Item fleysch (meat) ist ein speyse do des menschenn leib allermeist von gespeißt wirt vnd in feist vnd starck machen Doch ist es nit gut den lewtenn die Ritig sein oder sust vol plutz sein Wiß das als fleisch (meat) alter tier oder die do iunge tier in in tragenn vnd auch alter vogel (poultry) als alte hunerr (chicken) vnd alte hannenn (rooster) vnuetz ist Vnd als veists fleisch (meat) wann das schavmet in dem magenn vnd macht den menschenn vnlustig zu essenn Als gepratenn fleisch (meat) das speyst wol vnd ist gesund doch wirt es kawm verdewt vnd ist den mensche gut den vil plutz enget vnden an vnd man soll kein ander speiß essenn wenn man das selbig isset spricht Rasis Gebratenn fleisch (meat) an dem das ist ein grobe speyß vnd macht sat vnd wirt kaum verdewet vnd macht veist in dem leib so es mager ist Gesottenn fleisch (meat) ist das gesundest wie man das bereittenn mag Doch thut man ein wenig essigs (vinegar) in das wasserr (water) darInnen es seudt so ist es nuetz den lewten die ein heisse lebernn habenn oder die zu vil Rubeam coleram habenn oder das vbergel haben