einen fischbroden  mach glicher wisz gar nae als den holbroden vor gesagt nym einen hecht bereit ine schoen lose im den groid ab vnd mit wurtzen abgesoden als er sin sal behalt die brue stos ine in eym morserr mit winberen vnd honyge gesoden mit wurtzen vnd saltz vnd ein wenig mele das tempererr wol mit ein wenig milch smaltz slags vmb einen spisz als den holbroden lege ine zue dem fuer nym das houbt groid vnd den swantz hacks zue stucklin mit dem sweis suds ab mit win gar wol rieb lebkuchen machs ab mit wurtzenn vnd saltz ader mit der fischbrue versuchs woil wiltu den hecht vor nicht syeden so hack ine gar klein vnd stos ine wol in eym morser vnd bereidt ine mit den speciebus vorgesagt