veni sancte spiritus wiltu ain bastet machen so nem ain herten ge wallen taig vnd mach dar vß ainen scherben vnd hack ain jung tuben oder ain iunges huon vnd guoten speck vnd hack die tuben oder daz huon ze klainen stucken row vnd schnid den speck wirflot vnd legg es denn in den scher= ben vnd bewurtz es wol vnd leg ain ander blatt von guotten aiygern dar vber vnd bach es in ainem ofen bastet ouch machet man ain bastet von ayger kaeß vnd andern dingen trucken oder naß ouch werden sy guot von figan vnd mit winber ouch machet man sy mitt guoten bieren wnd gewurtz ouch waerent morouch dar jnn guot vnd aller lay gewurtz dar an ist guot etc bastet ouch machtu machen ain bastet von fischen nim alle schlygen ferchenen grouß trischen oder mach stuben selan ganckfisch felchen jung hechten oder brachs= man dar in vnd tuo ain wenig guoter brueg dar jn vnd win vnd schmalcz vnd gewurtz dar yn es sind ouch aller lay fogel klain vnd groß gens vnd enta d guot dar in ouch machet man kl kalb flaisch speck vnd peterlin wol gehacket dar in etc bastet ain bastet nim ain herten wol gewallen taig von aigern oder suß vnd mach ainen hochen scherben daruß ainer hand hoch oder hoecher als dw wilt vnd hack ain iung tuben oder ain huon oder s wiltu von flaisch oder mach es in der groessi als ainen hassen brauten vnd hack guoten speck dar in vnd bewurtz vnd faerbs also rowt vnd tuo es in den scherben vnd beschluss mit ainem aiger blatt wol oder suss mit ainem platt daz kain tanpf noch nutz dar von mug vnd bachs in ainem ofen du macht ouch wol ainer flaisch brug oder guot win ain tail dar in beschliessen oder schmaltz etc ainen pfeffer niem ain leber vnd braut die vnd schnid dar nach daz usser dar ab vnd schnid die leber zuo schniten vnd waz dar ab geschniten wirt daz stoss in ainem morser vnd tu ruggi brot vnd brueg vnd win vnd essich dar nach well es in ainer pfannen daz wirt ain leber pfeffer pfeffer ainen schwartzen pfeffer mach also niem gebrent ruggi brott vnd zuch es durch mit der brug vnd mit win vnd essich daz es gnuog sy vnd bewurtz es vnd tuo speck dar in als vor ist geschriben vnd woelk daz wiltpraet wol dar in etc rechleber ain essen von ainer nem rechleber nem die leber vnd sud sy oder braut oder roesch sy dar nach hack sy oder stoss sy mit ainem ruggin brott vnd ainer guoter brugg win vnd an ain wenig essich darin vnd speck als vor geschriben ist vnd sud es vnd richt es in schisslan vnd gib ain gebachen aiger blatt dar vst vf etc leber nun nim ain schaefin oder ain kelbri leber vnd sud die vnd stoss sy gar klain mit als vil brotes vnd guss win oder essich oder beidi dar an vnd zuchs dar durch vnd bewurtz es vnd faerbs vnd es erwallen vnd die fogel gib dar in wiltu es aber fast suss haben so tuo guot sidel hung dar in vnder nach dinem willen dar in machtu geben roeb= hoener vogel vnd zeme hoener gebrauten vnd ainen gebrossoten kopf ain gebrauten hierß leber oder ander ding schwartz pfeffer auch mach an karpfen an brachsman an schligen vnd an felcken vnd an sollich ain schwartz pfeffer der dick ist als ain wilpraut ouch mach ainen schwarczen pfeffer mit hong an gantz fisch groppen grundlen vnd an welcherlay visch du wilt suß ander pfeffer an visch von durch gezognen aerbisen von pfeffer brot von zwibelen von mel von pfeffer vnd durren pfeffer mach als din gewonhait ist etc pfeffer ain pfeffer an kreps mach also niem kreps rowt vnd sud sy als vorgeschriben ist vnd zuch sy durch mit win oder mit essich vnd schell die gesosen gesoten creps die schaeren vnd die buch vnd die schwencz vnd sud die bona bain von dien buechen vnd tuo daz in die durch gezogen krepfs kreps vnd bewurtz es als du wilt vnd sud es als ain pfeffer etc gefult kreps niem groß kreps vnd niem die schalen also gantz da von nem daz jnner dar vß vnd wirf daz boeß da= von vnd hack daz ander suber vf ainem subern bret vnd schlach gebachen aiger dar vnd hack es vnd vnder ain ander vnd leg es vf ainen rost vnd brautz gar wol etc krepß pfeffer niem kreps vnd sud es die vnd schels daz die hels plos sud vnd die