Ingredients:
- mandel (almond)
- mandel milich (almond milk)
- hawpp (bird's head)
- ckoll (charcoal)
- hunnr (chicken)
- czimerrintten (cinnamon)
- nagel (clove)
- taig (dough)
- visch (fish)
- vergolden (gold)
- honig (honey)
- chue fuesß (knuckle of veal)
- smalcz (lard)
- musca plued (mace)
- pettersill (parsley)
- payn (pig bone)
- fueß (pig's trotters)
- prue (pig's trotters broth)
- vogel (poultry)
- rockchem melb (rye flour)
- gelb (saffron)
- geburcz (spice)
- spanfackel (suckling pig)
- czuckerr (unrefined cane sugar)
- esseich (vinegar)
- wein (wine)
Tools:
- kraucz (dividing cross)
- rowst (grate)
- span (sawdust)
- spiß (skewer)
Categories:
Main ingredient: -Preparation: aspicType: show dishItem ein galraydt von slechtem pedem la dir machen ein kraucz das dunne sey wan man das auff den podem secz das es geleich auff stee das der podem woll gehobelt sey vnd ganncz Nw nym thue fueß die da schon gepratten sein die sewdt gar woll das die payn all da uon vallenn die weill die fuesß sieden die waill laß dir stossen mandel vnd pettersill chlain gehacht vnd auch woll gestossen dar nach soltu die chue fuesß woll stozzen vnd tail sy in viertaill vnd streich die mandel mit ain taill vnd den pettersill mit dem anderen taill mit der prue streich dar nach dy czway taill mit ein ander durch vnd nym es halbs vnd verbs gelb ab das ander taill verb Swarcz ab mit ainem linden ckoll vnd mit nagel vnd gesodtne hunnr vnd span[56v]fackel das das auch gesoten sey von vogel groß oder chlain die grossen an ainen spiß gepratten dy chlain In ainem smalcz woll gerost vnd wan das gar ab beraidt ist so geburcz am erstem die mandel milich mit czimerrintten vnd musca plued wan sy ab gesoten ist mit czuckerr sunst gemacht mit honig das gruen vnd das gel sol sawber sein mit esseich vnd mit wein wan dw die vier plue hast ab gewelt So secz das chrawt auff den podem vnd mach ein starcken taig von rockchem melb vnd mach einen rowst vmb das chrawdt vnd leg dy hunnr auff ain taill vnd dy vogel auff das ander taill gesotten visch auf das tritt taill die spanvackel oder sweinen fuesß auff das fiertaill so nym dan die prue vnd gewß auff dy visch auff die gelben prue auff die hunnr dy weissen prue auff die vogel dy swarcz prue Der tail mach acht das al[57r]beg dy weiß prue vnd die swarcz gegenein ander sagen vnd dy gruen vnd die gelb auch gegen einander In iedem veldt also secz vnd laß die nacht sten vnd des margen wan man fur soll tragen so thue den taig her ab vnd schaw das chain taig auff dem podem weleib czeuch dy span gar seyberleich her auff das dw die galraidt nicht czw pregst dar nach nym das chrewcz pey der mitt vnd hab das auch her ausß die leistel da das chrewcz ist gewessen das gehordt czw vergolden vnd welicher vogl das hawpp vber sich reckt das sol man auch vergolden das gibt man hin fur preydt essen