eyn wenig smaltzes dran . vnd mengez wol mit wuertzen . vnd lege daz vf ein blat von teyge vnd laz ez backen . vnd versaltz niht .

*Fish fried dumpling* (Nr. 61) [cooking recipe]

Einen krapfen . Wilt du einen vasten krapfen machen von hechde darmen . nim eine guote mandelmilich . vnd tuo also vil epfele als der vische ist . vnd snide sie dor vnder . vnd mengez mit ein wenic ris meles . daz ist guot zvo gefuelten krapfen .

*Nut and apple fried dumpling* (Nr. 62) [cooking recipe]

Einen krapfen So du wilt einen vasten krapfen machen . so nim nuezze . vnd stoez sie in einem moerser . vnd nim epfele als vil vnd snide sie drin wuerfeleht . vnd menge sie mit wuertzen welherley sie sin vnd fuelle daz in die krapfen . vnd lege sie in ein pfannen . vnd la sie backen .

*Raisin and apple fried dumpling* (Nr. 63) [cooking recipe]

von krapfen . So du denne wilt einen vasten krapfen machen so nim welische winber . vnd nim als vil epfele dorunder . vnd stoez sie cleine . vnd tuo wuertze dor zvo vnd fuellez in die krapfen . vnd laz ez backen . daz ist aber ein guot fuelle vnd versaltz niht .

*Nuts, whole, and apple fried dumpling* (Nr. 64) [cooking recipe]

Einen krapfen . So du aber wilt einen vasten krapfen machen von nuezzen mit ganzen kern . vnd nim als vil epfele dor vnder vnd snide sie wuerfeleht als der kern ist vnd roest sie wol mit ein wenig honiges . vnd mengez mit wuertzen vnd tuo ez vf die bleter die do gemaht sin zvo krapfen . vnd loz ez backen vnd versaltz niht .

*Perch puree* (Nr. 65) [cooking recipe]

Ein muos . So du wilt machen ein guot vasten muos so nim bersige vnd dicke mandelmilich drunder . vnd suedez wol in mandelmilich . vnd tuo denne zvcker dor vf Daz muos sol heizzen von ierusalem . [163r] vnd daz izzet man kalt . oder warm

*Fake peas from almonds* (Nr. 66) [cooking recipe]

heidenische erweiz . Wilt du machen behemmische erweiz so nim mandelkern . vnd stoez die gar cleine . vnd mengez mit dritteil als vil honiges . vnd mit guoten wuertzen wol gemenget so ersz aller beste hat . die koste git man kalt . oder warm .

*Leek puree* (Nr. 67) [cooking recipe]

Ein mus mit lauche Ein muos mit lauche . nim wizzen lauch vnd hacke in cleine . vnd mengez wol mit guoter mandel milich . vnd mit rise mele . vnd wol gesoten Aber ein vasten muos gemachet wol mit mandel milich . vnd wol gemenget mit ris mele . vnd daz suede wol vnd versaltz niht .

*White bread pancakes* (Nr. 68) [cooking recipe]

Ein col ris Ein colris ris gebacken . vnd mache von eyern duenne bleter vnd snit die cleine . vnd wirf die in ein suezze milich . vnd nim semel broet . vnd snit daz wuerfeleht dor in . vnde mengez mit eyer totern . vnd suedez wol . vnd tuo ein smaltz dor vf vnde versaltz niht .

*Pancake puree* (Nr. 69) [cooking recipe]

Ein col ris . Aber ein colris . nim eyger . vnd zeslahe die mit semel mele . vnd zeslahe daz . duenne kuochen geworfen in ein milich . vnd wol geruert biz ez gesiede . vnd mengez aber mit eyger totern . vnd tuo ein smaltz drin . vnd gibz hin .

*Pancake and bread puree* (Nr. 70) [cooking recipe]

aber ein col rys . Aber ein colris . nim duenne kuochen gebacken von eyern . vnd snit die wuerfeleht . vnd snit als vil semelbroetes dor zvo wuerfeleht . vnd tuo ez in ein milich . vnd nim einen apfel . vnd snit den wuerfeleht drin . vnd ruerez wol mit eyer totern . vnd laz ez sieden wol vnd gibz hin .