schal da von kom dar nach gruen kreps zuo den ougen uß vnd daz kaut davon kom stoß sy denn in ainem auser morser vnd strichs durch ain tuoch oder ain sib mit win oder mit essich vnd bewurtz vnd mach ain pfeffer an den schelten kreps etc pfeffer bach ain plat in ainer pfannen vnd schnid dar vß wirflot vnd mach ainen schwartzen pfeffer vß brot mel vnd visch brug vnd laß daz gebachen darjnn erwallen vnd roech ain wenig brot wis brot in oel oder in schmaltz wirflot vnd stroe dar vf etc furhess zuo ainem furhess niem ain lungun vnd die lebren vnd vnd wust von dem hasen vnd zerschnid daz wirflot vnd fanch den schwaiss vnd sud es da mit vnd tuo ain wenig win oder essich vnd hong vnd speck dar zuo so haustu ain guot furhesß etc fur hess ain furhess niem die lungen vnd die leber vnd fanch denn schwaiß von ainem hasen vnd hack es klain vnd sud es mit dem schwais vnd mit dem wilt praet mit win vnd mit essich vnd mit guoter brug vnd hack speck ouch gar klain dar in vnd lauss en uß gen der pfannen zuch in denn durch ain tuoch mit gebrantem rugin brot vnd bewurtz vnd erwell es etc galram ouch machtu nemen ain durch geschlagen pfeffer brot vnd daz faerben vnd bewurtzen vnd vil essich dar an vnd oepfel klain geschniten vnd gehacket dar an vnd vnd daz ain wenig erwallen dar an vnd guß daz vf den kopf vnd gibs da mit etc niem ain hierß leber vnd braut die dar nach schnid daz ? vsser dar ab vnd stoß es in ainem morser mit rugin brot vnd honig vnd win vnd trib es durch ain tuoch vnd bewuertz vnd erwell die lebran dar nach gib daz kalt zuo essen daz ist ain leber galrain etc kranat fogel nem kranat fog die suber berait sind vnd so du sy gewai= dest so stoß denn magen also gantz wider in vnd erwel in in ainer guotter flaisch brug dar nach roesch in in aim schmalcz vnd nem aines kalbs oder aines schafes leber vnd stosß in ainem morser vnd als vil brautes dar zuo vnd guß ain wenig win dar an oder essich vnd schlachs durch ain tuoch vnd bewurtz vnd faerbs wol vnd er wel daz in ainer pfannen vnd gib die krannat fogel dar in etc etc   galrain zuo ainem galrain niem win vnd essich vnd hong vnd lebzelten vnd stoss es vnder ain ander vnd sich es durch ain tuoch vnd sud es vnd guß es denn etwer in vnd lauß es kalt werden so wirt es guot etc galrain ain galrain nem essich win hong vnd pfeffer brot vnd stoß vnnder ain ander vnd zuech es durch vnd mach es dunn vnd bewurtz es vnd erwels vnd gib es kalt weder du wilt mit fisch flaisch oder wiltpraet ge sotes oder gebrautes galrain ouch mach ain galrain von win essich vnd von fischen brugen gewurtzet vnd gefaerbet mit hong vnd mit pfeffer brot vnd blouß erwelt vnd gib kalt neben fischen gesotten gesoten oder gebrauten als ain saeltz etc galrait ain galrait an ain hiersleber braut hiersleber gar wol vnd schnid daz vsser dar ab vnd stoss daz wol mit ruggim brott vnd hong vnd essich vnd zuch es durch vnd bewurtz vnd er well es so wirt es schwartz vnd gib es kalt zuo der leber du solt ouch die leber dar an erwellen etc brautz galrait an ain ganß ain knobloch galrait an ain ganß nem ain ganß die jung sy die wol vnd schon berait sy dar nach niem knobloch vnd wißbrot glich vil vnd stosß daz wol vnd denn win essich dar an vnd hong vnd zuch es vor hin durch du macht es ouch bewurtzen ob du wil es ist nit gewonlich etc berenkopf ain beren kopf oder ains schwins kopf berait suber vnd tail in enzwai vnd sud in gar wol vnd schnid die hut wirflot also daz es an ain ander blibt vff dem bain vnd leg in vf ainen rost vnd guß haiß schmaltz dar vf vnd besaeg es mit gwurtz in den wunden vnd gib es trucken etc berenkopf nem ainen beren kopf vnd beseng den gar wol vnd schlach in von enander vnd sud in gar wol vnd leg in vf ainen rost vnd braut in gar wol vnd bestrow in mit gewurtz vnd wenn du in geben welist so gib ain schwartzen pfeffer dar zuo etc ber dar nach aber von dem beren schnid hend fuss sud sy gar wol vnd schlach in nach der lengi sol es geschniten sin nach den zechen vnd gib ainen gelen pfeffer dar zuo etc brauten nem den arsdarm von dem von dem kalb