Item machen nym mandel ein genugen vnd la dy czw mal woll stozzen in ein morsar vnd das hawssen plasen ein nacht oder ein tag wol gewaickt sein in einem wasser oder wein nu laß dy hawsen plasen sieden vnd streich denn mandel vnd hawsen plasen mit der prue mit ein ander durch vnd mach gar ein guette dicke mandel milich vnd thue musca pluedt gestossen vnd czimerrintten ains als vill als der anderen wan dy mandel milich ab ist gesoten so gburcz es ab mit der musca pluedt vnd mitder czimerrintten vnd temperiris woll durch ein ander vnd gewß auff ain praittew schussel vnd laß vber nacht sten wil dw dan gernn das es rott sey so nym dise ander vnd verib si halbe ab vnd gewß die selbig besunder auff ein schussel von den selben magstu wol machen choll vnder phiffarling Hier wird der zweite Teil der oben hergestellten Mandelmilch verarbeitet. The second part of the almond milk produced above is processed here. von der weissen mandel milich magstu wol gemachen Nym ein hechten der nicht czw groß sey vnd sneidt in pey dem hawpp auff mach dir ein holcz da mit dw im dy hawtt gelassen magst vnd czeuch im dy hautt ab pis auff den czagel das sy gancz beleibee vnd laß den pratten allen schon da von vnd czeuch die hawtt wider vber vnd ein grosse phann mit siedung wasser leg die hautt dar ein mit hawbt mit all das woll siedt vnd salcz wan sy wol gesoten Ist So laß sy inder phann stan als lang pis das wasser dar an erchalt So nym es dan her auß vnd mach holzer in ein haffen ist das sy eben her auß genn mach den haffen dar czw das er dar Inn gesten mag vnd gewß die gesulcz mandel milich in die haut vnd full die czw vnd secz den haffen ab dem wege vnd laß den hechten dar in stann vnd wen er gestanden ist so sneidt in czw scheiben vnd leg das hawp stuckel dar czw vnd gib inn czw essen mit czucker