ain kerstrankch nim weich sel die zeittig sein der nem ein mueltter vol oder zwo oder wie uil du wild haben die lass absieden vnd slachs durch zwir oder drey stund wildu ein kerstrankch haben so soltu in ver yessen lassen vnd lass in liegen also lang vnczt das newer wein kuembt nym den pesten most den du machst gehaben den lass sieden vnd lass in veryessen wenn er wol ver yessn sey den gews dar an das es nicht zu vil sey so peleibt es pey seiner varb wildu den trankch guet haben so tue gewurcz daran nym ingwer in einem sakchlein vnd tuee die gewurcz dar in ingwer galgant chanel vnd czymey vnd negelein vnd solt auch haben die parischkorner vnd den ganndel das solt du stozzen lassen nym ain virdung den hengkch daran vnd tuee es in das vas den gallgant vnd den zymey die sneid vnd tuee die gewurcz alle in das seakchlein vnd hengkchs oben zu dem peyl in vnd verpeyll es schon wann es zustarkch wirt so nym das sakchlein heraus vnd trukchen es pey dem offen vnd lass insten so wirt er guet