*Quince puree* (Nr. 71) [cooking recipe]

Ein kuetenmuos . Wilt du machen ein kuetenmuos . so nim kueten wie vil du wilt vnd suede sie gar schoen . vnd nim denne einen moerser . vnd stoezze sie dor inne clein . vnd slahe sie durch ein tuoch . vnd nim eyer totern dor zvo vnd suedez do mit . vnd tuo ein zucker druf vnd versaltz niht .

*Apple puree* (Nr. 72) [cooking recipe]

Ein apfelmuos . Wilt du machen ein apfelmuos . so nim schoen epfele vnd schele die vnd snide sie in ein kalt wazzer . vnd suede sie in einem hafen . vnd menge sie mit wine . vnd mit smaltze . vnd zeslahe eyer mit wiz vnd mit al . vnd tuo daz dor zvo . vnd daz ist gar ein guot fuelle vnd versaltz niht .

*White bread puree* (Nr. 73) [cooking recipe]

Ein mandelmuos . So du wilt machen ein mandelmus . so nim mandelmilch . vnd semelin broet . vnd snide daz wuerfeleht vnd tuo daz in die mandelmilch vnd erwelle daz . vnd nim einen apfel vnd snit den wuerfeleht . vnd roest den in eime smaltze . vnd tuo daz vf daz mandelmuos . vnd gibz hin .

[163v]
*Almond cheese* (Nr. 74) [cooking recipe]

Ein cygern von mandel Wilt du machen ein cyger von mandeln . so nim mandelkern . vnd stoez die in einem moerser . vnd die mandelmilich erwelle . vnd schuete sie vf ein schoen tuoch . vnd einen schaub drunder . vnd laz in erkueln . vnd slahe in vf ein schuezzeln . vnd stoez dor vf mandelkern . vnd strauw dor vf zucker . vnd gibz hin .

*Almond cheese, cooked* (Nr. 75) [cooking recipe]

Einen kese von mandel Wilt du machen aber einen kese von mandeln . so nim mandelkern vnd stoez die . vnd nim die milich vnd guez einer guoten milich dor zvo . vnd erwelle daz abe vnd schuetez vf ein tuoch . laz in erkalden vnd lege in in einen kese napf vnd mache in . vnd lege in denne vf ein teler bestrauwe in mit eime zuckere . daz heizzet ein mandelkese .

*Almond loaf* (Nr. 76) [cooking recipe]

Einen mandel wecke . So du denne wilt machen einen mandelwecke . so nim aber mandelkern gestoezzen zvo einer milich . vnd suet die vnd schuet die vf ein tuoch . vnd laz ez erkueln vnd mach in als ein buter wecke . vnd leg in vf ein schuezzeln vnd guez ein mandelmilich druemme vnd strauwe ein zucker dor vf vnd gib in hin .

*Almond pastry* (Nr. 77) [cooking recipe]

ein kuochen . So du wilt mandelkuochin machen . so mache von mandelkerne guote milch . vnd suet die vnd ruere die abe mit eime zuckere vnd schuet das vf ein tuoch . vnd ein schaub drunder . vnd mache ein teyc von semel melwe . vnd wille daz mit eyner wellen vnd leg des gesoten mandels dor vf vnd snit daz abe vnd backez in eyner pfannen im smaltze daz heizzet ein mandelkuechin .

*Rice pudding* (Nr. 78) [cooking recipe]

Der woelle machen ein guot gesoten ris . der erlese ez schoene vnd wasche ez schoene vnd legez in einen hafen vnd saltz es niht ze vil . vnd siedez biz ez trucken werde . vnd menge ez mit einer mandelmilich . vnd ruers ein wenic biz daz ez aber siede vntz im sine dicke kumme . vnd gebz mit eime zucker dar . daz ist auch guot .

*Rice four puree* (Nr. 79) [cooking recipe]

ein muos von rise . Der woelle machen ein rysmuos . der nem aber gestoezzen mandel milich . vnd menge ez mit rismele . vnd siedez wol vnd nim einen apfel vnd snit den wuerfeleht . vnd roest den in eime smaltze vnd strauwe daz vf daz muos . vnd gibz hin .

