Ingredients:
- opfel (apple)
- huener (chicken)
- air (chicken egg)
- taig (dough)
- honig (honey)
- smalcz (lard)
- muscat (nutmeg apple)
- repphuenerr (partridge)
- tauben (pigeon)
- gelb (saffron)
- gburcz (spice)
- semel (white bread)
Tools:
- hert (kitchen stove)
- phanlin (pan)
Categories:
Main ingredient: game poultryPreparation: pieType: -Item wil dw machen ein guecz pachen so chloppf air chlain vnd Sneyd dar vnder semel wirfflat vnd mach es gelb vnd sneydt dar vntter muscat chlain vnd thue ein smalcz in ein phanlin vnd mach ain platt von halbem taig vnd thue dan das selbig her ausß vnd mach dan von dissem taig auch ein platt vnd laß [38v] es dar In vnd nym dan gerost opfel vnd nym dan prattnew repphuenerr vnd ob dw der rephuener nit hast so nym Iuge huener oder tauben vnd leg gerost opfel auff daz plat vnd halbe huener die leg auch dar auff vnd heb es dan vber den hert vnd leg das ain plat dar vber vnd chlopf dan czway air vnd gewß es dan vmb vnd vmb an die ortter so werden die pletter gancz vnd mach dan ein guett honig das fuams sawber vnd thue dar ein guette gburcz vnd prich ein loch durch das platt vnd gewß das honig dar ein vnd laß es dan dar In hin vnd her lauffen das ist ain edelew speyß vnd versalcz nit so ist es guett