Categories:
Main ingredient: poultryPreparation: roastType: medicinalItem Hienach volgt wie man ein ganß pratenn soll So laß sie vor zwenn oder drej tag wol hungernn das die boesen predenn die in ir sein her auß genn vnd soll sie dann nernn mit kornn vnd dar nach toette sie vnd prate sie pej dem fewerr vnd du solt dar ein stossen saluia vnd ander gut wuertz das der safft dardurch gee vnd man soll sie besprengenn mit wein oder mit essigk das daz schmaltz [60v] do vonn trieff Wann das genß schmaltz soll man nit essenn wann es macht den menschen krannck wann die feistenn kumbt vonn boeser feuchtigkeit vnd wer gesund ist der soll die gans also gebratenn essenn so schadt sie dester mynderr Wer aber krannck ist der soll wenig do von essenn Wenn man sie kocht vnd seudt in wasser so ist sie vngesund wann dann so muegenn die boesen preden nit herauß genn von verhinderung wegen des wassers