Categories:
Main ingredient: -Preparation: aspicType: show dishAin sullcz von weinperen [21r] Item ain sullcz von weinperen Nymm ain pfunt weinber dar zue vnd die wasch schon vnd reibs klain vnd nym ain hausen platter die sol gesoten sein mit guotem wein nym des als vil das du sy durch schlagen muegst vnd guot gewuercz thue doran vnd zugker thue es vf ain schuessel vnd lass kallt werden vnd schneid sie zue stucken wie du wild Nymm nuosz milich vnd hausen platter die sol gesotten sein das er es recht mach vnd mach zugker doran Die milich sol suess sein vnd besteet vnd dann die pruee sol weiss sein vnd lass sten vnd solt haben ain pfunt mandel vnd reib den klain vnd aber hausen platter ain lot vnd sol die milich daran giessen die milich sol suesz sein vnd thue sy auf ein schuessel vnd lass sy kalt werden vnd nym ain pfunt weinber die wasch schon [21v] vnd reibs klain vnd muost haben ain hausen plater vnd schlahe die wein per durch vnd die milich sol dick sein als ain mandel milich vnd machs mit guotem gewuercz ab Vnd wenn du es vf ain schuessl thuest . So schneid sy an vier ennden vnd nym die zway stuck heraus nicht die pej einander vnd thue schwarcze an die stat . So wirt die schuessel vol wider vnd gancz also .