vnd kalb mach den gar suber vnd hack die lungen vnd speck dar vnder ain ander vnd fass in den darm vnd bewuertz vnd sud es vnd leg in den arm rost vnd braut in also etc spanfaerchlin prauten ain iungs spanfaerchlin full also nem ayer vnd schlach die in ain schmalcz vnd rur sy wol st fast dar nach nem die lungen vnd daz leberlin vnd die nieren oder allain die lungen vnd hack es gar wol vnder ain ander vnd bewurtz vnd faerbs vnd erstreckes daz faerchlin gar wol in ainem kessel vnd stoß es an ain langen spis vnd salb daz faerchlin vßwendig staettenklich daz in die hut nit verbrin noch ze hert werdin ouch machtu es fullen wa mit du wilt alz ain ganß etc vnd zuch im ain brauten zwierest nach der lengi durch den mund vnd trag es also zetisch etc brauten ganß galrain nem ain iung ganß so sy wol sy berayt vnd braut die gar schon vnd nem knoblouch vnd als vil wisses brot vnd stosß daz in ainem morser vnd guss win vnd essich dar an vnd zuch es durch ain tuach dar nach guss hong dar vnd erwell es vnd be wurtz es so haustu ain guot galrain an ain ganß etc gefult ganß nem aber ain ganß als vor oder du elter sy vnd begriff die zwuschen hut s vnd flaisch als ain huon vnd nem knobloch vnd speck vnd pfeffer vnd stosß in ainem morser vnd full es vnd braut es gar wol etc ain fullin zuo ainer ganß begriff ain ganß vnd full sy mit knoblouch gestossen speck vnd pfeffer ouch mach ain fullin von wekalteren ber vnd vnd aiger vnd ain wenig brot vnd gewuertz ouch nem speck dar zuo vnd grien bieren vnd weckalter ber vnd peterlin gehachet oder full sy mit zulb= ellen peterlin vnd speck oder mach ain fullin wa von du wilt etc brauten bockleber nem aines bockes leber vnd hack es klain also grun vnd hack dar zuo aiger vnd wissbrot vnd bewurtz es vnd wind es in ain netz vnd brautz also etc gefult brauten kreps nem groß kreps vnd nem die schalen also gantz da von nem daz iner daz dar vß vnd wirf daz boeß da von vnd hack daz ander vf ainem subern bret vnd schlach bachen aiger darin vnd hacks vnnder ain ander vnd bewurtz vnd farbs vnd full die schalen da mit vnd stosß die husan vber ain ander vnd stoß an ain spysslin vnd legs vff ain rost vnd brauts gar wol etc gefult brauten kreps mach also nim grosß kreps vnd sud die vnd brich die grousen schalen uf vnd tuo daz bitter dar vß vnd hack daz guot vnd schlach bachen aiger dar in vnder oder gesotten totter die gesoten syen vnd mach ain guot fullen dar vß bewuertz vnd full die schalen da mit vnd stoß an ain spisslin vnd brauts vf ain rost in der vasten mach die fuellin mit ain wenig brott oder mit figan vnd mit anderm ding ding daz du denn gern haust etc brauten hechten nem hecht oder ander groß fisch vnd tuo die huot da von also rout vnd zuch die graet ouch also da von vnd hack daz gebraet klain vnd bewurtz es vnd truck es in ain ingraben form wie du die haben wilt es sy fisch oder rebhoener vogel oder ander ding glich vnd sud es dar inn dar nach tuo es vsß der form vnd brauts an aim spisslin oder susß schnid die brauten von dem hechten langlich als speck vnnder spick es da mit etc in der wiß mach ainen rechten brauten da vß wann daz du ain brossen wisses broutz dar vnder tuost vnd tuo es zuo samen mit zwain nassen messern in der form als ain brout vnder weles in ainer pfannen vnd braut es an aim spiss vnd spick es als vor geschriben ist etc ayer essen von ayer ain essen nim xx aiger vnd sud die in ainem wasser also daz der totter glich dunn blib vnd daz wisß hert blib vnd nem sy denn her vsß vf vnd schlach sy vf vnd tuo es an ainn spisß vnd tuo daz tutter dar vß jn ain pfaennlin vnd tuo ain schmaltz oder oel dar zuo vnd tuo es vnnder ain ander ob dem fuer bis es keck werd vnd nim es denn her vß vnd laegg es vff ain suber taeller vnd hack es klain vnd denn ain leffel mit ymber vnd ainen loeffell mit simelrinda vnd ain ain wenig saffran alls ain bon vnd ain loffel fol arbis korner vnd zucker vnd ain wenig saltz vnd par mach daz vnder ain ander vnd nim dar nach ij rochu ayger vnd schlach die dar vnder vnd tuo es alles gesamen vnd nim den