*Blanc manger* (Nr. 80) [cooking recipe]

Einen blamensir Der woelle machen einen blamenser . der neme dicke mandelmilch . vnd huener brueste geceyset . vnd tuo daz in die mandelmilch . vnd ruere daz mit ris mele . vnd smaltz genuoc . vnd zuckers tuo genuoc dar zvo . daz ist ein blamenser

*Blanc manger with violets Blanc manger, coagulated* (Nr. 81) [cooking recipe]

Einen blamensir . Ein blamenser gemaht von geceysten huenern an der bruest . vnd [164r] mache eine guote mandelmilich . abe geruert huener dinne in der mandel milich mit ris mele getzworn fial bluomen . vnd smaltz gib gnuoc dar zvo vnd suedez gar . vnd zuckers gnuoc dar zvo daz heizt auch ein blamenser .

*Blanc manger, coagulated* (Subrecipe Nr. 1) [cooking recipe] Einen gestocketen blamenser gemaht mit eyner dicken zamen milich gezeiset huener brueste vnd wirf die in die milich . vnd derwelle sie vnd ruer sie mit rys mele vnd mit eyer totern . vnd smaltz gibn genuoc . vnd strauwe dor vf zuckers genuoc Daz heizt ein gestockter blamenser .

*Violet puree* (Nr. 82) [cooking recipe]

Ein fialmuos . Der woelle machen ein vialmuos . der neme ein dicke mandel milich wol gerueret . mit rys mele . vnd tuo dor in smaltzes genuoc . vnd ferwez wol mit fial bluomen . daz ist ein fial muos gantz .

*Morel puree* (Nr. 83) [cooking recipe]

Ein muos Der woelle machen ein morchen muos der nem moerchen vnd erwelle daz vz einem brunnen . vnd geballen vz eime kaldem wazzer . vnd gehacket cleine vnd tuo ez denne in ein dicke mandel milich . vnd mit wine wol gemacht die mandel milich . vnd die morche dor inne erwellet . vnd tuo dor zvo wuertze genuoc . vnd ferwe ez mit fial bluomen vnd gibz hin .

*Nut puree* (Nr. 84) [cooking recipe]

Wilt du machen ein nuezzemuos . Wilt du machen ein nuezzemuos . so nim nuezze kern . vnd stoez die cleine . vnd slahe sie durch ein tuoch mit eyner suezzen zamen milich . vnd mit einer broesmen semeln broetes wol gesoten in eyme hafen vnd gibe smaltz gnuoc dran . vnd mit eyer totern . wol abe geruert . vnd wol geverwet mit saffran .

*Pear puree* (Nr. 85) [cooking recipe]

Ein birnmuos . Wilt du machen ein birnmuos . so nim birn vnd besnit die schoene vnd suede sie in einem hafen mit eyme wine . vnd mit smaltze vnd durch geslagen durch ein tuoch vnd der welle sie denne mit eyerstotern daz ist gar gantz . do .

*Sour cherry puree* (Nr. 86) [cooking recipe]

Ein wissel muos . Der denne woelle machen ein kirsen mus . der breche die stile abe . vnd siede sie mit ein wenic wins . vnd slahe sie denne durch ein tuoch mit einer semelbroesmen . wol der wellet in eime hafen . vnd tuo smaltzes genuoc dran . vnd ruer ez denne mit eyerstotern . vnd strauwe wuertze dor vf so manz an rihten wil .

*Cherry and almond puree* (Nr. 87) [cooking recipe]

Ein guot fuelle Conkauelit macht man von kirsen von den suren kirsen daz sint wiseln . die sol man nemen . vnd von mandelkern eine guoten mandelmilich machen . vnd mit einem wine die kirsen wol gesoten . vnd mit ir eygin brue . vnd geslagen durch ein tuoch . vnd [164v] denne gegozzen in die mandelmilch . vnd gar gesoten in eyme hafen vnd dor zvo wol geruert mit rismele . vnd smaltz genuoc dor an geton . vnd auch wuertze genuoc vnd zucker dor vf vnd versaltz niht

*Sour cherry compote* (Nr. 88) [cooking recipe]

Ein cumpost von wisseln Der woelle machen einen kumpost fon suren wiseln . der neme sur wiseln vnd brech in die stile abe . vnd sie de sie in eynem hafen mit ir eigin brue . vnd swenne sie gesieden so schuet sie vz vnd laz sie kueln . vnd slahe sie durch ein tuoch . vnd schuete sie denne in einen hafen der gebichet si vnd schuet die kyrsen drin . vnd menge sie mit honige . vnd tuo galgan wuertze dorvnder gestrauwet der ez zehant ezzen wil der laz ane wuertze .

