Ingredients:
- huon (chicken)
- halls (chicken neck)
- haut (chicken skin)
- saluan (common sage)
- petersill (parsley)
- fuelle (stuffing)
- wasser (water)
Tools:
- Anngster (pinch bottle)
- hafen (pot)
- holcz (skewer)
Categories:
Main ingredient: poultryPreparation: complexType: show dishVon ainem gannczen huon ganncz vnd gar In ainem Anngster Item wie man ein huen ganncz In ainem anngster machen sol Nym vnd pruee das huen vnd verpruee das nicht vnd das Im die haut dennocht ganncz sey So nym vnd zeuch Im die haut ab vnd plasz In die haut vnd wo sy ze prochen sej vnd ein loch habe So naee das wider zue vnd nym das fleisch vnd seud es vnd wann es genuog gesoten sej So hack es klain vnd saluan vnd petersill vnndereinannder So nym ain stumpffs holcz vnd stoess die haut In das glas oder In den anngster vnd plas die haut auf In dem glas vnd thue [89r] die fuelle In das glas darein vnd wann du die haut gar darein pringest So behalt den halls heraussen vnd verpint den wol vnd steck In ueber das glas das kain dampff darein muege oder wasser vnd wenn du die haut von erst ab zeuechest piss an die fuesz So schneids Im ain wenig abe vnd wann du das alles gethan hast So thue als vor geschriben stet vnd secz es zue In ainem hafen das daz wasser ueber das huen gee ains zwerchen vingers dick ueber das glas vnd lass sieden So sterckt es sich das man es sicht In dem glas als ein ganncz huen vnd gib es hin dann zue essen .