Categories:
Main ingredient: meatPreparation: roastType: -Ein holbroden von kalbfleisch Hacks klein vnd wol Thu isz In eynen morser Slach ydel gute eyer totteren dar Inne vnd eyn wenig schon mele wurtzs Im morser ab mit saltze Stos wol vnder ein ander behalt das wiesse klopphe isz vf halb Dan mache einen breidleichten gense spisz den bicke rue Nym das fleisch vsz dem morser Bestrich den spisz mit dem eiger kloir vnd netz die hend dar Inne vnd kleibe das fleisch vmb vnd vmb den spisz gar wol lenglich In eyner dicked gar eben drucks wol zcu mit nassen hendenn als lang der brode ist Leghe Ine zcuem fuer Zcuem irsten klein kolnn vnd sitlich wende Ine vondem fuer vnd dar noch ye rischer kolnn Beguesz Ine mit eym Zcuerloissen alten specklin ader milchsmaltz Du machst ouch den speck Snytzlin ader gehackt vor dar In thuen ader milchsmaltz So fuechtet isz vnd bridt vil schoen Ader an vnderlois wend isz vmb fyer nit So wirds risch Synd lange snytzen dar In vnd sehe Ingber pulber dar Inn Stich mit eym hultz dar In Nym ein fleisch brue die gilbe schoen Thu smaltz dar an Hitzs In einer phan begusz den broden do mit so blibt er lynd vnd gut