aber ein gemuess von arbassen ze machen item von arbaiss die reib schon da macht du gemuess von wie du wild warmm oder kalt die kallten auf ain schuessel wann sy nun gestannden ist so schneid sy durch czwirund vnd nym das mitter tail heraus geuss ain seniff darein nym arbasz die nicht ze waich sind vnd stoesz die klain in ainem moerser vnd thue ein hoenig vnd ain saffran daran oder zucker da wirt es suesz von vnd ein wenig mel thue daran so wirt es nit zaech du solt haben ain pech da mach lueger ein vnd die lueger prenn mit einem sinbellen eysen die lueger suellen als weitt sein als ain feder kill vnd thue denn die arbass in ain pecke oder pecher kuen das geleich auf den podem geen wenn du das lidlein duncks so gennd die arbass vnnden aus die mach in ain schuesselein da du die innen geben wild drej oder vier tuerenlein vnd mach ain seniff dar zue der gelbe sey vnd mit guotem gewuercz mach in vnd geuss in daran