*Sour cherry electuary* (Nr. 89) [cooking recipe]

Einen fladen von wisseln . Der einen fladen woelle machen von wiseln . der nem sie vnd breche in die stile abe . vnd siede sie in einem hafen biz sie trucken werden mit sines selbes brue . vnd schuete sie denne vz vnd laz sie der kueln . vnd slahe sie durch ein tuoch . vnd smir ein taueln wol mit honige . vnd schuete die kirsen dor vf . vnd setzze die taueln vf holtze an den luft biz daz ez trucken si . hoet der des luftz niht so setze in einen kueln hof . vnd mache daz wuerfeleht vnd snidez vnd bestrauwez mit wuertzen . vnd iz als ein latwergen .

*Loin, belly, and cheese flat cake* (Nr. 90) [cooking recipe]

Einen fladen . Der eynen fladen woelle machen von fleische . der nem fleisch daz do ge von dem lumbel oder von dem wenste . vnd nim knucken vnd daz daz wol gesoten werde vnd hackez cleyne . vnd ribe halb als vil keses drunder . vnd mengez mit eyern daz ez dicke werde . vnd wuertzez mit pfeffer . vnd slahe ez vf ein blat von teyge gemaht . vnd schuez ez in einen ofen vnd laz ez backen . vnd gib in dar also heiz .

*Belly, bone marrow, and cheese flat cake* (Nr. 91) [cooking recipe]

Einen fladen . Aber einen fladen von wensten vnd von knucken wol gesoten vnd rip aber als vil keses drunder . als vil des fleisches ist . vnd rurrez wol . vnd mengez mit eyern des viertels als vil huener drunder gestrauwet sie sint gesoten oder gebraten . daz mache allez vf ein blat von teyge . vnd schuez in eynen ofen . vnd laz backen . vnd gib in also heiz hin fuer die herren . vnd versaltz niht daz ist auch guot .

*Loin and cheese flat cake* (Nr. 92) [cooking recipe]

Einen fladen Aber ein fladen fleische vnd von lumbel gemaht . vnd ribe des vierdigteil als vil keses drunder . vnd menge daz wol mit eyern . vnd tuo wuertze genuoc drin . vnd machez vf ein blat von teyge wol gemaht . vol loecher gemaht vil in den fladen vnd slahe [165r] eyer als gantz drin vnd trage in als heiz hin .

*Loin and cheese flat cake with pig's trotters and knuckle of veal* (Nr. 93) [cooking recipe]

von fleische einen fladen . Ein fladen gemaht von fleische von lumbel . vnd ribe drin gein eim vierteil kes vnd tuo eyer genuoc drin vnd machz veitz genuoc mit specke vnd slahez vf ein blat gemaht von teyge vnd swinin clawen oder kalbz fuezze drunder geworren . vnd die fuelle mitten druf gesetz . vnd daz heizt ein bastede von guoten hunren wol gemaht .

*Claf's liver flat cake* (Nr. 94) [cooking recipe]

Einen fladen von kalbslebern . Wilt du einen guoten fladen machen von kalbslebern . so nim kalbslebern . vnd hacke die clein als gruenen speckes gesniten genuoc drunder vnd tuo wuertze auch genuoc drunder eynen holbroeten wol ge maht wol zweier vinger breit gesniten . vnd gefuellet wol mit eyner guoten fuelle gesetz in den fladen vnd backe in wol vnd trage in als heiz hin .

