Categories:
Main ingredient: herbsPreparation: -Type: medicinalOleum Iusquiani Macht man also Iusquianum heyßt pilsenn Fuelle einen hafen mit dem samenn der locher hab der new ist vnd die koeplichen vnd pleterr zu schnittenn Nym einen andernn hafen vnd grab den vnter die erdenn vnd setz den ersten locheretten auff den die erdenn vnd stopff es wol zu das nichtz dar ein felt vnd deck dann die erden veber die Zwenn [69v] hefen vnd laß die ein Iarr stenn Wenn das Iarr vmb kumbt so nyms her auß so vindestu schonn vnd lauterr oel in dem vndersten hafen Das oel ist garr gut zu allerley seuchenn die von hitz komenn wann es kelt serr Ich hab yeczund gesagt von den oelen die kalter natur sein Nun will ich sagen von den die heysser naturr sein