dar nach des gehacktes vnd full es wider jn die ersten schallan da daz hert wiss jn bliben ist vnd mach vor hin ain haisß wasser wierff die ayger dar jn vnd lasß es sieden daz si wol hert werdind vnd dar nach schell sy gar schon vnd mach ain dunes taiglin mitt aygern zucker vnd safran vnd zuch die gescheltun ayger dar durch vnd bach si den jn ainer pfannun oder e du si bachist so stosß an ain spisslin vnd bratt sy vff ainem rost vnd die wil si vff dem rost ligint so lasß dar vff loff= en von ainem ayger totter nun saey ymber dar vff vnd gibs fir ain brattes vnd machs in ain dunes pfefferlin saltz in ainem lempratten nim ainen lemprautten von ainem kalb vnd bratt dien vnd niem ain rugin brot vnd essich vnd petterlin vnd stoss das jn ainem morser vnd tribs durch ain tuoch daz wiert ain saltz vnd daz gib zuo dem salcz de selben bratten etc muoß gebrauten muoß niem ital aiger vnd als vil schmaltz vnd saltz es vnd mach daz schmaltz nit zuo haisß vnd tuo es in ain pffannen vnd braut es darin damit mach ain kecken ayger taig vnd vil duenne bletter dar vß vnd bachs jm schmaltz dar nach hacks gar klain vnd mach mit ayger vnd mit milch ain muoß etc muoß von gebachen nem gebach struben vnd hack die klain vnd sud die in ainer dicker milch vnd klopf ij aiger dar in vnd faerbs vnd wenn du an richten wilt so tuo gewuercz dar vf daz wirt vss der mauss guot etc struben hack gar wol vnd tuo milh vnder ayer dar zuo vnd mach ain wiltu so bewur faerbs etc kaß muoß ouch mach ain muoß von geribnem kaeß vnd sud denn vnd tuo vnd a milch vnd aiger darzuo vnd lauß wis muoß von fischrogen ouch zuch rowch fisch rougen mil milch vnd lebran durch mit wissen brot vnd hack in gaeder gar klain dar in vnd mach ain muoß dar vß vnd mandel vnd zucker daz wirt daz edlost muoß etc muoß von hirn hiern zuech durch mit brot vnd mach muoß dar vß mit milch ob du wilt wiß oder gefaerbtz etc muoß von aerbis aerbis muoß mach von wissen durch gezognen aerbisen alle merung von rotten aerbisen durch gezogen an andri ding wol machtu es mit hong susß machen etc muoß leber nem ain rechs leber vnd sud sy gar wol dar nach zer hack sy gar wol klain in ainem morser mit der brueg vnd mit ruggim brott win vnd essich vnd sud es dar nach in ainem hafen so wirt es schwarcz hach ouch speck klain dar in wen daz gesied so mach ain blatt mit aigern in der ainer pfannen vnd wenn du es welist an richten so leg daz plat dar vf muoß von krepsen zuo ainem kreps muoß nim kreps vnd schnid daz boes zuo den ougen da von vnd stoß daz ander in ainem morser vnd nem ain wiß brosem dar vnder vnd trib es mit milch durch ain tuoch vnd tuo es in ain pfannen vnd mach ain muoß dar vß daz wirt rot etc muoß von bieren bieren muoß zuech bieren durch wol gesotten vnd tuo vnd tuo geriben bimzelten dar an vnd sud es wol vnd tuo hong vnd gewuertz dar an etc mi?? milch brauten gebrauten milch nim aiger vnd milch glich vil vnd schlach es durch ain ander vnd tuo saltz vnd safran daran als vil es darf vnd tuo es in ainen hafen vnd henck den hafen in ain kessel vol wasser also daz das wasser nit dar inn mug in den hafen vnd lauß es wol er= sieden bys es wol er stocky vnd gibs fur ain muoß welle man es aber brauten so zuch es aber vf ain suber tuoch huentz es wol er suech dar nach tuo daz tuoch ouch dar dar wber vnd beschwaer es mit aimem bret mit stainen so wirt es keck als ain kaeß dar nach zer schnid es mit ainem faden vnd legs vf ainen rost als ain vterlin vnd bestrews mit gewurtz oder mit zucker ouch machtu haiss schmalcz dar vf giessen du macht es in ain pfeffer oder in ain brulin geben ob du wilt etc bry von bonen ainen bonen bry mach von gstossnen bonen vnd durch gezognen bonen vnd richt inn als ain mandel ziger mit allen dingen etc holder muoß niem holder bluomen vnd sud die in milch vnd zuchs durch ain tuoch vnd mach da mit ain muoß wie du wilt vnd mit gribnen simlen oder von andren dingen daz wirt gar wol geschmack vnd ouch gesund ouch machtu es wol faerben vnd bewurtzen ob du wilt aber es haut selber gnuog schmackes vnd hye mach menger