*Belly and chees flat cake with chicken offal and pear* (Nr. 95) [cooking recipe]

Aber einen fladen Der einen fladen woelle machen von fleische von den wensten so nim des vierteil kes dor zuo vnd sla eyer genuoc drunder . vnd snide swer telech von gruenen swarten drunder vnd tuo auch dor zvo huenerlebern vnd megelech vnd snit ein birn len geleht . vnd strauwe sie drunder vnd machez vf sin blat . vnd laz ez backen vnd tragez hin .

*Loin and ches flat cake with chicken* (Nr. 96) [cooking recipe]

Einen fladen . Der einen fladen woelle machen von fleische von lumbeln gemaht der siedez wol vnd hackez cleine vnd ribe keses genuoc drin vnd slahe eyer auch genuoc drin vnd wuertz ez wol . vnd mache ein blat von teyge gesetz dri ecken von basteln als ein schilt in den fladen vnd mit huenren gefuelt vnd versaltz niht vnd gibz hin .

*Belly, nut, and spic flat cake* (Nr. 97) [cooking recipe]

Einen fladen von fleische . Wilt du ein fladen machen von fleische von wensten so sude in wol vnd hacke in cleine vnd welische nuezze gevierteilt dor vnder . vnd wuertze genuoc . vnd speckes tuo dor in vnd eyer vnd leg ez vf ein wit blat von teyge gemaht schoene bastel fuenfe von huenren einz mitten in den fladen gesetz die viere an daz ende reht als ein zinke vf einem wuerfele vnd backe in . vnd gib in als heiz hin .

*Flat cake with a roast, a pie head, a wreath, and a baked bird* (Nr. 98) [cooking recipe]

Ein guot fuelle . Den reigel vf der schiben gemaht einen fladen von guotem lumbel wol cleine gehacket for drun der geriben eins viertel keses . vnd wol gemenget mit wuertzen . vnd auch gemenget mit eyern vnd veitz genuoc von specke . vnd vierteil huener drin gestrauwet vnd backez wol . [165v] in einem ofen . vnd legez denne vf ein schiben . vnd setze vier spizze mitten drin eines vingers groez . vnd einer eln lanc . vnd einen guoten halben braten gestoezzen dran . vnd ein schoenen bastel kopf druf gesetzet ler dor vf gesetzzet zwelf halbe broeten vf ieglichen spitz ein kuechelin . vnd denne ein gesoten milich mit eyern vnd mit saffran wol geferwet . vnd schuet ez in ein tuoch . vnd beswer ez mit steinen vntz ez trucken wirt . vnd snidez vingers groez vnd einer spannen lanc . vnd gestoezzen an cleine spizze gestoezzen alvemme den fladen sinewel als ein tuelle mit cleinen kuochen gebacken einen krantz al druemme gestoezzen mit laubern . vnd gebacken vogel druf gesetzet vnd tragen fuer sinen herren .

*Flat cake with a pie head, chicken, a calf's head* (Nr. 99) [cooking recipe]

Wilt du heidenische haubt Die heidenisschen haubt gemaht einen schoenen fladen von fleische von vierteil huenren wol gestrauwet wuerfeleht epfele drin gesniten . vnd wuertzez genuoc wol vnd mengez mit eyern . vnd schuez ez in eynen ofen vnd daz ez werde gebacken vnd legez vf ein schiben zwene starke spizze drin als einen vinger mitten drin gestecket ein bastel kopf druf gesetzet mit huenren wol gefuellet kalbes haubt drue gesoten geleit gantz . vf einen roest wol beslagen mit eiern . daz es schoene werde von saffrane gesetzet vf einen fladen vnd eyers totern hertes drin gestoezzen in sin munt bluomen gesniten von wizzen eiern wol gestrauwet in die haubt cleine gebacken kuochen an spizze gestoezzen vemme den fladen wol besetzet .

*Ox bacon from veal* (Nr. 100) [cooking recipe]

ein guot geriht Einen ohsen spec gemaht von eime kalbe gebroeten vnd wol gesoten geslagen daz gebrete an ein ander vnd die swarten vz gekeret vnd gewunden in ein tuoch wol abe gewuertz vnd loez es wol erkalden vnd duenne schineht gesniten vingers breit gemaht in einer fliezzende sultze . vnd versaltz niht . vnd gibz hin .

Hie get vz die lere von der kocherie