Categories:
Main ingredient: fruitPreparation: pureeType: sweetAin prauen gemuess von weinperen vnd von veigen ze machen Item von ainem muosz Du solt nemen ain pfunt weinper zue ainem praunnem muosz vnd ain pfunt veigen vnd solt nemen czwainczig Regelpieren die schwaiss schon In schmalcz oder In oell wann du es gehaben macht trucken mit ainem melb vnd thue es In ain pfannen vnd seud es das es praun werde vnd wenn sy nun praun werden . So lass es kallten vnd trucks zue samen So geet das oell dauon . vnd hack das klain ze stucken damit das sy klain werden vnd die veigen sollen wol gesoten [83r] sein vnd die weinper schwaiss schon vnd reib sy durch ainannder vnd solt dann haben guoten waelisch wein Rainfall Rumonier oder maluasier vnd thuest maluasier darunder vnd verderbst sy nicht daran vnd bedarfft wol guot gewuercz vnd nym ain hoenig vnd thue das In ainen schoenen loeffel das hoenig sol als haiss sein vnd geuss das daran ruer es das es dick werde thue es dann vf ain kar oder was du hast wann du wild anRichten magstu nit gehaben tattel koren So nym naegelein In das gemuesz vnd schneid das tattel koren nach der lennge vnd besteck es damit .