lay muoß etc muoß von boraetsch ouch mach ain boraetsch muoß von deni bluomen ze glich wiß als ain holder muoß etc essen wiltu ain hoflich essen machen dar man allerlay flaisch brucht es sy wild oder zam gesotten oder gebratten so niem vier kalbs fuss oder mer vnd die bis daz die bainer dar von fallint vnd stoß in ainem moerser vnd strich es alles samet durch ain tuoch vnd tuo dar nach ain loefel fol dar an vnd tuo dar nach ain loeffer s denn saffran dar an beschaidenlich vnd ouch ander gewurtz vnd schutt es denn vf ain flaisch ist es aber gesotten so soltu es roesten vnd aber dar vber schitten so gestaut es etc hennen sieden wiltu ain hennen sieden an wasser vnd an fur so nim zwo zini schissla vnd zerwuerck daz hon in fier tail vnd tuo es in die schissla vnd tu schmalcz win vnd saltz daran vnd vnd sturtz die hennen vber ain ander vnd mach ain taig vnd bestrich die schisslan da mit daz kain dust da von mug komen vnd setz die vf ainen kopf stain vnd bedeck den obnen vnd neben zuo vnd obnen zuo hin luen vnd schit den vf den kapf stain daz es durch nider rinn so m wirt daz hon gesotten etc angeleiti hoener zuo an geleiten huenern nem alte huener vnd klub die von ain ander nach der lengi vnd schnid die brauten da von also die bainer dar von faliat ?n ander haftind vnd zerhack daz gebraet vnd tuo brout dar zuo vnd speck vnd gewurtz vnd legs wider an die bain vnd sud daz so haustu angeleite huner vnd tuo die hut dar vber vnd heft sy vnd sud sy schon ouch machtu aiger oder peterlin oder ander ding dar vnder tuon dar waerint klainen winber guot dar an etc huner jnagreß du macht ouch jungu huner siden in agraeß oder in gestossen erwellen vnd sy dar vf geben etc frowen essen wiltu machen ain frowen essen so sud ain uter von ainer kuo daz nit hab zefil brueg vnd nem die selben brug halb vnd nem zwo sil simlen vnd bayde vf ain rost vnd bschrichs mit iij aigern totter mit der brug durch ain tuoch vnd schnid dar vber zwo schnitten vnd roest sy vf ainem rost vnd schnid es denn klain in ain brug dar jn es gesotten sy vnd nen nem ain schisselin fol milchram vnd lauß es dar in sieden vnd tuo denn imber vnd saffran dar an wem es also ain rechti dunni gewint so ist es gerecht kalbs kopf etc zuo ainem guoten kalbs kopf schnid die vnder kiew da von vnd nem den andern vnd sud in gar wol dar nach brich niam die hiern schalen uf vnd tuo guot gewutz dar in vnd haiß schmaltz dar in vnd brat an uf aim rost etc kugelin von kalb flaisch kugelin von kalbflaisch mach also nem des flaisches vnd brot vnd ain wenig aiger das da von hafte hack es vnd bewurcz es vnd mach sinn weli kugelin als kiechlin vnd wierfs in ain sides wasser vnd laß es sieden vnd gibs trucken mit peterlin oder in ain jussel oder bachs in aim schmaltz vnd gibs in ainem pfeffer etc rinder daerm fullen ainen hinder darm fullen also hack ain lungen vnd speck vnd bewurtz es denn vnd fuls ouch niem ain hiern ayer vnd brot vnd bewurtz es denn vnd full es ouch machtu ain wenig von hong dar zuo tuon etc kleb wurst nem ains bocks leber vnd hack sy klain also grun mit aiger mit wysem brot vnd bewurtz es vnd faerbs vnd bewind es mit ainem mit ainem netz vnd roschs oder brauts du macht ouch dar vnder hacken speck vnd peterlin etc mandelziger nem mandel vnd stosß din gar wol vnd mach ain guot milch dar vß vnd trib die mit aim wenig wines brottes durch oder tuo wyß geribes brot dar vnder vnd guß ain wenig wins dar an vnd lass es erwallen hintz es dick werd vnd ?u zuchs vf ain sib oder vf ain tuoch als vil als ander ziger oder milch vnd wenn du es an richten wilt so strich es langlocht vf ain rost rot schisel mit ainem nassen meser oder mit aus schnid len vnd mit mandel kernen vnd gus bestoebs vnd guss jetwederhalb mandel milch dar vf mit zucker bestrowet etc gehaeckt in der vasten ain gehaeckt in der vasten mach von gehackten mandel vnd faerb ain tail vnd daz ander lauß wis vnd strou zucker dar vf vnd zuo dem dritten tail so nem kleni winberli geschwelt in ain wenig wins in ainer pfannen etc ziger jn der fasten zuo glicher wiß