Categories:
Main ingredient: fruitPreparation: preserveType: -wiltu ain schlechten kumpost machen Item wiltu schlechten kumpost machen So nym ainen gepickten hafen vnd fuell den voller slehen vnd geuss wein oder wasser daran als vil du wild oder muegest daran pringen vnd geuss das wider darauf vnd missz das vnd als vil mass du missest Als vil hoenig nym dar zue vnd thue das In ainen kessel . vnd lass es sieden piss es ein siede Als vil des hoenigs gewesen sej vnd lass es woll erkallten vnd nymm dann kuetten . vnd frisch regel pieren vnd lass ein wenig erwallen vnd schneid die zue klainen schniczlein . [64v] Auch nym die kindlach die pej den kraucz kroepffen stenn vnd die auspriessen oder ausschiessen vnd erwoelle die vnd thue ein wenig darein Vnd leg dann die vngesotten schlehen ain legk vnd strae dann kuetten oder pieren schnicz ain legk vnd der kroepff auch ain legk vnd dann aber schlehen vnd thue das pisz das der hafen vol werde So geuss dann den gesoten wein oder ein masz hoenig daran mit dem hoenig vnd verpind den hafen vnnz das er sich vergaert So hastu ainen guoten kumpost wann du wild So thue wuercz In den wein .