Categories:
Main ingredient: offalPreparation: complexType: show dishEin Sweins kopff das feur daraus far als flammen Item Nym vnd seud ain schweins kopff wann er dann gesoten sey So nym in vnd schneid In wuerfflat das er dennocht [89v] ganncz sey vnd nym ymber vnd saee die darauf vber all an den schweins koppf der sol ganncz sein vnd das er nicht von einannder gespallten sey vnd wann du der ymber darauf gesaet hast So nym ain schuessel vol geprents weins vnd geuss aussen halb auf den kopff halben vnd In das annder halb tail den gepranten wein vnd geuss es Innen In den halls vnd das blas das der wein nicht heraus rynne vnd nym dann ain duerrs prot als grosz als ain nusz vnd nym dann ein glueennden kissling als gross als ein hasel nuss vnd thue das In das duerr prot vnd legs denn In den pranten wein vnd von dem glueennden kyssling werden darauss flammen faren vnd ist vnschedlichen vnd schmeckt wol Als magstu auch ainen haimyschen schweins kopff machen .