machtu machen von mandel ziger in der fasten aier vnd mach schypelote zeltle dar alle in gle geschlagne ayer vnd faerbs in der milch vnd leg sy in ain pfannen oder tupfe vnd guß oel dar vf vnd lauß es wol warn werden etc gehabierti aiger ouch gehabierti ayer mach dar vß mach kugelin als aiger vnd schnid mit haur von en ander vnd farb die in der milch ain wenig vnd gib sie in ainen essich vnd peterlin oder ainen supen war vf du wilt oder in ainer saelcz etc wurst wuerst mach ouch dar vß vnd tuo klaine winber dar vnder vnd fass es in hechten magen vnd in blautren als wurst vnd waz nit dar in mag daz mach langlich oder kugelocht vnd sud es vnd mach dar an ainem pfeffer daran sanft von gewurtzen mit oeppfeln klain geschnitten oder gehachet vnd mach ouch den ruggraut von dem fisch dar in geben die lebran vnd die milchlin vnd daz ander in gewaid etc gruben in der vasten schnid simlan klain wirflot als speck vnd roesch sy jm schmalcz oder in oel huntz es brun werd vnd stro es vf die muser als die grueben daz ist hoflich oepfel schrot ouch also roestz in dem schmaltz als vor vnd gib es ouch usz musern etc sultz zuo sultz vischen nim win wasser vnd essich glich vil vnd sud fich visch dar jn vnd bewurtz vnd farbs wol vnd leg die visch jn ain geschirr vnd gusß die brug dar vber daz wirt guott susß saltz ain ferchinn ain lachs oder ainen jnlancken mach also jn ain suß saltz mit visch lebra vnd mit geribnem lepzelten oder mit pfeffer brot oder mit gebrentem mel vnd hung als vor ist geschriben vnd duo mangolt kernen vnd baiderlay winber dar jn vnd figa vnd richt daz an vf die fisch kalt oder leg die fisch dar jn sultz sultz fisch mach also nim win essich vnd wasser jedlich glich fil vnd sud die fisch dar jn vnd leg sy jn ain kaltes wasser vnd wasch die fisch vnd schueppellan damit ab den vischen vnd zuch die suppun durch vnd also legg den fisch dar jn vnd saltz es gar linsa etc fign sultz stosß die figa an ain spißlin vnd mach der spißlun als vil als du wilt vnd sud daz jn aim kessel oder jn ain hafen vnd gusß glich wins vnd wasser dar an dar nach niem brot vnd lebkuochen geriben tuo es an die bug brug von figan hung vnd essich durch ain tuoch gezogen vnd bewurtz vnd farbs vnd er wels als vnder ain ander vnd leg die figa jn ain geschier vnd gusß den dar an vnd wen du es wellest an richten so stroew daz vber winber vnd gibs also fign sultz ain fign sultz stosß je vi figa an ain spislin mach die wie du wilt vnd sud die vnd nim win vnd wasser glich vil dar an dar nach nim brot vnd lepczelten geriben vnd tuo es an die bruey von fign hung vnd essich durch ain tuoch gezogen vnd bewurtz vnd faerbs vnd er welß als vnder ain ander leg die figa jn ain geschier vnd gusß den dar an vnd wen du es an richten wellest so stroew dar wber win ber vnd gibs also etc figan sultz ain figan sultz nem stosß ie vi figan an ain spisslin vnd mach die wie du wilt vnd sud die vnd nem win vnd wasser glich vil vnd gusß daz an dar nach nem pfeffer brot dar zuo ain wenig vnd tuo daz in die suppen vnd zuch es durch vnd tuo hong vnd essich dar zuo vnd bewurtz vnd lausß es erwallen vnd richt es vf die figan vnd strow klein winber dar uff vorgeschwelt nach dinem sin oder nach dinem willen etc sultz anfogel ain leber sultz anfogel oder an huner sud rekolter fogel gar wol in ainem frischen flaisch brug vnd daz sy dar in erwalind dar nach rosch sy wol im schmaltz etc hosnestel sultz ain hosnestel sultz nem ain frisch rechhut vnd brug dan an har ab vnd sud die wol dar nach zerschnid sy ainer spannen lang vnd zwaier finger brait vnd mach da von ain sultz ouch machtu es machen von aines dachs hut oder von aines faerchlis hut oder von aines anders tierlis hut vnd mach dar uß an ain sultz etc baches zuo ainem haideschen h kuochen mach ain taig mit ytal ayger so du aller hertest mugest vnd faerb daz vnd willin wol vnd mach gar dunni plall plaetly dar vß vnd bach daz im schmaltz vnd nim guoten win vnd halb als vil hong vnd erwell daz vnder enander vnd zuch denn daz gebachen dar durch so du es an wellist richten