Ingredients:
- prott (bread)
- hunr prue (chicken broth)
- airen (chicken egg)
- smalcz (lard)
- malmasyr (malvasia)
- voglein (poultry)
- hassen fueß (rabbit's foot)
- saffrann (saffron)
- wax (wax)
- weissen (wheat)
- wein suppen (wine broth)
Tools:
- tuech (cheesecloth)
- gluetel (ember)
- phann (pan)
- puchslein (tin can)
Categories:
Main ingredient: -Preparation: -Type: medicinalItem als chochs wil dw ein frawenn besechen czw einem kindt czw erstenmall wan dw an wilt heben so fleiss dich das dw habst ein news tuech das ainer ellen lanck sey das dw dan habst czway laybell frisch wax das nye genucz sey worden das leg in ain phann die auch nye genucz sey worden vnd czer gews dar Inn so nym dan ein hassen fueß den nye genucz sey worden vnd streichs auff das tuech halbs czw der ain seytten wan es dan ge stercht ist so fleiss dich das dw habst ain frischen saffrann In ainem puchslein als groß als ein hassell nuss das waxein ert ain ckich [69v] das leg der frawen auff den leib vnd den saffran gib ir in die ain hannt das sy In pey ir behalt vnd dar czw smeck was dw dan der frawen czw essen gibst das ist der frawen czymlich zwm ersten mall das dw czw essen wilt geben Ist es czw der czeit das man fleisch ist so gib ir ain guttew hunr prue vnd ain snitell prott dar ein zw dem anderen mal mach ir ain phanczel vndter das phanczel nym ein guetten malmasyr wil dw machen von czwain airen so nymb des weissen ainwenig dar vndter machs vndter drew air nym ain smalcz das als groß sey als ein hasell nuß In ein sawbers phandel das dw gemacht hast von denn ayren das gewß dar ein wan es hayß wirdt vnd secz es in ain gluetel das es chuell werdt so gett es auff in dem phandlen ein wenig gen ainer frischen gluedt so wirt es aber auch prawen das macht tu geben der frawen In ainer wein suppen oder ploß czwm anderen mal wildw der frawenn ain gestozzens [70r] geben von den voglein so nym aineer Iung da chain ander vogel bey sey mach ir ain wenigs gestossens dar auß etc.