Categories:
Main ingredient: doughPreparation: pastryType: -Ein essen von gestrickten pachen Willdu machen ein gestricktes pachen von einem teig so mach ein hertes als czu einem heidenynschen kuchen pachen vnd mach auch pleter sain die heidenischen pleter vnd schneid ein schnyten die synbeller sein den die finger vnd nym ein schmalcz In ein pfanen oder In einen morsser vnd secz In das er heisz werd vnd nym einen kochloffell oder ein hollczlein da mit reich an die pleter vnd leg In eins hin das ander vber leg vnd wurff es an dem holcz In die pfanen vnd laß es pachen [199v] vnd ker es vmb In dem morsser vnd mach ein gute supen dar czu von honig vnd von gutem gewurcz vnd dar czu ein wenig weins vnd ein wenig essigs das es durch das honig piczell vnd streu dar ein ein wenig weinper vnd geusz die supen dar auf das pachens vnd richt es den an vnd versals es nicht etc.