etc bachen krumb krampfen zuo krumben krapfen als roß ysen so solt du riben guoten kaeß vnd nem halb als vil mel vnd schlach dar vndern daz es sich dester baz wellen lauß vnd gewurtz es gnuog vnd wil es vf ainen banck daz es werd als wurst dar uß mach denn krump krapfen als roß ysen die wirt gar guot vnd fast gesund der sy schubt in den mund vnd sol sich bach im schmalcz krapfen in der vasten krapfen in der vasten mach also nem grußn nueß vnd nem figan vnd stoß die vnder enander vnd bewuertz die vnd legs in ain pfannen in oel daz es erwalle dar nach bewallen mit erhabnem taig in krapfen wiß vnd bach es vnd gib es kalt oder in ainem duerren pfeffer baches in ain jussel zuo ainem baches in aim jussel nim ain geriben kaeß vnd mel gelich vil vnd schlach daran ayer vnd bewurtz es wol vnd knit es vnder enander vnd will es vf ainem bret vnd mach dar vß lang strutzel vnd dunne vnd bachs im schmaltz dar nach schnid es in ain iussel etc baches in aim jussel ain gewundes bachen yn ainem jussel bach vnd gesaltzne pletter jn ainer pfannen vnd stro griben simlan dar vf oder oder geribnen kaess oder klaine winber oder ghackt flaisch dinges oder grunß allenthalb vnd wind es zuo samen als ainen strutzel gar fast vnd schnid stuklan dar vß vnd sch beschwar vnder zwai taellern vnd bachs vnd gibs jn ainem juessel etc guldin bachen schnitten guldin schnitten nem vil ayer totter vnd salcz schlachs vnd zuch schnitta dar durch vnd bachs vnd stroe zucker dar vf daz ist gar gesund zuo gold brott nim ital ayer vnd safran vnd nit gesaltzen vnd klopfz vnder ain ander vnd zuch schnitta dar durch vnd gib dar zuo salcz bach es von fisch rogen nim ain fisch rogen vnd zuch den rog durch ain wenig wisseß brot oder mengs mit guotem wissen mel als ain struben taig vnd farbs ain wenig ob du wilt dar vß mach guot struben oder anderlay guo gebache oder bewurtz es vnd mach fladly dar vsß als jn ainem offen gebachen oder mach verbrutn kuchlin dar vsß als von ayern baches von krosayer zuo krosayer schlach ayer zuo dem grossen spitz vnd klopf die gar wol tuo pfeffer vnd safran vnd gehacketen peterlin vnd salb jn an vnd rosch jn ainer kuochen vnd stoß es vff ainem rost vnd bratzs also krosayer mach also brich ayer vff an der spitz vnd lar die schallan gantz vnd nim ital ayer tutter vnd schlach die wol jn ainer schussel vnd bewurtz vnd saltz vnd farbs vnd tuo gehacketen peterlin vnd sabiner oder minsen oder ander dinge dar nim waz du wilt rost es vnd hacks klain vnd tuo es wider in die schalen vnd stosß ann ain spislin vnd bachs vff ainem rost bachen morachen nim klain morochen vnd waschs gar suber vnd schnid die butzen dar von vnd mach ain dunen drack taig von wissem mel vnd guß ain wenig winß dar an farbs bewurcz vnd zuch die morochen dar durch vnd bach es jn ainer pfannen etc gebachen buobnpfulben zuo ainem esen haiset ain buobn pfulb nim ains kalbs lungen vnd sud die gar wol vnd schnid speck dar vnder vnd hack es gar wol vnd schlach ayer dar vnder vnd pfeffer ?? vnd saffra vnd bach die mit mintzen pletern vnd bewils dar in vnd bestrichs ander fug mit ayer totter bach es mit schmaltz saltz von fil saltzen mach also nim peterlin salbinen vnd ruggin brott ayer toter vnd bymen zelten vnd stoß es wol klain vnd heb es vff mit essich vnd zuchs durch saltz och mit peterlin vnd mit ruggin brott gestossen vnd durch gezogen mit essich die saltz ist guot zuo ains schlop bratten saltz von knobloch von alltem knobloch mach ain saltz gestossen mit wissem brot vnd essich daz haisset ain elsasser knobloch saltz och nim lunggen zibellen peterlin vnd salbinen vnd brat als vor geschriben ist saltz och stosset man g knobloch mit nussen oder mit man deln vnd mit wisem wissem brot vnd mengin vsß mit win vnd mit hong etc nim reb lob vnd die fa faistn zwilin vnd ampferan vnd erbsere lob ysope peterlin vnd salbinen glich fil vnd hacks vnd stoss vnd zuchs durch mit pfeffer brot compostmangolt zuo aime guoten kunpost nim mangolt vnd wasch den gar suber vnd schab die wurtza vnd sud in mit pleter vnd mit in gesalczem wasser