Veigenn (fig) Das pest obs spricht Auerrois sein veigenn (fig) wann sie reynigenn [63r] den magenn vnd machenn zu stul genn vnd bringenn hitz vnd feuchtigkeit Auicenna spricht das sie boeß plut machenn vnd darvmb wer ir vil isset der wirt grindig vnd vol lewß doch so sein sie nuetz der lebernn vnd dem miltz so sie verstopfft sein vnd den nyeren vnd dye blosen renigt sie vnd thut den weg auff do die speyß soll ein genn So man sie isset mit nussen (nut) oder mit mandel (almond) lang dar vor ee man isset die sein nuetz der prust vnd furr die reuhen in der kelen So man sie in wasser (water) seudt vnd sie trucken ißt mit nußenn (nut) so sein sie furr alle vergifft gut