Categories:
Main ingredient: vegetablesPreparation: preserveType: household tipItem ein guett ckrawtt nym piersen ckrawtt Wol durich lessen thue die stingel da vonn [64r] Vnd wasch Das rain vnd schneyds das czw dreyn taillen vnd pru sy in einem ckessell ab gar woll vnd czewch sy dann auff ein syb das das wasserr woll da von gee Nym guetten wein vnd honig vnd weinpern woll durich lessen vnd gebuercz es ab mit pheffer mit czymen vnd Ingwerr vnd well dy prue da mit ab vnd leg das ckrawtt in ein schons vassel vnd gewß dy prue dar vber vnd ruer es mit einem loffel vnd In dem vassel wol durch ein ander Nym geschelten mandell vnd las In schneyden czw dreynn oder viertaill vnd nym sein ein guett tail vnd thue es in das ckrawtt vnd ruer es aber durch ein ander vnd secz ab dem weg vnd decks schon czw das ckrawtt so magstu es behalten Iar vnd tag vnd nit salcz etc.