kumpost wilt ain suren kumpost han so guß essich mit surem hefell dar an vnd gemalen sinf oder sud win oder wasser mit win stain vnd laß daz luter werden vnd gusß daz vnder mit rotem gehacketten zibellen rub kumpost och machtu klain rueba sieden vnd klain kalbes hopt gefierden taillet vnd die ruba brayt gesch niten vnd die och dar vnder machen etc sussen kumpost wasch jungen mangold vnd schab die wrtz vnd sud es jn aim gesaltzne wasser vnd zuchs vf ain bret bis es er sich nim hong vnd win glich fil vnd er well dar jn figa vnd baiderlay winber vnd farbs vnd guß es alles vff den mangolt vnd stroe win enis vnd mandel dar vnder du macht och nespla vnd biera dar in tuon etc sschlechn kumpost nim win vnd hong glich fil vnd er wels dar nach nim schlecha voll berait vnd suber vnd leg sy dar in also kalt och machtu bieran nespla bestecken mit gewurtz je nim so vil als du anrichten wilt so blibt dem gewurtz sin kraft vnd sin gutin etc latwarin boratsch ain boratz latwarrin nim ij libra boratzsch bluob bluomen vnd hack die klain nim j libra hong vnd j ha? halb maß win vnd d schom daz hong vor hin gar wol vnd tuo die bluomen dar in vnd sud sy wol biß daz es dick werd dar nach zuch es durch vnd bewurcz es den wie du wilt vnd zuch es vff ain bret biß es drucken werd nuß lat warin nim bom nuß die wil die schal nit an fach hertun vnd durch stichs mit ainer sylen vnd legs jn ain gesaltzen wasser acht tag so zucht es jm die sur vß dar nach waschs vnd sud es mit win vnd mit h hong gar wol vnd bestecks mit gewurtz vnd be wurtz die brey vnd be halcz inder bruye in aim glesten s gschier also daz die bruey die nuß bedeck daz si nit schomlin senf zuo ainem guoten senf niem senf samen vnd dere dien suber vnd stosß es den jn ainem morß gar klain vnd zuch jn durch ain enges tuoch vnd stoß zinwit bluot vnd tuo es vnder den senf vnd zwie es mit honig vnder ain ander recht als der wachs berst wen du wilt so nim des selben ain wenig vnd zertrib es mit win etc wahsteln krut zuo ainem wachtel krutt nim peterlin vnd mangolt vnd schnid es ains glids lang vnd niem ain wachtlen schuon gebrayt vnd bestreus mit gewurtz vnd leg leg zwierod als vil krutzs als der wachtlen ?? in ain hafen vnd sud daz vnder ainander wachtel krut m nim peterlin vnd mangolt vnd schnids ains glids lang vnd zuo ainer ietlicher wachtel niem zwierud als vil krut vnd sud es vnder ain ander vnd hack guot speck dar an dar nach rost die wachtla vf aim rost vnd gib sy vff ainem krut etc krut von loch von ainem loch loch krut nim wiß loch vnd koln vnd schnid es ains glids lang vnd rost sy in ainem schl schmaltz vnd gusß wasser dar an vnd laß er wallen vnd legs jn ain sib wen daz wasßer dar von kum so leg es in ain hafen vnd guß milch dar an die mit aim wissen brot durch ain tuoch gezogen sy vnd tuo schl schmaltz dar ain vnd sud schwinin schmaltz dar zuo etc walsch krut ain walsch krut brich luieschen oder jungen mangolt der kol krut zwisch ain artis den henden vnd sud daz jn flaisch supun bilch krut bilch krut oder bilch bry mach also g niem grien kurpsa e sy zyttig werdent den schnid die grunu hut ab vnd bruey sy den vnder bruey als ruban l vnd hacks klein vnd tuo die kernen da von vnd die kurpsa sonder in schafine supun vnd so es gesied tuo milch dar an vnd laß es er wallen vnd gib es zuo dem flaisch von bluost nim buonn bluost oder erbißbluost oder wicken bluost vnd der die suber am luft vnd buluer die schuon vnd wen du jn dem jar sultz machist so nim des puluers ie vnder j maß anderhalb lot vnd wind es jn ain suber tuchlin vnd sud es inder sultz so bestat die sultz och ist die husen blater vnd all fisch blatra guot in sultza wan si gestan der wol sultza sind och guot ze giessend in glestan geschieren oder jn stainina gschiren oder in zinina vnd si kaltz giessen vnd die geschier sol man setzen vff kalt gestain oder vf kalt ertreich wa du wilt item pren jn den win wermuot item pren den salman jn win der dem hopt item hiemelsch gab oder des tufels fluoch daz gold pren jn win schiß drrin vnd nithartz f? vndererm huotlin