Categories:
Main ingredient: fruitPreparation: electuaryType: -Ein Latwerg von weinpern klawb die weinper ab In ein kessell setz sie auff einen dryfusz Vnd laß sie sydenn Vnd Rur sie das sie nicht an prynn Vnd thue sie her auß vnd ting die per durch ein durchschlag ader enges sib das die kernn vnd pelg heraussenn beleybenn Vnd thu das selb saff wider In kessell Vnd Rur es stets das nicht Anbrynne mit einem prayten scheufelein Vnd sewds als lang pys dick genugk seyn Zu latwergen Wiltu sie aber hert machenn zu kuchenn so lasz noch lenger siedenn Vnd so wirt sie dick vnd hert Vnd ist gut fur die stul Vnd kulet Im sumer gar vast Wiltu aber wurtz dar an thunn als an die weychszel latwergen [188r] Ader wiltu kuchenn darauf machenn als kuten latwergen darnach soltu sie wurtzen wenne aber keyn wurtz dorInne ist so du sie anrichtest So thu tzymyn ader Trysenet darauff vnd tzwir sie vor mit weyn ab sie Zu dick ist ee du das Trysenet ader wurtz darauff thust Vnd ann wurtz hilff sie fur die stul vnd vertreibt denn durst