Categories:
Main ingredient: fruitPreparation: pastryType: -Ein pachens von oppfelen Wer ein hubsch pachen von opfeln machen wil das hayst ein pluessredel So nym vier oppfel zu einer herren schussel vnd sneyd dy so dunnest machst Zu scheyben vnd darnach vier regelspiren [105v] vnd ains oppfels der do rauch sey vnd haw es vndereinander vnd stupp es wol vnd strae darein weinper vnd mach dar aus ein guette full vnd mach dye full gelb vnd nym ein klains holtzlein als ein spindel das an dem ainen ortt ein chnopflein sey vnd stoz der scheyben aine daran an dye oppfel vnd full der full dar auf als dick dy scheyb sey vnd stoz aber aine hin nach vnd full das zwischen als vil als in einer pfann [106r] geligen mugen darnach mach dar Zu ein taig mit zwain ayeren mit einem wasser vnd mel als dick als ein strauben taig vnd setz dy full in den taig vnd leg es dann in ein pfannen mit welling smaltz vnd lass es gar chuel pachen vntz das es prawn werdt so nym es her aus vnd Zeuch das holtz her aus mit dem chnopfel da mit ist es beraytt