WElt ir wissen vnd so vnd vach den swais in ain haffen wein rurtt es durch ein ander hin vnd her das chalb als ein Swein slacht Im das hawpp ab vnd chleubt das durich ein ander vnd nym das hieren her auss das ander wasch schan sewdt es rain vnd mach do wan slach ym dy fuesss ab pey dem chnie vnd mach da von Nym vnd machs schon ain spechk vnd ain semell dy sneydt wurfflat vnd ayr als vill dw wilt deczeslach vnd geburcz sy tue das pratt vnd den speck dar vnder full den chragen vnd das wempern laz das syeden schon vnd das kros besunder das es weyss wert wann das gesotten sey so sneydt wamppem vnd den magen czw scheiben vnd leg das In die schussel wann dw wilt an richten so leg das kros oben dar auff so wircz ain rechcz essenn Nym die vnd hach sy also rachew nym ain speck vnd ain semell pratt vnd sneydt den speck wurfflatt reib das pratt chlain vnd mach Das rain ab mit guetten gburcz Nym ayr vnd misch die durich ein ander thue ain smalcz in ain phann vnd ruer das ob dem fewr das es nich an prinn Nym das necz vnd legs an dy anricht wan es hertt wertt so slach auff das necz cze sam legs auff ain rost czway holczer oder drew leg dar auff mit dem veintt daz vmb daz dw es nicht czepregst wan das nun gepratten ist so sneydt das czw scheiben auff ain schussell was dw da von sneyst das stoz chlain vnd treibs durich mit guetten wein gburczt rain so wirt es guett das leg in ain tuech vnd pring das czesam sewdt das mit dem tuch wann es nun gesotten ist so nym ain halbs talentum mandel stoz chlain mit guetter prue schlachs durich ain semell vnd ain hieren slach mit ein ander durich Nym rains smalcz vnd das dar vnder so wircz guett Nym ain guetten wein vnd den daz des nicht czewill sey nym leczelten nicht czewenig vnd reib den chlain tue In dar ein hastu nicht czucker so nym honig an die stat vnd raines smalcz so wirt das slecht vnd mach es woll ab mit guettem gwurcz stra dar auff czucker vnd guett geburczt dy sewdt vnd hack sy chlain nym ain raine prue vnd xij ayr tutter vnd mach das ab so hastu ain guecz muess dy wasch schon sewds vnd machs rain ab mit guettem gwurcz mit saffrann vnd mit pettersill wann dw wilt an richten so sneid dy haut czw fleckhen legs in ain schussel vnd gewss dar an dy suppen nym ain pratigs fleisch von dem diech oder wo es vindest vnd hacks chlain nym den swais machs nicht czeswarcz wan das gehackt sey so nym ain rochkens pratt vnd reibs chlain lxiiij ayr slach dar an das geriben pratt thue auch dar an hacks wol vnd gwurcz rain mit nagelein nym ain prett vnd legs dar auff vnd mach da von czwen oder drey nym ain wenigen kessel vnd wein dar ein mit ainer prue secz auff dy prentt oder auff das fewr vnd las dy pratten dar In sieden vncz an dy statt wan sy nun gar woll gesotten sind so nymbs her auss vnd lass es chalt werden nym ain rain speck den sneydt chlain vnd lanck Spichk den pratten da mit gancze nagel tue auch dar ein vnd nym ain guetten wein thue guecz gwurcz dar ein vnd czwcker mach ain suppenn dy gib czw dem nym das ander pratt vnd legs in dy prue vnd lass es sieden an dy statt das es doch nicht versotten werd nym das herr awss vnd legs auff ein anricht lass kalt werden so magstu es sieden wie dw wilt prenn ain pratt czw ainem pheffer ain aphfell vnd sczwiuall hack chlain dar In vnd nym ain festz von ainem fleisch vnd swercz es in ainer phann tue es dar an vnd machs rain ab mit guettem gburcz so hastu das sneydt nach der leng vnd gibs fur fleisch etc. Item dw solt nemmenn pain da noch fleisch an ist dy hack czw chlainenn stucken nym ain prue von dem fleisch esseich vnd swaiß von dem chalb das thue dar vnder thue das fleisch dar Inn vnd lass sieden dar Inn mit speck vnd machs ab mit gburcz so hast ain etc.