von ainem essen von dreyerlay farben ze machen item nym dreyerlaj farbe so nym hausen plater die seud in wasser schon vnd nym denn ain dicke mandel milich vnd petersill vnd hack den gar klain vnd nym den drittel der mandel milich vnd zucker darunder das wirt ein gruene farbe vnd nym denn die zwaj taill vnd zuckers wol vnd lass den sieden in ainer pfannen vnd ain tail lass also weiss vnd das drittail mach eytel gell vnd geuss yett leichs vf ain pfannen vnd lass es denn sten vnd seud die gruen in ainer pfannen also lass vnd geuss denn vf ein pfenndlein also lass es sten biss es hert werde so hastu dreyer lay farbe gruen weisz vnd gell vnd heb es dann ueber das feur vnd pald wider darabe vnd leg es vf ain anricht vnd schneid es denn als ein schaffczaglat vnd leg es auf ain schuesselein ains gruen das annder weiss das dritt gell piss das die schuessel vol werde vnd gib es hin zue essen